ମୁମ୍ବାଇ
ବଲିଉଡ୍ ଅଭିନେତା ଅକ୍ଷୟ କୁମାର ଖୁବ୍ଶୀଘ୍ର ୨୦୨୫ରେ ତାଙ୍କ ପ୍ରଥମ ଚଳଚ୍ଚିତ୍ର ସହ ପରଦାକୁ ଆସୁଛନ୍ତି। ଆସନ୍ତା ଜାନୁୟାରୀ ୨୪ରେ ଅକ୍ଷୟଙ୍କର ଆକ୍ସନ୍-ପ୍ୟାକ୍ ଫିଲ୍ମ ‘ସ୍କାଏ ଫୋର୍ସ’ ରିଲିଜ୍ ହେବାକୁ ଯାଉଛି। ରବିବାର ଫିଲ୍ମ ନିର୍ମାତାଙ୍କ ପକ୍ଷରୁ ଏହାର ଟ୍ରେଲରକୁ ଜାରି କରାଯାଇଛି। ଏହି ଟ୍ରେଲରରେ ଅକ୍ଷୟଙ୍କ ସହ ଅଭିନେତା ବୀର ପହାଡ଼ିଆଙ୍କୁ ଦମ୍ଦାର ଭୂମିକାରେ ଦେଖିବାକୁ ମିଳିଛି।
ଫୋର୍ସ’ରେ ଉଭୟ ଅକ୍ଷୟ ଏବଂ ବୀରଙ୍କୁ ଭାରତୀୟ ବାୟୁସେନା ଅଧିକାରୀଙ୍କ ଭୂମିକାରେ ଦେଖିବାକୁ ମିଳିବ। ଏହି ଫିଲ୍ମର ଟ୍ରେଲରରେ ଅକ୍ଷୟଙ୍କର ଜବରଦସ୍ତ ଆକ୍ସନ ଦୃଶ୍ୟ ରହିଛି। ସେହିପରି ବୀର ମଧ୍ୟ ଖୁବ୍ ଏୟାର ଷ୍ଟଣ୍ଟ କରୁଛନ୍ତି। ଭାରତ ଓ ପାକିସ୍ତାନ ଯୁଦ୍ଧରୁ ଏହି ଟ୍ରେଲର ଆରମ୍ଭ ହୋଇଛି। ପରେ ଅକ୍ଷୟ ଏହି ଯୁଦ୍ଧରେ ହଜିଯାଇଥିବା ତାଙ୍କ ସାଥୀ ବାୟୁସେନା ଅଧିକାରୀଙ୍କୁ ଖୋଜିବା ପାଇଁ ଏକ ମିଶନ ଆରମ୍ଭ କରିଛନ୍ତି, ଯାହାକୁ ନେଇ ଫିଲ୍ମର ପୂରା କାହାଣୀ ଗତି କରୁଛି। ‘ସ୍କାଏ ଫୋର୍ସ’ ଫିଲ୍ମର ଟ୍ରେଲରରେ ଅଭିନେତ୍ରୀ ସାରା ଅଲି ଖାନ୍ ଏବଂ ନିମ୍ରତ କୌରଙ୍କ ଝଲକକୁ ମଧ୍ୟ ଦେଖିବାକୁ ମିଳିଛି।
