କେସିଙ୍ଗା,୨୯ା୪(ତୁମେଶ୍ୱର ସାହୁ): କଳାହାଣ୍ଡି ଜିଲା କେସିଙ୍ଗା ବ୍ଲକରେ ଝଡ଼ ତୋଫାନରେ ବିଭିନ୍ନ ଗଛ ଭାଙ୍ଗିଯିବାରୁ ୧୧ କେଭି ବିଦ୍ୟୁତତାର ଛିଣ୍ଡି ବିଦ୍ୟୁତ ସେବା ବୁଧବାର ସନ୍ଧ୍ୟାରେ ବନ୍ଦ ହୋଇଥିବା ବିଭାଗୀୟ ଯନ୍ତ୍ରୀ ସୂଚନା ଦେଇଛନ୍ତି। ସନ୍ଧ୍ୟାରେ ହଠାତ୍ ପ୍ରବଳ ପବନ ହେବା ସହ ଘଡ଼ଘଡ଼ି ହୋଇଥିଲା। କେସିଙ୍ଗାରୁ ବାଲସି, ପରଲସିଙ୍ଗା, ମଶାଣିବନ୍ଧ, ପୋଢ଼ଖମ୍ବ, ଶିରୋଲ, ଡୁମେର ମୁଣ୍ଡା ଆଦି ଗ୍ରାମକୁ ୧୧ କେଭି ବିଦ୍ୟୁତତାର ସଂଯୋଗ ହୋଇଛି। କିନ୍ତୁ ପ୍ରବଳ ବେଗରେ ପବନ ବୋହିବା ସହ ଘଡ଼ଘଡ଼ି ହେବାରୁ ମୁଖ୍ୟ ଆର୍ଡି ରାସ୍ତା ପାର୍ଶ୍ୱରେ ଥିବା ଗଛଗୁଡ଼ିକରେ ବିଦ୍ୟୁତତାର ଲାଗି ଯାଇ ଛିଣ୍ଡି ଯାଇଥିବାରୁ ବିଦ୍ୟୁତ୍ ସେବା ବନ୍ଦ ହୋଇଥିଲା। ବିଭାଗୀୟ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ବିଦ୍ୟୁତ୍ତାର ଠିକ କରିଥିଲେ। ରେଙ୍ଗାଲି ଗ୍ରାମ ନିକଟରେ ପବନରେ ଗଛ ଭାଙ୍ଗିଯିବାରୁ ବାଲସି ପଞ୍ଚାୟତର ବାଲସି, ରେଙ୍ଗାଲି, ମଶାଣିବନ୍ଧ, ପରଲସିଙ୍ଗା, ଆଦି ଗ୍ରାମକୁ ବିଦ୍ୟୁତ୍ ସେବା ବନ୍ଦ ରହିଛି।
ଏ ସଂକ୍ରାନ୍ତରେ ବିଦ୍ୟୁତ୍ ବିଭାଗର ଜେଇଙ୍କୁ ପଚାରିବାରୁ ଷ୍ଟାଫ୍ମାନଙ୍କୁ ପଠା ଯାଇଛି, ଠିକ କରି ବିଦ୍ୟୁତ୍ସେବା ଯୋଗାଇ ଦିଆଯିବ ବୋଲି ପ୍ରକାଶ କରିଥିଲେ।