କୁର୍ନୁଲ, ୨୧।୧୦: ଆନ୍ଧ୍ର ପ୍ରଦେଶ କୁର୍ନୁଲ ଜିଲାର ୪ଟି ଘରୋଇ ବିଦ୍ୟାଳୟର ୨୭ ଜଣ ଛାତ୍ର କରୋନାରେ ଆକ୍ରାନ୍ତ ହୋଇଛନ୍ତି। ଏହି ଘଟଣା ସେତେବେଳେ ସାମ୍ନାକୁ ଆସିଥିଲା, ଯେତେବେଳେ ସ୍ବାସ୍ଥ୍ୟ ଅଧିକାରୀମାନେ ଶ୍ରୀସାଇଲାମ ମଣ୍ଡଳରେ ୧୬୯ ଛାତ୍ରୀଛାତ୍ରଙ୍କ କରୋନା ଟେଷ୍ଟ କରାଇଥିଲେ। ଏହି ଘଟଣା ପରେ ଜିଲାପାଳ ଜି. ବୀରାପାଣ୍ଡିଆନ ୧୦ ଦିନ ପାଇଁ ସ୍କୁଲ ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି। ସ୍ବାସ୍ଥ୍ୟ ବିଭାଗର ଏକ ସ୍ବତନ୍ତ୍ର ଟିମ୍ ସଂକ୍ରମିତ ଛାତ୍ରୀଛାତ୍ରଙ୍କ ଘରକୁ ପରିଦର୍ଶନରେ ଯାଇ ବିସ୍ତୃତ ତଥ୍ୟ ସଂଗ୍ରହ କରିଛନ୍ତି।
ଘଟଣାରେ ଜିଲା ଶିକ୍ଷା ଅଧିକାରୀ (ଡିଇଓ) ଏମ୍. ସାଇରାମ କହିଛନ୍ତି, ରାଜ୍ୟ ସରକାର ଏକାଡେମୀ କାର୍ଯ୍ୟକଳାପକୁ ଆଂଶିକ କାର୍ଯ୍ୟକ୍ଷମ କରିବାକୁ ଅନୁମତି ଦେବାପରେ ୯ମ ଓ ୧୦ ଶ୍ରେଣୀର ଛାତ୍ରୀଛାତ୍ରମାନେ ସେମାନଙ୍କ ଡାଉଟ୍ କ୍ଲିୟର ପାଇଁ ସ୍କୁଲକୁ ଯାଉଥିଲେ। ସମସ୍ତ ଶିକ୍ଷକ ଓ ଛାତ୍ରୀଛାତ୍ରଙ୍କ ପରୀକ୍ଷା ପାଇଁ ସ୍ବତନ୍ତ୍ର ଡ୍ରାଇଭ ଆରମ୍ଭ ହୋଇଥିବା ଜଣାପଡ଼ିଛି।
