ବମ୍ବେ: ଚର୍ଚ୍ଚାରେ ‘ସୂର୍ଯ୍ୟବଂଶୀ’ ଷ୍ଟାର ଅଜୟ ଦେବଗନ। ଭାବୁଥିବେ କାହିଁକି। ଏବେ ‘ଇନ୍ଟୁ ଦ ଓ୍ବାଇଲ୍ଡ ଉଇଥ୍ ବିୟର ଗ୍ରିଲ୍’ଙ୍କ ଶୋ’ରେ ଏହି ସୁପରଷ୍ଟାରଙ୍କୁ ଦେଖିବାକୁ ମିଳିବ। ଗ୍ରିଲଙ୍କ ସହ ସମୁଦ୍ରରେ ସାର୍କର ସାମ୍ନା କରୁଥିବା ନଜର ଆସିବେ ସେ। କିଛି ଷ୍ଟଣ୍ଟ ଏବଂ ଆକ୍ସନ କରିବା ସମୟରେ ଅଜୟ ବାପା ଭିରୁଙ୍କ ଜୀବନ ସହ ଜଡ଼ିତ କିଛି ସ୍ମୃତି ଗ୍ରିଲଙ୍କ ସହ ମଧ୍ୟ ବାଣ୍ଟିବେ। ବାପାଙ୍କ ଯୋଗୁ ଆକ୍ସନକୁ ପସନ୍ଦ କରନ୍ତି ଅଜୟ। କାରଣ ତାଙ୍କ ବାପା ଜଣେ ଷ୍ଟଣ୍ଟ କୋରିଓଗ୍ରାଫର ଥିଲେ।
ଅଭିନେତା ନିଜର ସୋସିଆଲ ମିଡିଆ ଆକାଉଣ୍ଟରେ ଏକ ଭିଡିଓ ଶେୟାର କରି ଶୋ’ରେ ଭାଗ ନେଉଥିବା ନେଇ ପ୍ରଶଂସକଙ୍କୁ ଜଣାଇଛନ୍ତି। ଭିଡିଓରେ ହେଲିକାପ୍ଟର ଯୋଗେ ସେ ଏଣ୍ଟ୍ରି ମାରୁଥିବା ଦେଖାଯାଇଛି। ପରେ ସେ ଗ୍ରିଲଙ୍କ ସହ ଏକ ବୋଟ୍ରେ ଯାଉଛନ୍ତି। ଏହା ଜଣାପଡ଼ିବା ପରେ ପ୍ରଶଂସକ ଉତ୍ସାହିତ ଥିବା ପ୍ରତିକ୍ରିୟା ଦେଉଛନ୍ତି।
ସେମିତିରେ ଆପଣ ମୋତେ ବହୁତ ଫିଲ୍ମରେ ଆକ୍ସନ କରୁଥିବା ଦେଖିଥିବେ। ହେଲେ ଅଜୟ ଦେବଗନ ଭାବେ କେବେ ଦେଖି ନ ଥିଲେ। ଆଜି ମୁଁ ଭାରତ ମହାସାଗର ମଧ୍ୟରେ ବିୟର ଗ୍ରିଲଙ୍କ ସହ ଅଛି । ମୋତେ ଲାଗୁଛି ଏହା କୌଣସି ଖେଳ ନୁହେଁ। ଆଗକୁ କ’ଣ ହେଲା ତାହା ଦେଖିବାକୁ ଚାହୁଁଛନ୍ତି, ତେବେ ଡିସ୍କଭରି ଚ୍ୟାନେଲ୍ରେ ଦେଖନ୍ତୁ ବୋଲି ଭିଡିଓରେ ଅଜୟ କହିଛନ୍ତି।
