ମୁମ୍ବାଇ,୬।୮: ବଲିଉଡ୍ ମହାନାୟକ ଅମିତାଭ ବଚ୍ଚନ କ୍ଷମା ମାଗିଛନ୍ତି। କଥାଟା ଅଡୁଆ ଲାଗୁଥିଲେ ବି ସତ। କରୋନା ମହାମାରୀରେ ପୀଡ଼ିତ ଥିବା ଅମିତାଭ ଶେଷରେ ସୁସ୍ଥ ହୋଇ ଘରକୁ ଫେରିବା ପରେ ଏବେ ସେ ସୋସିଆଲ ମିଡିଆ ମାଧ୍ୟମରେ ତାଙ୍କ ପ୍ରଶଂସକଙ୍କ ସହ ଯୋଡି ହୋଇ ରହୁଛନ୍ତି। ଘରେ ରହି ସେ ଏବେ ଭଲ ଭଲ ପୋଷ୍ଟ ଶେୟାର କରୁଥିବା ଦେଖାଯାଉଛି। ଯାହା ତାଙ୍କ ପ୍ରଶଂସକଙ୍କ ମନକୁ ପାଉଛି। ନିକଟରେ ଏହି ମହାନାୟକ କ୍ଷମା ମାଗି ଆସିଛନ୍ତି ଚର୍ଚ୍ଚାକୁ। ପୂର୍ବରୁ ସେ ଯେଉଁ କବିତା ପୋଷ୍ଟ କରିଥିଲେ ସେଥିରେ ସେ କବିଙ୍କ ନାମ ଭୁଲ ଲେଖିଥିବା ସଫେଇ ଦେଇ କ୍ଷମା ମାଗିଛନ୍ତି। ସେ ତାଙ୍କ ଟୁଇଟର ପୋଷ୍ଟରେ କରେକସନ୍ ଲେଖି ଲେଖିଛନ୍ତି, କାଲି T 3617ରେ ଯେଉଁ କବିତା ଛପା ଯାଇଥିଲା ଏହାର ଲେଖକ ବାବୁଜୀ ନୁହେଁ କବି ପ୍ରସୁନ ଯୋଶୀ। ଏଥିପାଇଁ ମୁଁ କ୍ଷମା ମାଗୁଛି। ଏହାସହ ହାତ ଯୋଡିବାର ଏକ ଇମୋଜି ମଧ୍ୟ ସେ ଶେୟାର କରିଥିଲେ। ଏହାସହ ସେ ତାଙ୍କ ପିତା ହରିବଂଶ ରାୟ ବଚ୍ଚନଙ୍କର ଏକ କବିତା ମଧ୍ୟ ଶେୟାର କରିଛନ୍ତି।
