ବୈଶାଖ ମାସ ଶୁକ୍ଳପକ୍ଷରେ ପଡ଼ୁଥିବା ଅକ୍ଷୟ ତୃତୀୟାକୁ ବହୁ ଶୁଭ ମନାଯାଇଥାଏ। ଏହି ଦିନରେ ପୂଜାର୍ଚ୍ଚନା କଲେ ଭକ୍ତକୁ ପୂଣ୍ଣ୍ୟ ମିଳିଥାଏ। ଚଳିତ ବର୍ଷ ଅକ୍ଷୟ ତୃତୀକ୍ଷା ମେ ୭ ମଙ୍ଗଳବାରକୁ ପଡ଼ୁଛି। ଶାସ୍ତ୍ର ଅନୁସାରେ ଅକ୍ଷୟ ତୃତୀୟା ଦିନ ଜପ, ତପ ଓ ଦାନ କଲେ ଅକ୍ଷୟ ଫଳ ପ୍ରାପ୍ତି ହୋଇଥାଏ। ଏହି ଶୁଭ ଦିନରେ ଭକ୍ତମାନେ ବିଧି ବିଧାନ ଆନୁଯାୟୀ ପୂଜାର୍ଚ୍ଚନା କରି ମା’ ଲକ୍ଷ୍ମୀଙ୍କୁ ପ୍ରସନ୍ନ କରିଥାନ୍ତି। ମା’ ଲକ୍ଷ୍ମୀ ତାଙ୍କୁ ସମୃଦ୍ଧି ଦେବା ସହ ଘର ଧନ ଓ ବୈଭବରେ ପରିପୂର୍ଣ୍ଣ କରିଥାନ୍ତି। ଏଥିସହ ଅକ୍ଷୟ ତୃତୀୟାରେ ଅଳଙ୍କାର କିଣିବାର ମାନ୍ୟତା ରହିଛି। ଏହି ଶୁଭଦିନରେ ସୁନା କିଣିଲେ ସମୃଦ୍ଧି ମିଳେ ବୋଲି ବିଶ୍ୱାସ ରହିଛି। ତେବେ ଆସନ୍ତୁ ଜାଣିବା କ’ଣ ରହିଛି ସ୍ବତନ୍ତ୍ର ପୂଜା ବିଧି…
* ଧ୍ୟାନ ରଖନ୍ତୁ ଏହି ଦିନ ଲକ୍ଷ୍ମୀ-ନାରାୟଣଙ୍କ ପୂଜା କରିବା ସମୟରେ ଧଳା ପଦ୍ମ ବା ଧଳା ଗୋଲାପ ଫୁଲର ବ୍ୟବାହାର କରିବେ।
*୧୧ କଉଡିକୁ ଏକ ଲାଲ କପଡାରେ ବାନ୍ଧି ପୂଜା ସ୍ଥାନରେ ରଖନ୍ତୁ। ଏଥିସହ ମା’ଲକ୍ଷ୍ମୀଙ୍କୁ କେଶର ଓ ଲାଲ ଫୁଲରେ ପୂଜାର୍ଚ୍ଚନା କରନ୍ତୁ। ଏହି ସରଳ ଉପାୟ କରିବା ଦ୍ୱାରା ଧନ ପ୍ରାପ୍ତି ହେବା ସହ ଆପଣଙ୍କ ଘରେ ମା’ ଲକ୍ଷ୍ମୀଙ୍କ ବାସ ହେବ।
* ଅକ୍ଷୟ ତୃତୀୟା ଦିନ ବିଷ୍ଣୁଙ୍କ ପ୍ରିୟ ତୁଳସୀକୁ ପୂଜା କଲେ ସୁଖ ସମୃଦ୍ଧି ଓ ସୌଭାଗ୍ୟ ପ୍ରାପ୍ତି ହୋଇଥାଏ। କାରଣ ଏହି ଶୁଭ ଦିନରେ ତୁଳସୀକୁ ପୂଜା କଲେ ଭଗବାନ ବିଷ୍ଣୁ ଓ ମା’ଲକ୍ଷ୍ମୀଙ୍କ କୃପା ଆପଣଙ୍କ ଉପରେ ସର୍ବଦା ବଜାୟ ରହିବ।
* ଅକ୍ଷୟ ତୃତୀୟାରେ ଦାନର ଅଧିକ ମହତ୍ତ୍ୱ ରହିଛି। ଏହି ଦିନରେ ଆପଣ ଘର ହେଉ କିମ୍ବା ଅଫିସରେ ଯେଉଁ ସ୍ଥାନରେ ଟଙ୍କା ପଇସା ରଖାଯାଇଥାଏ ସେଠାରେ ଲାଲ କପଡ଼ାରେ ଲାଲ ସିନ୍ଦୁର, ପୂଜାର ଗୁଆ ଓ ମୁଦ୍ରା ବାନ୍ଧି ରଖିଦେବା। ଏଥିସହ ଘରର ମେନ୍ଗେଟ ସମ୍ମୁଖର ଡାହାଣ ପାର୍ଶ୍ୱରେ ଘିଅ ଦୀପ ଜଳାଇ ଦିଅନ୍ତୁ। ଏହା ଦ୍ୱାରା ମା’ ଲକ୍ଷ୍ମୀ ପ୍ରସନ୍ନ ହେବା ସହ ସର୍ବଦା ଆପଣଙ୍କ ଉପରେ ମା’ଙ୍କ ଆର୍ଶୀବାଦ ରହିବ।
