ଅଜୟ ବଙ୍ଗା ବିଶ୍ୱବ୍ୟାଙ୍କର ନିର୍ବିରୋଧ ଅଧ୍ୟକ୍ଷ ହେବା ନିଶ୍ଚତ…

ଓ୍ବାଶିଂଟନ,୩୦।୩ : ମୂଳ ଭାରତୀୟ ଅଜୟ ବଙ୍ଗା ବିଶ୍ୱବ୍ୟାଙ୍କର ଅଧ୍ୟକ୍ଷ ହେବା ପ୍ରାୟ ନିଶ୍ଚିତ। ବୁଧବାର ଏହି ପଦବୀ ପାଇଁ ନାମାଙ୍କନ ଶେଷ ହୋଇଛି। ଅନ୍ୟ କୌଣସି ଦେଶ ସର୍ବସାଧାରଣରେ ବିକଳ୍ପ ପ୍ରାର୍ଥୀ ପ୍ରସ୍ତାବ ଦେଇନାହାନ୍ତି। ଅର୍ଥ ବଙ୍ଗା ବିରୋଧରେ ଅନ୍ୟ କୌଣସି ପ୍ରାର୍ଥୀ ନାହାଁନ୍ତି।

ମାଷ୍ଟରକାର୍ଡ ଇଙ୍କର ପୂର୍ବତନ ସିଇଓ ଗତ ମାସରେ ରାଷ୍ଟ୍ରପତି ଜୋ ବାଇଡେନଙ୍କ ଠାରୁ ଏକ ଅନୁମୋଦନ ଗ୍ରହଣ କରିଥିଲେ। ବର୍ତ୍ତମାନର ଅଧ୍ୟକ୍ଷ ଡେଭିଡ ମାଲପାସ ପ୍ରାୟ ଏକ ବର୍ଷ ପୂର୍ବେ ଇସ୍ତଫା ଦେବାକୁ ଘୋଷଣା କରିବା ପରେ ଏହା କରାଯାଇଥିଲା। ବିଶ୍ୱ ବ୍ୟାଙ୍କର ଅଧ୍ୟକ୍ଷ ପଦ ପାଇଁ ଅଜୟ ବଙ୍ଗାଙ୍କ ପ୍ରାର୍ଥୀତ୍ୱକୁ ଭାରତ ସମର୍ଥନ କରିଛି।

ବ୍ଲୁମବର୍ଗ ସୂଚନା ଅନୁଯାୟୀ, ୨୦୧୯ରେ ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମାଲପାସଙ୍କୁ ମନୋନୀତ କରିଥିଲେ। ମାଲପାସଙ୍କ ନିର୍ବାଚନକୁ ମଧ୍ୟ ବିରୋଧ କରାଯାଇ ନ ଥିଲା। ଏହି ପଦ ପାଇଁ ଆମେରିକୀୟ ପ୍ରାର୍ଥୀ ସର୍ବଦା ମନୋନୀତ ହୋଇଛନ୍ତି। ଆମେରିକା ବ୍ୟତୀତ କୌଣସି ଦେଶ ପ୍ରାର୍ଥୀ ଘୋଷଣା କରିନାହାଁନ୍ତି। ବିଶ୍ୱ ବ୍ୟାଙ୍କ ନିୟମ ସଦସ୍ୟ ଦେଶମାନଙ୍କୁ ଏକ ସମୟ ଅବଧିରେ ନାମାଙ୍କନ କରିବାକୁ ଅନୁମତି ଦେଇଥାଏ।