ନୂଆଦିଲ୍ଲୀ,୧୭।୨:ଟାଟା ଗ୍ରୁପ୍ ଦ୍ୱାରା ପରିଚାଳିତ ଦେଶର ପ୍ରମୁଖ ବିମାନ ସେବା ପ୍ରଦାନକାରୀ ସଂସ୍ଥା ଏୟାର ଇଣ୍ଡିଆ ଗୁରୁବାର ଏକ ବାଣିଜି୍ୟକ ଅର୍ଡର ସମ୍ପର୍କରେ ଘୋଷଣା କରିଛି। ଏପରିକି କମ୍ପାନୀ ବର୍ତ୍ତମାନ ଆଉ ୩୭୦ ବେସାମରିକ ବିମାନ ଜେଟ୍ କିଣିବାକୁ ଚାହୁଁଛି। ନିକଟରେ କମ୍ପାନୀ ଆମେରିକା ଓ ଫ୍ରାନ୍ସ ସହ ଚୁକ୍ତି କରି ୪୭୦ ବିମାନ କିଣି ବେସାମରିକ ବିମାନ ଚଳାଚଳ କ୍ଷେତ୍ରରେ ଇତିହାସ ରଚିଛି। ଏପରିକି କମ୍ପାନୀ ବର୍ତ୍ତମାନ ଆଉ ୩୭୦ ଜେଟ୍ କିଣିବାକୁ ଚାହୁଁଛି। ଆସନ୍ତା ୧୦ ବର୍ଷ ମଧ୍ୟରେ ପର୍ଯ୍ୟାୟ କ୍ରମେ ୩୭୦ ଜେଟ୍ ବିମାନ କିଣାଯିବ ବୋଲି କମ୍ପାନୀ ପକ୍ଷରୁ କୁହାଯାଇଛି। ଏ ନେଇ ଏୟାରଲାଇନ୍ ବାଣିଜି୍ୟକ ଓ ପରିବର୍ତ୍ତନ ଅଧିକାରୀ ନିପୁଣ ଅଗରୱାଲ ବିସ୍ତୃତ ସୂଚନା ଦେଇଛନ୍ତି। ସୂଚନାଯୋଗ୍ୟ, ଗତ ମଙ୍ଗଳବାର ଟାଟା ପକ୍ଷରୁ ୪୭୦ବିମାନ କିଣିବା ନେଇ ଘୋଷଣା କରାଯାଇଥିଲା। ସେଥିମଧ୍ୟରୁ ଫ୍ରାନ୍ସର ଏୟାରବସ୍ ସହ ଚୁକ୍ତି କରି ୨୫୦ ବିମାନ ଓ ଆମେରିକାର ବୋଇଂ ସହ ଚୁକ୍ତି ୨୨୦ଟି ବିମାନ କିଣିବାକୁ ଘୋଷଣା କରିଥିଲା। ବର୍ତ୍ତମାନ ସମୟରେ ଟାଟା ମୋଟ ୮୪୦ ବିମାନ କିଣିବା ନେଇ ସ୍ଥିର ହୋଇଛି। ଏ ନେଇ ନିପୁଣ ନିଜ ଲିଙ୍କଡିନରେ ସୂଚନା ଦେଇ କହିଛନ୍ତି, ଆସନ୍ତା ୧୦ ବର୍ଷ ଭିତରେ ୪୭୦ ବଡ଼ ବିମାନ ସହ ୩୭୦ ଅତିରିକ୍ତ ବିମାନ ଏୟାର ବସ୍ ଓ ବୋଇଂଠାରୁ କିଣାଯିବା। ସେଥିମଧ୍ୟରୁ ୨୧୦ଟି ଏ୩୨୦,୩୨୧ନିଓ-ଏକ୍ସଏଲଆର ବିମାନ ଓ ୪୦ଟି ଏ୩୫୦-୯୦୦- ୧୦୦୦ କିଣାଯିବ। ବୋଇଂ ଫାର୍ମକୁ ୧୯୦ଟି ବି୭୩୭ମାକ୍ସ, ୨୦ଟି ବି୭୮୭ଏସ୍ ଏବଂ ୧୦ ଟି ବି୭୭୭ଏସ୍ କିଣିବାକୁ ଅର୍ଡର ଦିଆଯାଇଛି।
