ବାଲେଶ୍ୱର ଅଫିସ,୨।୨: ବାଲେଶ୍ୱର ଜିଲା ଭୋଗରାଇ ବ୍ଲକ କୁମ୍ଭୀରଗଡ଼ି ପଞ୍ଚାୟତର ଜଣେ ୱାର୍ଡ ମେମ୍ବର ପ୍ରାର୍ଥୀ ନାମାଙ୍କନପତ୍ର ଦାଖଲ କରିଥିଲେ। ମଙ୍ଗଳବାର ପ୍ରାର୍ଥିପତ୍ର ଯାଞ୍ଚ କରାଯାଉଥିବା ବେଳେ ଓ୍ବାର୍ଡ ମେମ୍ବର ପ୍ରାର୍ଥୀଙ୍କର ବୟସ କମ୍ ଥିବାନେଇ ଅପର ପକ୍ଷ ଅଭିଯୋଗ କରିଥିଲେ। କିନ୍ତୁ ଯାଞ୍ଚ କରୁଥିବା ନିର୍ବାଚନ ଅଧିକାରୀ ଉକ୍ତ ନାମାଙ୍କନ ପତ୍ରକୁ ଖାରଜ ନ କରିବା ଯୋଗୁ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଥିଲା। ପରେ ଭୋଗରାଇ ବିଡିଓ ଶଙ୍କର ପଟ୍ଟନାୟକ, ଭୋଗରାଇ ଏବିଡିଓ ଶରତ କୁମାର ମୁଦୁଲି, ଘଟଣାସ୍ଥଳରେ ପହଞ୍ଚି ସେ ମଧ୍ୟ ସମାନ ଉତ୍ତର ରଖିଥିଲେ। ଯାହାକୁ ନେଇ ଲୋକ ଉକ୍ତ କାର୍ଯ୍ୟାଳୟରେ ଉଭୟ ଅଧିକାରୀଙ୍କ ସହ ଯାଞ୍ଚ କରୁଥିବା ଅଧିକାରୀ ବିରାଜ କୁମାର ନାୟକଙ୍କୁ ଗେଟ୍ରେ ତାଲା ପକାଇ ଅଟକ ରଖିଥିଲେ।
