ମେଲବୋର୍ନ,୨୮।୧୨: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ମେଲବୋର୍ନ କ୍ରିକେଟ ଗ୍ରାଉଣ୍ଡରେ (ଏମସିଜି) ଖେଳାଯାଉଥିବା ବକ୍ସିଂ ଡେ’ ଟେଷ୍ଟରେ ରବିଚନ୍ଦ୍ରନ ଅଶ୍ୱିନ ଏବଂ ଅଜିଙ୍କେ ରାହାନେ ମିଶି ଏକ ସ୍ବତନ୍ତ୍ର କ୍ଲବରେ ସାମିଲ ହୋଇଛନ୍ତି। ବୋଲର ଏବଂ ଫିଲ୍ଡର ଏକାଠି ସର୍ବାଧିକ ଉଇକେଟ ନେବା କ୍ଲବରେ ଉଭୟ ସାମିଲ ହୋଇଛନ୍ତି।ନ୍ ବର୍ଡର ଗାଭାସ୍କର ଟ୍ରଫିର ଦ୍ୱିତୀୟ ଟେଷ୍ଟରେ ଅଷ୍ଟ୍ରେଲୀୟ ଇନିଂସର ୧୭.୫ ଓଭରରେ ରବିଚନ୍ଦ୍ରନ ଅଶ୍ୱିନଙ୍କ ବଲ୍ରେ ମାର୍ନୁସ ଲାବୁଶେନଙ୍କ ଚମତ୍କାର କ୍ୟାଚ ଅଧିନାୟକ ଅଜିଙ୍କେ ରାହାନେ ଧରିଥିଲେ। ରାହାନେ ଅଶ୍ୱିନଙ୍କ ପାଇଁ ଏହିପରି ୨୭ଥର ଉଇକେଟ୍ ନେବା ଥିଲା। ବୋଲର ଏବଂ ଫିଲ୍ଡରଙ୍କ ମିଶ୍ରଣରେ ଅନିଲ କୁମ୍ବଲେ ଏବଂ ରାହୁଲ ଦ୍ରାବିଡ ସର୍ବାଧିକ ଉଇକେଟ ନେଇ ଶୀର୍ଷରେ ଅଛନ୍ତି।
ଫିଲ୍ଡର-ବୋଲର ମିଶ୍ରଣରେ ଉଇକେଟ (ଭାରତ)
୫୫ – ରାହୁଲ ଦ୍ରାବିଡ଼ – ଅନିଲ କୁମ୍ବଲେ
୫୧ – ରାହୁଲ ଦ୍ରାବିଡ଼ – ହରଭଜନ ସିଂ
୨୭- ଅଜିଙ୍କ୍ୟ ରାହାଣେ- ରବିଚନ୍ଦ୍ରନ ଅଶ୍ୱିନ
୨୬- ଭିଭିଏସ ଲକ୍ଷ୍ମଣ – ଅନିଲ କୁମ୍ବଲେ
୨୫ – ମହମ୍ମଦ ଅଜହରୁଦ୍ଦିନ – ଅନିଲ କୁମ୍ବଲେ
