ମୁମ୍ବାଇ: ପରିୟଡ ଡ୍ରାମା ‘ପୂଣ୍ଣ୍ୟଶ୍ଳୋକ ଅହିଲ୍ୟାବାଇ’ ଜାନୁୟାରୀ ୪ ଅର୍ଥାତ୍ ମଙ୍ଗଳବାରଠାରୁ ଟେଲିଭିଜନରେ ପ୍ରସାରଣ ହେବାକୁ ଯାଉଛି । ଏହି ଧାରାବାହିକରେ ଅଦିତି ଜଲତରେ ମୁଖ୍ୟ ଭୂମିକାରେ ନଜର ଆସିବେ । ଅହିଲ୍ୟାବାଇ ଭୂମିକାରେ ଦେଖିବାକୁ ମିଳିବ ଅଦିତିଙ୍କୁ । ପାଖାପାଖି ୧ହଜାରରୁ ଊର୍ଦ୍ଧ୍ୱ ଶିଶୁକନ୍ୟାଙ୍କ ମଧ୍ୟରୁ ଅଦିତିଙ୍କୁ ଏହି ଚରିତ୍ରରେ ଅଭିନୟ କରିବାର ସୁଯୋଗ ମିଳିଛି । ହେଲେ କିଏ ଏହି ଅଦିତି । ଅଦିତି ୨୦୧୯ରେ ମରାଠି ଶୋ’ ସିନ୍ଧୁରୁ ନିଜର କ୍ୟାରିୟର ଆରମ୍ଭ କରିଛନ୍ତି । କିଛି ବିଜ୍ଞାପନରେ ବି ସେ ନଜର ଆସିଛନ୍ତି ।
୧୦ ବର୍ଷୀୟା ମହାରାଷ୍ଟ୍ର୍ର ବାସିନ୍ଦା ଅଦିତି ‘ମେରେ ସାଇ’ ରେ ଗେଷ୍ଟ ଆପିୟରାନ୍ସରେ ନଜର ଆସି ସାରିଛନ୍ତି । ଅହିଲ୍ୟାବାଇ ପାଇଁ ୧ହଜାରରୁ ଊର୍ଦ୍ଧ୍ୱ ଶିଶୁକନ୍ୟା ଅଡିଶନ ଦେଇଥିବା ବେଳେ ଅଦିତି ଶେଷରେ ଏଥିପାଇଁ ମନୋନୀତ ହୋଇଛନ୍ତି । ଅଡିଶନ ପ୍ରୋସେସ ପାଖାପାଖି ୮ ମାସ ଚାଲିଥିଲା । ଏହା ଖୁବ୍ ଟଫ୍ ଥିଲା । ସର୍ଟଲିଷ୍ଟ ସହ ମକ୍ ଫଟୋଶୁଟ୍ ବି କରାଯାଇଥିଲା । ଅହିଲ୍ୟାବାଇ ଧାରାବାହିକର ନିର୍ଦ୍ଦେଶକ ଜ୍ୟାକସନ ସେଠି କୁହନ୍ତି ଅହିଲ୍ୟାବାଇଙ୍କ କ୍ୟାରେକ୍ଟର ଖୁବ୍ ଚ୍ୟାଲେଞ୍ଜିଙ୍ଗ । ଏଥିପାଇଁ ଏକ ନିର୍ବୋଧ ଶିଶୁର ଚରିତ୍ର ଆବଶ୍ୟକ ଯାହା ଏହି ଚରିତ୍ରକୁ ଅଧିକ ପ୍ରମାଣିତ କରିବ । ଅଦିତି ଜଲତରେଙ୍କ ନିକଟରେ ଏହା ରହିଛି ବୋଲି ସେ କହିଛନ୍ତି ।
ଅହିଲ୍ୟାବାଇଙ୍କ ପିଲାଦିନ ଭୂମିକାରେ ଅଭିନୟ କରିବାକୁ ଅଦିତି ପରଫେକ୍ଟ ଅଛନ୍ତି ବୋଲି ନିର୍ଦ୍ଦେଶକ କହିଛନ୍ତି । ଶୋରେ ଅହିଲ୍ୟା ଓ ତାଙ୍କ ଶ୍ୱଶୁରଙ୍କ ମଧ୍ୟରେ ଥିବା ନିବିଡ ବନ୍ଧନକୁ ଦେଖାଇବାକୁ ପ୍ରୟାସ କରାଯାଇଛି । ଏହି ଧାରାବାହିକରେ ଅହିଲ୍ୟାଙ୍କ କାହାଣୀ ଦୃଶ୍ୟମାନ ହେବ, ଜଣେ ଗାଉଁଲି ଝିଅର ମରାଠା ସମ୍ରାଟଙ୍କ ରାଣୀ ହେବା କଥା ଦର୍ଶାଯିବ ।
