ବଡ଼ଦାଣ୍ଡ ନାଳରେ ପଡ଼ି ମୃତ୍ୟୁ

ରାଜ୍ୟର ବିଭିନ୍ନ ସ୍ଥାନରେ ମୁକୁଳା ଡ୍ରେନ୍‌ରେ ପଡ଼ି ଲୋକଙ୍କ ମୃତ୍ୟୁ ଘଟିଥିବାର ଅନେକ ନଜିର ରହିଥିବାବେଳେ ପୁରୀ ବଡ଼ଦାଣ୍ଡରେ ଘଟିଛି ଅନୁରୂପ ଏକ ଘଟଣା। ମଙ୍ଗଳବାର ବିଳମ୍ବିତ ରାତିରେ ଜଣେ ରିକ୍ସାଚାଳକ ମୁକୁଳା ନାଳରେ ପଡ଼ି ପ୍ରାଣ ହରାଇଛନ୍ତି। ପ୍ରଶାସନିକ ଦାୟିତ୍ୱହୀନତା ଯୋଗୁ ନାଳକୁ ଉପଯୁକ୍ତଭାବେ ଘୋଡ଼ା ଯାଇ ନ ଥିବାରୁ ଏକ ନିରୀହ ଜୀବନ ଚାଲିଗଲା। ଆଉ କେତେ ଜୀବନ ଗଲା ପରେ ସରକାରଙ୍କ ଚେତା ପଶିବ ତାକୁ ନେଇ ବିଭିନ୍ନ ମହଲରେ ଆଲୋଚନା ହେଉଛି।

ପୁରୀ ଅଫିସ୍‌, ୧୯।୫: ପୁରୀ ସହର ମାର୍କେଟ ଛକ ନିକଟସ୍ଥ ବଡ଼ଦାଣ୍ଡ ପାର୍ଶ୍ୱରେ ଥିବା ଏକ ମୁକୁଳା ନାଳରେ ପଡ଼ି ଜଣେ ରିକ୍ସା ଚାଳକଙ୍କ ଜୀବନ ଯାଇଛି। ନିଧି ଭୋଇ(୪୧) ନାମକ ରିକ୍ସାଚାଳକ ମଙ୍ଗଳବାର ରାତିରେ ନାଳରେ ପଡ଼ିଯାଇ ଉଠିପାରି ନ ଥିଲେ। ଫଳରେ ଶ୍ୱାସରୁଦ୍ଧ ହୋଇ ତାଙ୍କର ପ୍ରାଣବାୟୁ ଉଡ଼ିଗଲା। ଅନ୍ଧାର ରାତିରେ ସହାୟତା ପାଇଁ ଚିତ୍କାର କରିଥିଲେ ମଧ୍ୟ ସାହାଯ୍ୟ କରିବାକୁ କେହି ନ ଥିଲେ। ବୁଧବାର ଭୋର ସମୟରେ ସ୍ଥାନୀୟ ଲୋକେ ଏହା ଦେଖି ପୋଲିସକୁ ଖବର ଦେଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚତ୍ ମୃତଦେହ ଉଦ୍ଧାର କରିବା ସହ ବ୍ୟବଚ୍ଛେଦ ନିମନ୍ତେ ପଠାଇଛି। ଅପରପକ୍ଷରେ ନାଳ ସଫା ପରେ ସ୍ଲାବ୍‌ ନ ପକାଯାଇ ଦାୟିତ୍ୱହୀନ ଭାବେ ଏଗୁଡ଼ିକୁ ମୁକୁଳା ଛାଡ଼ି ଦିଆଯାଉଥିବାରୁ ଏଭଳି ଅଘଟଣ ଘଟିଲା ବୋଲି ସ୍ଥାନୀୟ ଲୋକେ କହିବା ସହ ପୌର ପ୍ରଶାସନକୁ ଦାୟୀ କରିଛନ୍ତି। ଜିଲାପାଳ ପୌରସଂସ୍ଥାର ଅଧ୍ୟକ୍ଷ ଦାୟିତ୍ୱରେ ଥିବାରୁ ଏହି ଘଟଣାର ତଦନ୍ତ ଦାୟିତ୍ୱ ନିଜେ ନେବା ସହ ମୃତକଙ୍କ ପରିବାରକୁ ସହାୟତା ପ୍ରଦାନ କରନ୍ତୁ ବୋଲି ସାଧାରଣରେ ଦାବି ଉଠିଛି।

ବୀରନରସିଂହପୁର ଗୋହରୀ ସାହିର ନିଧି ପ୍ରତିଦିନ ପୁରୀ ଆସି ରିକ୍ସା ଚଳାନ୍ତି। ମାର୍କେଟ ଛକଠାରେ ରାତିରେ ରିକ୍ସା ରଖି ଘରକୁ ଫେରନ୍ତି। ମାତ୍ର ମଙ୍ଗଳବାର ରାତିରେ ସେ ଘରକୁ ଫେରି ନ ଥିଲେ। ବୁଧବାର ଭୋର ସମୟରେ ତାଙ୍କ ମୃତ ଶରୀର ପୁରୀ ବଡ଼ଦାଣ୍ଡ ନାଳରେ ପଡ଼ିଥିବା ଦେଖିବାକୁ ମିଳିଥିଲା। ସ୍ଥାନୀୟ ଲୋକଙ୍କଠାରୁ ସୂଚନା ପାଇ କୁମ୍ଭାରପଡ଼ା ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରି ହସ୍ପିଟାଲ ପଠାଇଥିଲା। ପରିବାର ଲୋକେ ହସ୍ପିଟାଲରେ ପହଞ୍ଚତ୍ଥିଲେ। ପୋଷ୍ଟମର୍ଟମ ପରେ ପୁରୀ ସ୍ବର୍ଗଦ୍ୱାରରେ ନିଧିଙ୍କ ଶେଷକୃତ୍ୟ ସମ୍ପନ୍ନ ହୋଇଛି। ଅନ୍ୟପକ୍ଷରେ କୁମ୍ଭାରପଡ଼ା ଥାନା ଆଇଆଇସି ବିଚିତ୍ରାନନ୍ଦ ସେଠୀ କହିଛନ୍ତି ଯେ, ନିଧି ନାଳରେ ପଡ଼ି ପ୍ରାଣ ହରାଇଛନ୍ତି। ଶ୍ୱାସରୁଦ୍ଧ କାରଣରୁ ଏଭଳି ହୋଇଛି ଅଥବା ଅନ୍ୟ କେଉଁ କାରଣରୁ ତାହା ସ୍ପଷ୍ଟ ହୋଇପାରି ନାହିଁ। ପୋଷ୍ଟମର୍ଟମ ରିପୋର୍ଟ ଆସିବା ପରେ ମୃତ୍ୟୁର କାରଣ ଜଣାପଡ଼ିବ। ତେବେ ନାଳ କାହିଁକି ଖୋଲାଥିଲା ତାହାକୁ ନେଇ ସ୍ଥାନୀୟ ଲୋକେ ଓ ଦୋକାନୀମାନେ ଅସନ୍ତୋଷ ପ୍ରକାଶ କରିଛନ୍ତି। ସ୍ଥାନୀୟ ବାସିନ୍ଦା ଶେଷଦେବ ରଥଙ୍କ କହିବାନୁସାରେ ପାଖାପାଖି ୨ ମାସ ହେଲାଣି ନାଳ ସଫା କାମ ସରିଲାଣି। ମାତ୍ର ଏଠାରେ ସ୍ଲାପ୍‌ ପକାଯାଉ ନାହିଁ। ୪ଫୁଟ୍‌ ଗଭୀର ନାଳରେ ସ୍ଲାପ୍‌ ନ ପକାଇବା ଘଟଣାରେ ସ୍ଥାନୀୟ ଦୋକାନୀମାନେ ବାରମ୍ବାର ପୌର କର୍ତ୍ତୃପକ୍ଷଙ୍କ ନିକଟରେ ଅଭିଯୋଗ କରିଛନ୍ତି। ମାତ୍ର ପ୍ରଶାସନ ଭ୍ରୂକ୍ଷେପ କରିନାହିଁ। ପୌରସଂସ୍ଥାର ଅବହେଳା ପାଇଁ ମୂଲ୍ୟବାନ ଜୀବନଟିଏ ଚାଲିଗଲା। ଯେଉଁଠାରେ ସ୍ଲାପ୍‌ ପଡ଼ିନାହିଁ, ସେଠାରେ ନିଷିଦ୍ଧାଞ୍ଚଳ ବୋଲି ଲେଖାଯିବା କଥା। ହେଲେ ତାହା ମଧ୍ୟ କରାଯାଇ ନ ଥିବା ରଥ କହିଛନ୍ତି। ଅନ୍ୟପକ୍ଷରେ ପୌରସଂସ୍ଥା କାର୍ଯ୍ୟନିର୍ବାହୀ ଅଧିକାରୀ ସରୋଜ କୁମାର ସ୍ବାଇଁ କହିଛନ୍ତି ଯେ, ନାଳ ସଫା କାମ ପୂରା ସହରରେ ଚାଲିଛି। ସଂପୃକ୍ତ ସ୍ଥାନରେ ୧୫ ଦିନ ତଳେ ନାଳ ସଫା ହୋଇଥିଲା। ଅନ୍ୟ ସମସ୍ତ ସ୍ଥାନରେ ନାଳ ଉପରେ ସ୍ଲାପ୍‌ ପଡ଼ିଥିବାବେଳେ ସମ୍ପୃକ୍ତ ସ୍ଥାନରେ ଖୋଲା ରହି ଯାଇଥିଲା। କାହାରି ଜୀବନ ଚାଲିଯିବା ଦୁଃଖଦ ଖବର। ଏନେଇ ଏକ ତଦନ୍ତ କମିଟି ଗଠନ କରିଛୁ। କାହିଁକି ନାଳ ମୁକୁଳା ଥିଲା ସେନେଇ ତଦନ୍ତ ହେବ। ସଫେଇ କାର୍ଯ୍ୟ ଠିକା ସଂସ୍ଥା ଜାଗୃତି କରୁଛି। ଅବହେଳା ପ୍ରଦର୍ଶନ କରିଥିବା କର୍ମଚାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ସ୍ବାଇଁ କହିଛନ୍ତି।

‘ଆହା ପଦେ କେହି କହିଲେ ନାହିଁ’

ପୌର ପ୍ରଶାସନର ଅବହେଳା ଯୋଗୁ ସ୍ବାମୀ ନିଧି ମୁକୁଳା ନାଳରେ ପଡ଼ି ପ୍ରାଣ ହରାଇଲେ, ହେଲେ ଆହା ପଦେ କହିବାକୁ କେହି ଟିକେ ଆସିଲେନି ବୋଲି ସ୍ତ୍ରୀ ସୁଲୋଚନା କ୍ଷୋଭର ସହ କହିଛନ୍ତି। ସ୍ବାମୀ ଏକମାତ୍ର ରୋଜଗାରକ୍ଷମ ବ୍ୟକ୍ତି ଥିଲେ। ପରିବାରର ସ୍ଥିତି ଖରାପ ଥିବାରୁ ଚଳିବା କଷ୍ଟକର। ଏବେ ୧୨ବର୍ଷ ପୁଅକୁ ପଢ଼ାଇବା ମଧ୍ୟ କାଠିକର ପାଠ ହୋଇଯିବ। ତେଣୁ ପ୍ରଶାସନ କ୍ଷତିପୂରଣ ଦେବାକୁ ଅନୁରୋଧ କରୁଛି।


Enter your email to get our daily news in your inbox.

All Right Reserved By Dharitri.Com

କାର୍ଡ ବ୍ୟାଙ୍କ କର୍ମଚାରୀଙ୍କ ଧାରଣା

ଭୁବନେଶ୍ୱର,୭ା୮(ବ୍ୟୁରୋ): ଓଡ଼ିଶା ରାଜ୍ୟ ସମବାୟ କୃଷି ଓ ଗ୍ରାମ୍ୟ ଉନ୍ନୟନ ବ୍ୟାଙ୍କର କର୍ମଚାରୀମାନେ ପ୍ରାୟ ଆଠ ବର୍ଷ ହେବ ଦରମା ପାଇ ନାହାନ୍ତି। ଏମାନେ ଦୀର୍ଘ...

ବିଜେପୁର ଉପନିର୍ବାଚନ: ପ୍ରାର୍ଥୀ ଚୟନକୁ ନେଇ ବଢ଼ୁଛି ଚିନ୍ତା

ଭୁବନେଶ୍ୱର, ୫।୬(ବ୍ୟୁରୋ): ରାଜ୍ୟ ରାଜନୀତିରେ ପୁଣିଥରେ ବିଜେପୁର ଆସନକୁ ନେଇ ଚର୍ଚ୍ଚା ବଢ଼ିବାରେ ଲାଗିଛି। ଦ୍ୱିତୀୟ ଥର ଲାଗି ପଶ୍ଚିମ ଓଡ଼ିଶା ରାଜନୀତିରେ ବିଜେଡି ଓ...

କୋଣାର୍କ ହେବ ‘ସୂର୍ଯ୍ୟ ନଗରୀ’: ସ୍ଥାପନ ହେବ ୧୦ ମେଗାଓ୍ବାଟର ସୌର ଶକ୍ତି ପ୍ଲାଣ୍ଟ 

ଭୁବନେଶ୍ୱର,୨୦।୫(ବ୍ୟୁରୋ): ପୁରୀ ଜିଲାର କୋଣାର୍କ ଅଞ୍ଚଳକୁ ସୂର୍ଯ୍ୟ ନଗରୀରେ ପରିଣତ କରାଯିବ। କୋଣାର୍କ ମନ୍ଦିର ସମେତ ଏହାର ଚତୁଃପାର୍ଶ୍ୱ ଏବଂ ଏଠାରେ ଗଢି ଉଠିଥିବା ସହର...

ଶୁକ୍ରବାର ୬ ଘଣ୍ଟିଆ ‘ଓଡ଼ିଶା ବନ୍ଦ’

ଭୁବନେଶ୍ୱର,୧୧।୧୧(ବ୍ୟୁରୋ): ବହୁଚର୍ଚ୍ଚିତ ମମିତା ମେହେର ଅପହରଣ ଓ ହତ୍ୟା ମାମଲାକୁ ନେଇ କଂଗ୍ରେସ ପକ୍ଷରୁ ଶୁକ୍ରବାର ସକାଳ ୬ ଟାରୁ ମଧ୍ୟାହ୍ନ ୧୨ଟା ପର୍ଯ୍ୟନ୍ତ ୬...

ଭାଲୁ ଆକ୍ରମଣରେ ଜଣେ ଗୁରୁତର

କେନ୍ଦୁଝର, ୨୭ା୧୦(ସ୍ବ.ପ୍ର.)-କେନ୍ଦୁଝର ସଦର ରେଞ୍ଜ ଓ ଘଟଗାଁ ବ୍ଲକ ଅନ୍ତର୍ଗତ ନିମିଘରା ଗ୍ରାମରେ ରବିବାର ସକାଳେ ଶୌଚ ହେବାକୁ ପାଖ ଜଙ୍ଗଲକୁ ଯାଇଥିବା ବେଳେ ଭାଲୁ...

ଶିକ୍ଷକ ନିଯୁକ୍ତି ପରେ ଖୋଲିଲା ତାଲା

ମାଲକାନଗିରି,୧୫।୫(ଡି.ଏନ.ଏ.): ମାଲକାନଗିରି ଜିଲା କୁର୍ସୁବାଡାରେ ଥିବା ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟରେ ଶିକ୍ଷକ ଅଭାବ ଯୋଗୁ ଛାତ୍ରୀଛାତ୍ରଙ୍କ ପାଠପଢ଼ା ବାଧାପ୍ରାପ୍ତ ହେଉଥିବାରୁ ଶିକ୍ଷକ ନିଯୁକ୍ତି ଦାବିକରି ଶୁକ୍ରବାର...

ଆମ୍ବୁଲାନ୍ସ ଦର ନିର୍ଦ୍ଧାରଣ କଲେ ସରକାର

ଭୁବନେଶ୍ୱର,୧୭।୫(ବ୍ୟୁରୋ): କରୋନା ମହାମାରୀ ସମୟରେ ଆମ୍ବୁଲାନ୍ସଗୁଡ଼ିକ ଲୋକଙ୍କ ଠାରୁ ମନଇଚ୍ଛା ଭଡ଼ା ନେଉଥିବା ବେଳେ ଶେଷରେ ସରକାରଙ୍କୁ ଏଥିରେ ହସ୍ତକ୍ଷେପ କରିବାକୁ ପଡ଼ିଛି। ଉଭୟ ଘରୋଇ...

ପାଗଳା କୁକୁର କାମୁଡ଼ାରେ ୬ ଗୁରୁତର

ପାଟଣା,୮ା୪(ସ୍ବ.ପ୍ର.): କେନ୍ଦୁଝର ଜିଲା ପାଟଣା ବ୍ଲକ ମୁଖ୍ୟାଳୟରେ ମଙ୍ଗଳବାର ସକାଳେ ଏକ ବୁଲା ପାଗଳା କୁକୁର କାମୁଡ଼ାରେ ୬ଜଣ ଗୁରୁତର ଆହତ ହୋଇଛନ୍ତି। ଚିକିତ୍ସା ପାଇଁ...

Advertisement
Archives

Model This Week