ଆବେଲ ପୁରସ୍କାର-୨୦୨୪

ଗଣିତ ପାଇଁ ଏକ ଶ୍ରେଷ୍ଠ ଅନ୍ତର୍ଜାତୀୟ ପୁରସ୍କାର ହେଉଛି ଆବେଲ ପୁରସ୍କାର। ନରଓ୍ବେର ବିଖ୍ୟାତ ଗଣିତଜ୍ଞ ବିଲ୍‌ସ ହେରେନିକ୍‌ ଆବେଲଙ୍କ ନାମାନୁସାରେ ଏହା ନାମିତ ହୋଇଛି। ଆବେଲଙ୍କ ଦ୍ୱିଶତ ଜନ୍ମବାର୍ଷିକୀ ଉପଲକ୍ଷେ ନରଓ୍ବେ ସରକାର ଏହାକୁ ୨୦୦୨ ମସିହାରେ ସ୍ଥାପିତ କରିଛନ୍ତି ଏବଂ ୨୦୦୩ ମସିହାରୁ ପ୍ରତିବର୍ଷ ଏହି ପୁରସ୍କାର ପ୍ରଦାନ କରାଯାଉଛି। ଏହାକୁ ନୋବେଲ ପୁରସ୍କାର ସହ ସମତୁଲ୍ୟ କରାଯାଏ। ପୁରସ୍କାର ରାଶିର ପରିମାଣ ହେଉଛି ଏକ ନିୟୁତ ଆମେରିକୀୟ ଡଲାର। ନରଓ୍ବେ ବିଜ୍ଞାନ ଓ ସାହିତ୍ୟ ଏକାଡେମୀ ପୁରସ୍କୃତ ବ୍ୟକ୍ତିଙ୍କୁ ବାଛି ଥାଆନ୍ତି। ୨୦୨୪ ମସିହା ପର୍ଯ୍ୟନ୍ତ ପୃଥିବୀର ୨୭ ଜଣ ଗଣିତଜ୍ଞଙ୍କୁ ଏହି ପୁରସ୍କାର ପ୍ରଦାନ କରାଯାଇଛି।
ଚଳିତ ବର୍ଷ ପାଇଁ ଫ୍ରାନ୍‌ସର ପ୍ୟାରିସ୍‌ସ୍ଥିତ ଫରାସୀ ଜାତୀୟ ବିଜ୍ଞାନ ଗବେଷଣା କେନ୍ଦ୍ରର ପ୍ରଫେସର ମାଇକେ ତାଲାଗ୍ରାଣ୍ଡଙ୍କୁ ଏହି ପୁରସ୍କାର ପ୍ରଦାନ କରିବା ପାଇଁ ଘୋଷଣା କରାଯାଇଛି। ସମ୍ଭାବନା ତତ୍ତ୍ୱ ଏବଂ ଫଳନାତ୍ମକ ବିଶ୍ଳେଷଣରେ ତାଙ୍କର ଉଲ୍ଲେଖନୀୟ ଅବଦାନ ପାଇଁ ତାଙ୍କୁ ଏହି ପୁରସ୍କାର ମିଳିଛି। ତାଙ୍କର କାର୍ଯ୍ୟ ଗାଣିତିକ ପଦାର୍ଥ ବିଜ୍ଞାନ ଓ ପରିସଂଖ୍ୟାନରେ ବିଶେଷ ପ୍ରୟୋଗ ହେଉଛି।
ସୂଚନାଯୋଗ୍ୟ ଯେ ସପ୍ତଦଶ ଶତାବ୍ଦୀରେ ଜୁଆ ଖେଳରୁ ସମ୍ଭାବନା ତତ୍ତ୍ୱର ଉଦ୍ଭବ ହୋଇଛି ଏବଂ ଏଥିପାଇଁ ପ୍ରାରମ୍ଭିକ କାର୍ଯ୍ୟ କରୁଥିବା ଦୁଇ ଜଣ ଗଣିତଜ୍ଞ ଥିଲେ ଫ୍ରାନ୍ସର ପିଏରି ଫର୍ମା ଏବଂ ବ୍ଲେସ୍‌ ପାସ୍କେଲ। ମାଇକେଲ ତାଲାଗ୍ରାଣ୍ଡ ଗଣିତର ଏହି ଶାଖାରେ ଯାଦୁଚ୍ଛିକ ପ୍ରକ୍ରିୟାକୁ ବୁଝିବା ଓ ଏହା ଉପରେ କାମ କରିବା ପାଇଁ ସୂତ୍ର ଆବିଷ୍କାର କରିଛନ୍ତି। ସରଳ ଭାଷାରେ କହିଲେ, ଯାଦୁଚ୍ଛିକତା ହେଉଛି ଏକ ପ୍ରକାର ଅନିଶ୍ଚିତତା। ଆମ ଚାରିପଟେ ଆମେ ଏହାକୁ ଦେଖିଥାଉ ଏବଂ ଆମ ଜୀବନରେ ମଧ୍ୟ ଏହା ପ୍ରଭାବ ପକାଇଥାଏ। ଏଣୁ ଏହାକୁ ବୁଝି ତଦନୁଯାୟୀ କାର୍ଯ୍ୟ କରିବାର ଆବଶ୍ୟକତା ଅଛି। ଉଦାହରଣ ସ୍ବରୂପ ପାଣିପାଗର ପୂର୍ବାନୁମାନ ଏବଂ ବଡ଼ ବଡ଼ ଭାଷା ମଡେଲରେ ଯାଦୁଚ୍ଛିକ ଗଣନା ବ୍ୟବହୃତ ହେଉଛି।
ଆଧୁନିକ ପୃଥିବୀରେ ଅନେକ ଯାଦୁଚ୍ଛିକ ଘଟଣା ପ୍ରବାହ ଦେଖାଯାଉଛି ଏବଂ ଏହାକୁ ଭଲ ଭାବରେ ବୁଝିବା ଦ୍ୱାରା ତାହା ବ୍ୟବସାୟଠାରୁ ଆରମ୍ଭକରି ଘନୀଭୂତ ବସ୍ତୁ ପଦାର୍ଥ ବିଜ୍ଞାନ ଉପରେ ସୁଫଳ ଦେଇଥାଏ। ତାଲାଗ୍ରାଣ୍ଡଙ୍କ କାର୍ଯ୍ୟ ପରିସଂଖ୍ୟାନର ଗାଭସୀୟ ବଣ୍ଟନ ବା ନର୍ମାଲ ବଣ୍ଟନ ଉପରେ ସଂଶ୍ଳିଷ୍ଟ। ଏହାର ଆକାର ଘଣ୍ଟି ଆକୃତିର ହୋଇଥିବାରୁ ଏହାକୁ ‘ବେଲ୍‌ କର୍ଭ’ କୁହାଯାଏ। ଜନ୍ମ ସମୟରେ ଶିଶୁମାନଙ୍କର ଓଜନ, ଛାତ୍ରୀଛାତ୍ରମାନେ ପରୀକ୍ଷାରେ ପାଉଥିବା ନମ୍ବର ଏବଂ ଖେଳାଳିମାନଙ୍କର ଅବସର ବୟସ ଆଦି ଗାଭସୀୟ ବଣ୍ଟନରେ ପ୍ରକାଶ କରାଯାଇଥାଏ।
ଆବେଲ ପୁରସ୍କାର କମିଟିର ଅଧ୍ୟକ୍ଷ ପ୍ରଫେସର ହେଲ୍‌ଗେ ହୋଲ୍‌ଡନ ନିଜର ପ୍ରତିକ୍ରିୟାରେ କହିଛନ୍ତି, ‘ତାଲାଗ୍ରାଣ୍ଡ ହେଉଛନ୍ତି ଜଣେ ଅସାଧାରଣ ଗଣିତଜ୍ଞ ଏବଂ ଜଣେ ବିଶିଷ୍ଟ ଅଙ୍କ ସମାଧାନକାରୀ ବ୍ୟକ୍ତି। ଯାଦୁଚ୍ଛିକ ଏବଂ ବିଶେଷଭାବେ ଗାଭସୀୟ ପ୍ରକ୍ରିୟାକୁ ବୁଝିବା ଉପରେ ତାଙ୍କର ଯଥେଷ୍ଟ ଅବଦାନ ରହିଛି। ତାଙ୍କର କାର୍ଯ୍ୟ ସମ୍ଭାବନା ତତ୍ତ୍ୱର ଅନେକ କ୍ଷେତ୍ରରେ ପରିବର୍ତ୍ତନ ଆଣିଛି। ପୁନଶ୍ଚ ସ୍ପିନ୍‌ ଗ୍ଲାସର ମୁକ୍ତି ଶକ୍ତି ପାଇଁ ବିଖ୍ୟାତ ପ୍ୟାରିସ ସୂତ୍ରର ପ୍ରମାଣ ଦେଇ ସେ ନିଜର ଖ୍ୟାତି ବଢ଼ାଇଛନ୍ତି।’ ସୂଚନାଯୋଗ୍ୟ ଯେ ଇଟାଲୀର ତାତ୍ତ୍ୱିକ ପଦାର୍ଥ ବିଜ୍ଞାନୀ ଜର୍ଜିଓ ପାରିସି ୧୯୭୯ ମସିହାରେ ସ୍ପିନ୍‌ ଗ୍ଲାସର ସୂତ୍ର ଆବିଷ୍କାର କରିଥିଲେ ଏବଂ ସେଥିପାଇଁ ତାଙ୍କୁ ୨୦୨୧ରେ ପଦାର୍ଥ ବିଜ୍ଞାନ ପାଇଁ ନୋବେଲ ପୁରସ୍କାର ପ୍ରଦାନ କରାଯାଇଥିଲା।
ମାଇକେଲ ତାଲାଗ୍ରାଣ୍ଡ ଫ୍ରାନ୍‌ସରେ ୧୯୫୨ ମସିହା ଫେବୃଆରୀ ୧୫ ତାରିଖରେ ଜନ୍ମ ଗ୍ରହଣ କରିଥିଲେ। ସେ ୧୯୭୭ ମସିହାରେ ପ୍ୟାରିସ ବିଶ୍ୱବିଦ୍ୟାଳୟରୁ ଗଣିତରେ ପିଏଚଡି ଡିଗ୍ରୀ ଲାଭ କରିଛନ୍ତି। ସେ ଯୁକ୍ତରାଷ୍ଟ୍ର ଆମେରିକାର ଓହିଓ ରାଜ୍ୟ ବିଶ୍ୱବିଦ୍ୟାଳୟରେ କିଛି ବର୍ଷ କାର୍ଯ୍ୟ କରିଥିଲେ। ସେ ବିବାହିତ ଏବଂ ତାଙ୍କର ଦୁଇ ପୁତ୍ର ଅଛନ୍ତି। ସେ ଫ୍ରାନସ ବିଜ୍ଞାନ ଏକାଡେମୀର ସଭ୍ୟ ମଧ୍ୟ ଅଛନ୍ତି। ସେ ନିଜର ଓ୍ବେବସାଇଟ୍‌ରେ ଗଣିତ ପଜଲ ଦେଇ ଛାତ୍ରୀଛାତ୍ରମାନଙ୍କୁ ଏହାର ସମାଧାନ କରିବା ପାଇଁ ଆହ୍ବାନ ଦେଇଥାଆନ୍ତି। ଆବେଲ ପୁରସ୍କାର ବ୍ୟତୀତ ସେ ଲୋଏଭେ ପୁରସ୍କାର (୧୯୯୫), ଫର୍ମା ପୁରସ୍କାର (୧୯୯୭), ସାଓ ପୁରସ୍କାର (୨୦୧୯) ଏବଂ ଆହୁରି ଅନେକ ପୁରସ୍କାର ପାଇଛନ୍ତି।

ଇଂ. ମାୟାଧର ସ୍ବାଇଁ
-୭୦, ଲକ୍ଷ୍ମୀବିହାର,
ଫେଜ୍‌-୧, ଭୁବନେଶ୍ୱର
ମୋ: ୯୪୩୮୬୯୩୭୨୪


Enter your email to get our daily news in your inbox.

All Right Reserved By Dharitri.Com

ଇଲେକ୍ଟ୍ରିକ୍‌ ସମାଗ୍ରୀ ଚକ୍‌ଚକ୍‌ କରିବାକୁ ଚାହୁଁଥିଲେ…ଆପଣାନ୍ତୁ ଏହି ଉପାୟ

ଇଲେକ୍ଟ୍ରି ସାମଗ୍ରୀ ସଫା କରିବା ସମୟରେ କେତେକ ବିଷୟ ପ୍ରତି ସ୍ବତନ୍ତ୍ର ଭାବରେ ଦୃଷ୍ଟି ଦେବାକୁ ପଡ଼ିଥାଏ। ଏହି ସମୟରେ ନିମ୍ନଲିଖିତ ଟିପ୍ସ ଆପଣେଇ ପାରନ୍ତି…...

ଖରାଦିନେ କେମିତି ନେବେ ତ୍ୱଚାର ଯତ୍ନ: ଆପଣାନ୍ତୁ ଏହି ଟିପ୍ସ

ଯଦି ଆପଣ ଖରାଦିନରେ କେଉଁଠିକି ବୁଲିବାକୁ ଯାଉଛନ୍ତି ତେବେ ସାଙ୍ଗରେ ଭଲ କ୍ଲିଞ୍ଜର,ଟୋନର,ମଶ୍ଚରାଇଜର ନେବାକୁ ଭୁଲନ୍ତୁ ନାହିଁ। ଏହାପରେ ସନ୍‌ସ୍କ୍ରିନ୍‌ ଲୋସନ୍‌ ବ୍ୟବହାର କରିପାରିବେ; ଯାହା...

ଫ୍ୟାମିଲି ଟ୍ରିପ୍‌ରେ ଯିବାକୁ ଚାହୁଁଛନ୍ତି କି? ଧ୍ୟାନରେ ରଖନ୍ତୁ ଏସବୁ କଥା

ଛୁଟି ହେଲେ ସମସ୍ତେ ବାହାର ସ୍ଥାନକୁ ବୁଲିଯିବାକୁ ପସନ୍ଦ କରନ୍ତି। ଟ୍ରିପ୍‌ ସମୟରେ କିଛି କଥାକୁ ଧ୍ୟାନରେ ନିହାତି ରଖିବା ଆବଶ୍ୟକ। ସେ ସମ୍ପର୍କରେ କିିଛି...

ଅନେକ ରୋଗରୁ ମୁକ୍ତିଦିଏ ହୋମିଓପ୍ୟାଥି

ହୋମିଓପ୍ୟାଥିର ପ୍ରତିଷ୍ଠାତା ଡ.ସାମୁଏଲ ହାନିମାନଙ୍କ ଜନ୍ମ ବାର୍ଷିକୀ ପାଳନ ପାଇଁ ପ୍ରତିବର୍ଷ ୧୦ ଏପ୍ରିଲରେ ବିଶ୍ୱ ହୋମିଓପ୍ୟାଥି ଦିବସ ପାଳନ କରାଯାଏ। ଏହି ଦିବସ ପାଳନର...

ଉତ୍ତର ଦିଗର ବାସ୍ତୁ ମହତ୍ତ୍ୱ,ଜାଣନ୍ତୁ କ’ଣ କରିବା ଶୁଭ?

ବାସ୍ତୁଶାସ୍ତ୍ର ଅନୁଯାୟୀ, ପ୍ରତି ଦିଗର କିଛି ନା କିଛି ନିଜସ୍ବ ମହତ୍ତ୍ୱ ରହିଛି। ବିଶେଷକରି ଉତ୍ତର ଦିଗକୁ ସବୁଠୁ ଶୁଭ ବୋଲି ବିବେଚନା କରାଯାଏ; କାରଣ...

ପିଲାଙ୍କୁ ସବୁକ୍ଷେତ୍ରରେ ସଫଳତା ନିମନ୍ତେ ଶିଖାନ୍ତୁ ଏସବୁ ଜିନିଷ

ପିଲାଙ୍କୁ ସବୁକ୍ଷେତ୍ରରେ ସଫଳତା ନିମନ୍ତେ ଶିଷ୍ଟାଚାର ଓ ଅନୁଶାସନର ଏକ ଗୁରୁତ୍ୱପୂର୍ଣ୍ଣ ଭୂମିକା ରହିଛି। ତେବେ ପିଲାବେଳୁ ଅଭିଭାବକମାନେ ହିଁ ଏନେଇ ଧ୍ୟାନଦେବା ଦରକାର… ପିଲାଙ୍କ...

ସ୍କିନ୍‌ ଆଲର୍ଜି ଅଛି କି? ଆପଣାନ୍ତୁ ଏହି ଉପାୟ

କସ୍‌ମେଟିକ୍‌ ପ୍ରଭାବରୁ କିମ୍ବା ପ୍ରଦୂଷଣ, ଖରା ଆଦି ବିଭିନ୍ନ କାରଣରୁ ତ୍ୱଚାରେ ଆଲର୍ଜି ହୋଇଥାଏ। ଏ ସବୁରୁ ରକ୍ଷାପାଇବା ପାଇଁ ଘରୋଇ ଉପାୟ ଆପଣାନ୍ତୁ… ଧୂଳିଧୂଆଁ...

ସ୍ତ୍ରୀ-ସ୍ବାମୀ ସମ୍ପର୍କକୁ ସଜାଡିବାକୁ ଚାହୁଁଥିଲେ ଆପଣାନ୍ତୁ ଏହି ଟିପ୍ସ

ସବୁଠୁ ଅଧିକ ଆପଣାର, ସବୁଠୁ ଅଧିକ ଭରସା ଥିବା ମଜଭୁତ ସମ୍ପର୍କ ଥାଏ ସ୍ବାମୀସ୍ତ୍ରୀଙ୍କ ମଧ୍ୟରେ। ସେଥିପାଇଁ ତ ସେମାନଙ୍କର ପରସ୍ପର ଠାରୁ କିଛି ଆଶା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri