ଅଲୱର,୨୮।୨: ରାଜସ୍ଥାନର ଅଲୱାରର ଶିବାଜୀ ପାର୍କ ଥାନା ଅଞ୍ଚଳରେ ଥିବା ହରିଶ ହସ୍ପିଟାଲର ଆଇସିୟୁରେ ଭର୍ତ୍ତି ହୋଇଥିବା ୨୪ ବର୍ଷ ବୟସ୍କା ମହିଳାଙ୍କୁ ବଳାତ୍କାର କରି ଜଣେ ପୁରୁଷ ନର୍ସଙ୍କ ଗିରଫ ହୋଇଛନ୍ତି।
ପୋଲିସର ସୂଚନାନୁସାରେ, ପୀଡିତା ଅଭିଯୋଗ କରିଛନ୍ତି ଯେ, ସୋମବାର ରାତି ପ୍ରାୟ ୩.୩୦ ସମୟରେ ନର୍ସ ଜଣଙ୍କ ଆଇସିୟୁକୁ ଆସି ତାଙ୍କ ସହ ଅଶ୍ଳୀଳ କାର୍ଯ୍ୟ କରିଥିଲେ। ଯେତେବେଳେ ସେ ଏହାକୁ ବିରୋଧ କରିଥିଲେ, ସେ ତାଙ୍କୁ ଏକ ଇଞ୍ଜେକ୍ସନ ଦେଇ ତାଙ୍କୁ ବଳାତ୍କାର କରିଥିଲେ। ଅଭିଯୁକ୍ତ ନର୍ସ ଚିରାଗ ଯାଦବ ତିଜରା ପୋଲିସ ଷ୍ଟେଶନ ଅଞ୍ଚଳର ଧାକି ବନ୍ଧଡା ଗାଁର ବାସିନ୍ଦା। ପୋଲିସ ତାଙ୍କୁ ଅଟକ ରଖିଛି।
ସୋମବାର ଅପରାହ୍ନ ୨ଟା ସମୟରେ ପୀଡିତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ତାଙ୍କର ଫୁସଫୁସରେ ସଂକ୍ରମଣ ଅଛି। ଏହି କାରଣରୁ ତାଙ୍କୁ ଆଇସିୟୁରେ ଭର୍ତ୍ତି କରାଯାଇଥିଲା। ସେ ସେଠାରେ ଚିକିତ୍ସିତ ହେଉଥିଲେ। ପୀଡିତା ମହିଳା ଅଭିଯୋଗ କରିଛନ୍ତି ଯେ, ସେ ରାତିରେ ଶୋଇଥିଲେ। ସେହି ସମୟରେ ଅଭିଯୁକ୍ତ ତାଙ୍କୁ ନିର୍ଯାତନା ଦେଇଥିଲେ। ଯେତେବେଳେ ସେ ଏହାକୁ ବିରୋଧ କରିଥିଲେ, ତାଙ୍କୁ ଏକ ନିଶା ଇଞ୍ଜେକ୍ସନ ଦେଇଥିଲେ। ଏହା ପରେ ସେ ତାଙ୍କୁ ବଳାତ୍କାର କରିଥିଲେ। ପୀଡିତା ଜଣକ ଡାକ୍ତରଖାନା କର୍ମଚାରୀ ଏବଂ ମ୍ୟାନେଜମେଣ୍ଟ ତାଙ୍କୁ ଧମକ ଦେଇଥିବା ଅଭିଯୋଗ କରିଛନ୍ତି।
