ଗୁଣପୁର,୨୭ା୨(ଡି.ଏନ.ଏ): ଦକ୍ଷିଣ ଓଡିଶାରେ ଥିବା ଆଦିବାସୀଙ୍କ ଜମିକୁ ଆନ୍ଧ୍ର ପ୍ରଦେଶର ଲୋକଙ୍କ ଦ୍ବାରା ହଡପ କରାଯାଉଥିବାରୁ ଅଖିଳ ଭାରତ ଭ୍ରଷ୍ଟାଚାର ବିରୋଧୀ ସଂଗଠନ ଉଦବେଗ ପ୍ରକାଶ କରିଛି। ପ୍ରଶାସନରେ ଦୁର୍ନୀତି ଚରମ ସୀମାରେ ପହଁଞ୍ଚିଛି। ପ୍ରଶାସନ ଉପରେ ରାଜନେତାଙ୍କ ନିୟନ୍ତ୍ରଣ ନାହିଁ। ଯାହା ଫଳରେ ସରକାରୀ ବାବୁ ମାନେ ଭ୍ରଷ୍ଟାଚାର କରି ଚାଲିଛନ୍ତି। ଏ ସବୁକୁ ନେଇ ଆସନ୍ତା ଏପ୍ରିଲରୁ ଜନ ଆନ୍ଦୋଳନ କରାଯିବ ବୋଲି ସଂଗଠନର ରାଜ୍ୟ ଆବାହକ ସୁବ୍ରତ କୁମାର ନନ୍ଦ ରବିବାର ସ୍ଥାନୀୟ ପୂର୍ତ୍ତ ବିଭାଗ ବଙ୍ଗଳା ଠାରେ ଆୟୋଜିତ ଖବରଦାତା ସମ୍ମିଳନିରେ କହିଛନ୍ତି। ଅବିଭକ୍ତ କୋରାପୁଟ ଜିଲାରେ ଶହଶହ ଏକର ଆଦିବାସୀଙ୍କ ଜମିକୁ ଆନ୍ଧ୍ରର ଦଲାଲମାନେ ହଡପ କରଛନ୍ତି। ସେମାନେ ପଟ୍ଟା ମଧ୍ୟ କରାଇ ନେଇଛନ୍ତି। ଏହାର ତଦନ୍ତ କରାଯାଇ ଆଦିବାସୀ ମାନଙ୍କୁ ସେମାନଙ୍କ ଜମି ଫେରାଇ ଆଣିବା ଦିଗରେ ପଦକ୍ଷେପ ନେବାକୁ ସଂଗଠନ ପକ୍ଷରୁ ଦାବି କରାଯାଇଥଲା। ଖବରଦାତା ସମ୍ମିଳନ୍ନୀରେ ରାଜ୍ୟ ସଂପାଦକ ଶ୍ୟାମ ସୁନ୍ଦର ପଣ୍ଡା,ରାଜ୍ୟ ସଂଯୋଜକ ସୁବାସ ଚନ୍ଦ୍ର ପଣ୍ଡା, ଗୁଣପୁର ଶାଖାର ସଭାପତି ଲକ୍ଷ୍ମୀଚାନ୍ଦ ସାହୁ,ନବରଙ୍ଗପୁର ଶାଖାର ସଭାପତି ଈଶ୍ୱର ରାଓ, ପୂର୍ବତନ ବିଧାୟକ ରାମମୂର୍ତ୍ତି ଗମାଙ୍ଗ ପ୍ରମୁଖ ଉପସ୍ଥିତ ରହିଥିଲୋ ଅପରାହ୍ନରେ ନେତୃମଣ୍ଡଳୀ ରାମନାଗୁଡା ବ୍ଲକ ଗୋଗୁପାଡୁ ପଞ୍ଚାୟତ ଆନ୍ଧ୍ର ଓଡିଶା ସିମାନ୍ତ ଲାଉଗୁଡା ଅଞ୍ଚଳ ଗସ୍ତ କରି ଓଡିଶାର ୧୩୦ ଏକର ଜମି ଉପରେ ଆନ୍ଧ୍ରର ଲୋକମାନେ କବଜା କରି ରହିଥିବା ଅନୁଧ୍ୟାନ କରିଥିଲୋ ଯାହାକୁ ନେଇ ସଂଗଠନ ପକ୍ଷରୁ ଉପଦେବ ପ୍ରକାଶ ପାଇଥିଲାା ଏନେଇ ସଂଗଠନ ପକ୍ଷରୁ ସରକାରଙ୍କ ଦୃଷ୍ଟି ଆକର୍ଷଣ କରାଯିବାକୁ ସୋମବାର ଉପଜିଲାପାଲଙ୍କୁ ଦାବୀ ପ୍ରଦ ପ୍ରଦାନ କରାଯିବାକୁ ନିଷ୍ପତ୍ତି ହୋଇଛି ।
