ନୂଆଦିଲ୍ଲୀ,୯।୧୨: ଆଡାନୀ ଗ୍ରୁପର ପ୍ରତିରକ୍ଷା ଓ ଏରୋସ୍ପେସ ଆର୍ମ ADSTL (ଆଡାନୀ ଡିଫେନ୍ସ ସିଷ୍ଟମ୍ସ ଏଣ୍ଡ ଟେକ୍ନୋଲୋଜିଜ ଲିମିଟେଡ) ଏବଂ ପ୍ରାଇମ ଏରୋ ସର୍ଭିସେସ LLP ସହିତ ମିଶି ଭାରତର ସବୁଠାରୁ ବଡ଼ ଫ୍ଲାଇଟ ଟ୍ରେନିଂ ଓ ସିମୁଲେସନ କମ୍ପାନୀ Flight Simulation Technique Centre Pvt Ltd (FSTC)ରେ ଅଧିକାଂଶ ସ୍ଟେକ କିଣିବାକୁ ଚୁକ୍ତି ସାଇନ କରିଛନ୍ତିି। ଏହି ଡିଲର ଏନ୍ଟରପ୍ରାଇଜ ଭାଲ୍ୟୁ ୮୨୦ କୋଟି, ଯାହା ଆଡାନୀର ଏଭିଏସନ କ୍ଷେତ୍ରରେ ଏକ ରଣନୀତିକ ପଦକ୍ଷେପ ଭାବେ ଦେଖାଯାଉଛି।
ଏହି ଅଧିଗ୍ରହଣ ମାଧ୍ୟମରେ ଆଡାନୀ ଗ୍ରୁପ ଏଭିଏସନ ସର୍ଭିସେସରେ ଏକ ସମ୍ପୂର୍ଣ୍ଣ ଇଣ୍ଟିଗ୍ରେଟେଡ ପ୍ଲାଟଫର୍ମ ଗଢ଼ିବାକୁ ପ୍ରସ୍ତୁତ ହେଉଛି, ଯେଉଁଥିରେ MRO (ମେଣ୍ଟେନାନ୍ସ, ରିପେୟାର୍ ଓ ଓଭରହଲ)ରୁ ଆରମ୍ଭ କରି ଫ୍ଲାଇଟ ଟ୍ରେନିଂ ଓ ସିମୁଲେସନ ପଯ୍ୟନ୍ତ ସମେତ ସିଭିଲ ଏବଂ ରକ୍ଷା କ୍ଷେତ୍ରରେ ସେବା ପ୍ରଦାନ କରାଯିବ। FSTCରେ ୧୧ଟି ଅଡଭାନ୍ସ ଫ୍ଲାଇଟ ସିମୁଲେଟର୍ ଓ ୧୭ଟି ଟ୍ରେନିଂ ଏରପ୍ଲେନ ରହିଛି, ଯାହା କମର୍ସିଆଲ ପାଇଲଟ ଲାଇସନ୍ସ, ଟାଇପ ରେଟିଂ, ରିକରେଣ୍ଟ ଟ୍ରେନିଂ ଓ ସ୍ପେସାଲାଇଜ୍ଡ ସ୍କିଲ କୋର୍ସରେ ସମ୍ପୂର୍ଣ୍ଣ ପାଇଲଟ ଟ୍ରେନିଂ ପ୍ରଦାନ କରେ। ଏହି କମ୍ପାନୀ DGCA (ଡାଇରେକ୍ଟରେଟ ଜେନେରାଲ ଅଫ ସିଭିଲ ଏଭିଏସନ) ଓ EASA (ଇଉରୋପିୟନ ୟୁନିୟନ ଏଭିଏସନ ସେଫଟି ଏଜେନ୍ସି) ଦ୍ୱାରା ସାର୍ଟିଫାଇଡ। ଗୁରୁଗ୍ରାମ ଓ ହାଇଦ୍ରାବାଦ ରାଜ୍ୟ-ସ୍ତରୀୟ ସିମୁଲେସନ ସେଣ୍ଟର୍ ଚାଲାଏ। ଏହା ସହିତ ହରିଆଣାରେ ଭାରତର ସବୁଠାରୁ ବଡ଼ ଫ୍ଲାଇଂ ସ୍କୁଲ ସଞ୍ଚାଳନ କରେ।
କାହିଁକି ଏହି ଡିଲ ଗୁରୁତ୍ୱପୂର୍ଣ୍ଣ?
ଦେଶର ଏୟାରଲାଇନ୍ଗ କମ୍ପାନୀମାନେ ଆଗାମୀ କିଛି ବର୍ଷରେ ୧,୫୦୦ରୁ ଅଧିକ ଏରୋପ୍ଲେନ ଆସିବ। ଯାହା ସାର୍ଟିଫାଇଡ ପାଇଲଟଙ୍କର ଚାହିଦାକୁ ବୃଦ୍ଧି କରିବ। ଏହା ସହିତ ସରକାରଙ୍କର ପ୍ରତିରକ୍ଷା କ୍ଷେତ୍ରରେ ଅଡଭାନ୍ସ ଟ୍ରେନିଂ ଓ ମିଶନ ରିହର୍ସାଲକୁ ପ୍ରୋତ୍ସାହନ ଦେବା ନୂତନ ସୁଯୋଗ ସୃଷ୍ଟି କରୁଛି।
