ନିମାପଡ଼ା, ୨।୧୦(ଡି.ଏନ୍.ଏ.): ଚାରିଛକ ଫାଣ୍ଡି ଅନ୍ତର୍ଗତ ତୁଳସୀପୁର ପଞ୍ଚାୟତ ବେଲପଡ଼ା ଗ୍ରାମର ମମତା ସାହୁଙ୍କ ଗୁରୁବାର ରାତିରେ ମୃତ୍ୟୁ ଘଟିଛି। ତେବେ ମମତାଙ୍କ ବାପଘର ଲୋକେ ଏହି କଥା ଜାଣିବା ପରେ ଝିଅକୁ ଯୌତୁକ ପାଇଁ ଶାଶୁଘର ଲୋକେ ହତ୍ୟା କରିଥିବା ନେଇ ଶୁକ୍ରବାର ମୃତାଙ୍କ ବାପା ରଘୁନାଥ ନାୟକ ନିମାପଡ଼ା ଥାନାରେ ଅଭିଯୋଗ କରିଛନ୍ତି। ଖବରପାଇ ଥାନା ଆଇଆଇସି ଶଙ୍କର୍ଷଣ ଦଳେଇ, ଏସ୍ଆଇ ପି.କେ.ଜୁଝାର ସିଂ ପ୍ରମୁଖ ଘଟଣାସ୍ଥଳରେ ପହଞ୍ଚତ୍ ମହିଳାଙ୍କ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ଚାରିଛକ ଡାକ୍ତରଖାନାକୁ ପଠାଇଛି। ଅଭିଯୋଗକ୍ରମେ ପୋଲିସ ମୃତାଙ୍କ ସ୍ବାମୀ, ଶାଶୁ, ନଣନ୍ଦ, ନଣଦେଇଙ୍କ ବିରୋଧରେ ଦଫା ନଂ. ୪୯୮(ଏ), ୨୯୪, ୩୦୨, ୫୦୬, ୩୪ରେ ଏକ ମାମଲା (ନଂ.୩୪୪/୨୧) ରୁଜୁ କରି ଘଟଣାର ତଦନ୍ତ ଚଳାଇଛି। ଅନ୍ୟପଟେ ମୃତାଙ୍କ ସ୍ବାମୀ, ଦିଅରଙ୍କୁ ଥାନାରେ ଅଟକ ରଖି ପଚରାଉଚରା କରୁଥିତ୍ବାବେଳେ ଅନ୍ୟମାନେ ଫେରାର ଅଛନ୍ତି। ପୁରୀରୁ ସାଇଣ୍ଟଫିକ ଅଫିସର ଏସ.ସରନ୍ୟା ଓ ତାଙ୍କ ଟିମ୍ ଘଟଣାସ୍ଥଳରେ ପହଞ୍ଚତ୍ ତଦନ୍ତ ଚଳାଇଛି। ସୂଚନାଯୋଗ୍ୟ, ଚନ୍ଦନପୁର ଥାନା ଦୋଳଗୋବିନ୍ଦପୁରର ମମତାଙ୍କୁ ୧୦ବର୍ଷ ତଳେ ବେଲପଡ଼ାର ସୁକାନ୍ତ ବିବାହ କରିଥିଲେ। ବିବାହର କିଛିବର୍ଷ ପରେ ଅଧିକ ଯୌତୁକ ଆଣିବା ଦାବିରେ ମମତାଙ୍କୁ ଶାଶୁଘର ଲୋକେ ମାନସିକ ଓ ଶାରୀରିକ ନିର୍ଯାତନା ଦେଇ ଆସୁଥିବା ମୃତାଙ୍କ ବାପା ରଘୁନାଥ ଅଭିଯୋଗରେ ଦର୍ଶାଇଛନ୍ତି।
