ମୁମ୍ବାଇ: ବଲିଉଡ୍ କୁଇନ୍ ଐଶ୍ୱର୍ଯ୍ୟା ରାୟ ବଚ୍ଚନଙ୍କର ଏବେ କିଛି ଫଟୋ ଓ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏଥର ନାୟିକା ପ୍ୟାରିସ ଫ୍ୟାଶନ ୱିକରେ ର୍ୟାମ୍ପରେ ଚାଲୁଥିବା ନଜର ଆସିଛନ୍ତି । ହ୍ୱାଇଟ୍ ଗାଉନ୍ ସାଙ୍ଗକୁ ଖୋଲା କେଶ ଓ ଜବରଦସ୍ତ ମେକଅପ୍ ଐଶ୍ୱର୍ଯ୍ୟାଙ୍କୁ ଖୁବ୍ ମାନୁଛି । ଏହି ଫଟୋ ଓ ଭିଡିଓ ଦେଖିବା ପରେ ତାଙ୍କର କୋଟି କୋଟି ପ୍ରଶଂସକ କମେଣ୍ଟ କରିବା ସହ ବଲିଉଡ ସେଲିବ୍ରିଟିମାନେ ବି ଐଶ୍ୱର୍ଯ୍ୟାଙ୍କ ଲୁକ୍ସର ଖୁବ୍ ପ୍ରଶଂସା କରୁଛନ୍ତି । ବିଶ୍ୱ ସୁନ୍ଦରୀ ଐଶ୍ୱଯ୍ୟାଙ୍କ ଟିକେ ଝଲକ୍ ପାଇଁ ପ୍ରଶଂସକ ପାଗଳ ହେଉଥିବା ବେଳେ ଏବେ ପୁଣିଥରେ ଲାଇମ ଲାଇଟରେ ଏହି ଅଭିନେତ୍ରୀ । କିଛିଦିନ ହେବ ବଲିଉଡ୍ରୁ ଦୂରେଇ ଯାଇଥିବା ଐଶ ଏବେ ଏକ ତାମିଲ ଫିଲ୍ମର ଶୁଟିଂରେ ବ୍ୟସ୍ତ ଅଛନ୍ତି । ସେ ଖୁବଶୀଘ୍ର ଏହି ତାମିଲ ଫିଲ୍ମ ‘ପୁନିୟିନ ସେଲଭମ’ରେ ନଜର ଆସିବେ ।
