ସିଂହପୁର,୧୧ା୧୨(ଡି.ଏନ.ଏ.): ବିଞ୍ଝାରପୁର ବ୍ଲକ୍ ଅନ୍ତର୍ଗତ ଜରି ପଞ୍ଚାୟତ ଜରି ଗ୍ରାମ ତୋଟା ସାହିର ଅଲେଖ ମଳିକଙ୍କ ପାଇଁ ସରକାରୀ ଯୋଜନା ସାତ ସପନ ପାଲଟିଛି। ମୌଳିକ ସୁବିଧାରୁ ବଞ୍ଚତ୍ତ ହୋଇ ତାଙ୍କ ପରିବାର ଭଙ୍ଗା କୁଡ଼ିଆରେ ଜୀବନ କାଟୁଛନ୍ତି। ଅଲେଖଙ୍କ ପରିବାର କହିଲେ ସ୍ତ୍ରୀ ଓ ଗୋଟିଏ ପୁଅ। ଅଲେଖ ଏବେ ଟିବି ରୋଗରେ ଆକ୍ରାନ୍ତ ହୋଇ ଦୀର୍ଘଦିନ ହେଲା ଚିକିତ୍ସିତ ହେଉଛନ୍ତି। ତାଙ୍କ ଚିକିତ୍ସାରେ ଅର୍ଥ ବାଧକ ସାଜିଛି। ଭଙ୍ଗା କୁଡ଼ିଆରେ ରହିଥିଲେ ମଧ୍ୟ ଆବାସ ଯୋଜନା ତାଲିକାରେ ନଁା ନ ଥିବାରୁ କେବେ ଘର ମିଳିବ ତାହାକୁ ନେଇ ଅନିଶ୍ଚିତତା ଦେଖାଦେଇଛି। ଆଜି ପର୍ଯ୍ୟନ୍ତ ରାଶନ କାର୍ଡଟିଏ ମିଳି ପାରିନାହିଁ। ଅଲେଖ ଅଧିକାଂଶ ଦିନ କାମ କରି ପାରୁ ନ ଥିବାରୁ ପରିବାର ଉପାସ ରହୁଥିବା ସେ କହିଛନ୍ତି। ସରକାରୀ ଚାକିରିଆ ଓ ଥିଲାବାଲା ଲୋକ ରାଶନ କାର୍ଡ ହାତଉଥିବା ବେଳେ ଏପରି ଗରିବ ବାଦ ପଡ଼ିବା ଆଶ୍ଚର୍ଯ୍ୟର କଥା। ସେହିପରି ମାଗଣା ବିଦ୍ୟୁତ୍ ଯୋଜନାରେ ସାମିଲ ହୋଇ ନ ଥିବାରୁ ଲଣ୍ଠନ ଆଲୁଅରେ ପରିବାର ଲୋକଙ୍କ ରାତି କଟୁଛି। ତେଣୁ ସମସ୍ତ ସରକାରୀ ଯୋଜନାରେ ସାମିଲ କରିବାକୁ ଅଲେଖ ଜିଲାପାଳଙ୍କୁ ନିବେଦନ କରିଛନ୍ତି।
