ବଲିଉଡ ଅଭିନେତ୍ରୀ ଅନନ୍ୟା ପାଣ୍ଡେ ଆଜିକାଲି ଇଟାଲୀରେ ଛୁଟି କାଟୁଛନ୍ତି। ସେଠାରୁ ତାଙ୍କର ସୁନ୍ଦର ଫଟୋ ସବୁ ମଧ୍ୟ ପ୍ରଶଂସକଙ୍କ ସହ ଶେୟାର କରୁଛନ୍ତି। ଅନନ୍ୟା ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଅନେକ ଫଟୋ ଏବଂ ଏକ ଭିଡିଓ ଛାଡିଛନ୍ତି। ଭିଡିଓରେ ସେ ଓ୍ବିସିଂ ଫାଉଣ୍ଟେନରେ ମୁଦ୍ରା ପକାଇ ମନସ୍କାମନା ପୂରଣ ପାଇଁ ପ୍ରାର୍ଥନା କରିଛନ୍ତି। ଅନନ୍ୟାଙ୍କର ଏହି ଫଟୋଗୁଡ଼ିକ ତାଙ୍କ ପ୍ରଶଂସକମାନେ ବହୁତ ପସନ୍ଦ କରିଛନ୍ତି। ଏହାସହ ଖୁବଶୀଘ୍ର ତାଙ୍କ ମନସ୍କାମନା ପୂରଣ ହୋଇଯାଉ ବୋଲି ମଧ୍ୟ ୟୁଜର୍ସ କହିଛନ୍ତି।
ନିକଟରେ ଅନନ୍ୟାଙ୍କୁ ବିଜୟ ଦେବରକୋଣ୍ଡାଙ୍କ ସହ ‘ଲାଇଗର୍’ରେ ଦେଖିବାକୁ ମିଳିଥିଲା। କିନ୍ତୁ ଫିଲ୍ମ ବକ୍ସଅଫିସରେ ଫ୍ଲପ୍ ହୋଇଥିଲା। ଏବେ ଅନନ୍ୟା କାର୍ଯ୍ୟରୁ କିଛିଦିନ ବିରତି ନେଇଛନ୍ତି।
