ଯାଜପୁରରେ ପାଦ ଥାପିଲା ମହା ସିମେଣ୍ଟ କମ୍ପାନୀ

ଯାଜପୁର ଅଫିସ,୨୦ା୭ ଯାଜପୁର ଜିଲାରେ ଅତି ପ୍ରଦୂଷିତ ସିମେଣ୍ଟ କମ୍ପାନୀର ଲମ୍ବାଧାଡି ଲାଗିଛି। ଇମାମୀ(ବର୍ତ୍ତମାନ ନୁଭିଷ୍ଟା ପ୍ରା.ଲି.), ଜେଏସ୍‌ଡବ୍ଲ୍ୟୁ, ରାମ୍‌କୋ, ଯାଜପୁର ସିମେଣ୍ଟ ପରେ ତେଲଙ୍ଗାନା ରାଜ୍ୟର ମାଇହୋମ ଇଣ୍ଡଷ୍ଟ୍ରିଜ ପ୍ରାଇଭେଟ ଲିମିଟେଡ ବା ମହା ସିମେଣ୍ଟ କମ୍ପାନୀ ଯାଜପୁର ଜିଲାରେ ପାଦ ଥାପିଛି। ଏହି କମ୍ପାନୀ ବଡ଼ଚଣା ବ୍ଲକ ଦର୍ପଣ ତହସିଲ ଅନ୍ତର୍ଗତ ବଇରୀ ଗ୍ରାମରେ ବାର୍ଷିକ ୩.୦ ମେଟ୍ରିକ ଟନ ସିମେଣ୍ଟ ଗ୍ରାଇଡିଂ ୟୁନିଟ ପ୍ରତିଷ୍ଠା କରି ଉପତ୍ାଦନ ଲକ୍ଷ୍ୟ ରଖିଛି। ଏଥିପାଇଁ ୬୦୦ କୋଟି ଟଙ୍କା ବ୍ୟୟ ଅଟକଳ ରଖାଯାଇଛି ା ଏଥିରେ ସମୁଦାୟ ୩୦୦ ଜଣ ନିଯୁକ୍ତି ପାଇବେ ବୋଲି କମ୍ପାନୀର କାର୍ଯ୍ୟ ନିର୍ବାହୀ ସାରାଂଶରେ ଦର୍ଶାଯାଇଛି ା ଆସନ୍ତା ଅଗଷ୍ଟ ୫ରେ ବଇରୀ ଗ୍ରାମର ଜଗନ୍ନାଥ ପଡ଼ିଆରେ ଏଥିପାଇଁ ଜନଶୁଣାଣି ହେବ ା ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ (ଏସ୍‌ପିସିବି) ପକ୍ଷରୁ ଏ ସଂକ୍ରାନ୍ତରେ ବିଜ୍ଞପ୍ତି ପ୍ରକାଶ ପାଇଛି। ହେଲେ ଜନଶୁଣାଣି ପାଇଁ ସେଭଳି ପ୍ରଚାର ପ୍ରସାର ହେଉନାହିଁ ା ପୂର୍ବରୁ ଜନଶୁଣାଣିରେ ସିମେଣ୍ଟ କମ୍ପାନୀଗୁଡ଼ିକ ସ୍ଥାନୀୟ ନିଯୁକ୍ତିକୁ ଅଗ୍ରାଧିକାର, ପ୍ରଦୂଷଣ ନିୟନ୍ତ୍ରଣ, ପାରିପାର୍ଶ୍ୱିକ ଉନ୍ନୟନ ଆଦି ଅନେକ ପ୍ରତିଶ୍ରୁତି ଦେଇ ତାହା ପାଳନ କରି ନ ଥିବାରୁ ଲୋକଙ୍କ ଭରସା ତୁଟିଯାଇଛି। ଏହି କ୍ରମରେ ବିରୋଧ ଆଶଙ୍କାରେ ମାଇହୋମ୍‌ ଗ୍ରୁପ ଉପଯୁକ୍ତ ଭାବେ ପ୍ରଚାରପ୍ରସାର କରୁନାହିଁ ବୋଲି ଆଲୋଚନା ହେଉଛି ା ଅନ୍ୟପକ୍ଷେ ସମସ୍ତ ସିମେଣ୍ଟ କମ୍ପାନୀ ପ୍ରତିଷ୍ଠା ପୂର୍ବରୁ ଜନଶୁଣାଣି ହୋଇଥିଲେ ହେଁ ହରିଦାସପୁର ରାମ୍‌କୋ ସିମେଣ୍ଟ କମ୍ପାନୀରେ ଏହାର ବ୍ୟତିକ୍ରମ ଘଟିଛି। ଏକ ଅଦୃଶ୍ୟ ଶକ୍ତି ବଳରେ ଏହି ସିମେଣ୍ଟ କମ୍ପାନୀ ଜନଶୁଣାଣି ନ କରି ଉପତ୍ାଦନ ଆରମ୍ଭ କରି ସଡ଼କ ପଥରେ ସମସ୍ତ ପରିବହନ ଜାରି ରଖିଥିବାରୁ ସ୍ଥାନୀୟ ଅଞ୍ଚଳରେ ଅସନ୍ତୋଷ ଲାଗି ରହିଛି। କୁହାଯାଏ ଆର୍ଥିକ ଅଭିବୃଦ୍ଧି ପାଇଁ ଶିଳ୍ପାୟନର ଆବଶ୍ୟକତା ରହିଛି ା କିନ୍ତୁ ଲୋକଙ୍କୁ ନିଯୁକ୍ତି ଓ ସ୍ଥାନୀୟ ଅଞ୍ଚଳର ବିକାଶ କେତେ ହେଉଛି, କିଏ ଅଧିକ ଲାଭବାନ ହେଉଛି ସେନେଇ ସରକାରଙ୍କ ଆୟତ୍ତ ଥିଲା ଭଳି ମନେ ହେଉନାହିଁ । ଯାଜପୁର ଜିଲାରେ ଚାଲିଥିବା ଶିଳ୍ପାୟନରେ ଏହା ଜଳ ଜଳ ହୋଇ ଦିଶୁଛି ା ସ୍ଥାନୀୟ ବେକାରି ସମସ୍ୟା ଦୂର କରିବା ପରିବର୍ତ୍ତେ ବାହାର ରାଜ୍ୟର ଅଧିକ ବୈଷୟିକ ଡିଗ୍ରୀଧାରୀ ଓ ଠିକାସଂସ୍ଥା ଏଠାରେ ନିୟୋଜିତ ହେଉଛନ୍ତି ା ଏପରି କି କେତେକ ଅନୁଷ୍ଠାନର ନିଯୁକ୍ତି ବିଜ୍ଞାପନରେ ଓଡ଼ିଆ ଲୋକେ ଆବେଦନ କରି ପାରିବେ ନାହିଁ ବୋଲି ସିଧାସଳଖ ମନା କରାଯାଉଛି। ପରେ ଏହାର ପ୍ରତିବାଦ ହେବାରୁ ନାମକୁ ମାତ୍ର ଭୁଲ୍‌ ମାଗି ବିବାଦର ସମାଧାନ କରିବାକୁ ପ୍ରୟାସ ଚାଲିଛି। ବିଡମ୍ବନା ଯେ, ଅଭିଜ୍ଞତା ଆଳରେ ରାଜ୍ୟ ବାହାର ଲୋକଙ୍କୁ ଆଣି ଏଠାରେ ନିୟୋଜନ କରାଯାଉଛି ା କେତେକ କମ୍ପାନୀରେ ଅଣଓଡ଼ିଆ ଅଧିକାରୀମାନେ ଓଡିଆ କର୍ମଚାରୀମାନଙ୍କୁ ବିଭିନ୍ନ ନିର୍ଯାତନା ଦେଉଥିବା ମଧ୍ୟ ଅଭିଯୋଗ ହେଉଛି। ବୈଷୟିକ ଶିକ୍ଷାଗତ ଯୋଗ୍ୟତା ଆଧାରରେ ଓଡ଼ିଆଙ୍କୁ ନିଯୁକ୍ତି ମିଳୁଛି ସତ ହେଲେ କମ୍ପାନୀ ଭିତରେ ସୁପରଭାଇଜର ଭଳି କାମ ଦେଇ ଖଟାଯାଉଛି। ବିସ୍ଥାପନ ଓ ପ୍ରଦୂଷଣର ଦୁଃଖ ସାଙ୍ଗକୁ ଶିଳ୍ପ ସଂସ୍ଥାର ଏଭଳି କାର୍ଯ୍ୟ ଲୋକଙ୍କୁ ଆନ୍ଦୋଳନମୁଖୀ ତଥା ବିଦ୍ରୋହୀ କରୁଛି ା ଏହାର ସୁଯୋଗରେ କେତେକ ଅନୁଷ୍ଠାନ ଆନ୍ଦୋଳନ ନାମରେ ବ୍ୟବସାୟ ଚଳାଇଛନ୍ତି। ଏଥିଯୋଗୁ ଅନେକ ଜନଶୁଣାଣକୁ ବିରୋଧ କରାଯାଉଥିବା ନଜିର ରହିଛି ା ନିକଟରେ କାଳିଆପାଣି ମହାଗିରି କ୍ରୋମାଇଟ ମାଇନ୍ସର ସମ୍ପ୍ରସାରଣ ପାଇଁ ଅନୁଷ୍ଠିତ ଜନଶୁଣାଣିକୁ ସ୍ଥାନୀୟ ଲୋକେ ବିରୋଧ କରିଥିଲେ, ଯଦ୍ଦ୍ବାରା ରାମ୍‌କୋ ସିମେଣ୍ଟ କମ୍ପାନୀ ନୀତି ନିୟମକୁ ପାଦ ତଳେ ଚାପି ଦେଇ ଜନଶୁଣାଣି କରିବାକୁ ସାହସ ଜୁଟାଇ ପାରିଲା ନାହିଁ। ଆଗ ଜନଶୁଣାଣି ଓ ତା’ପରେ ପରିବେଶ ଅନୁମତି ପାଇଁ ଆବେଦନ କରିବାର ନିୟମ ରହିଛି ା ଏହି କ୍ରମରେ ପ୍ରସ୍ତାବିତ ମାଇହୋମ ସିମେଣ୍ଟ କାରଖାନା ପାଇଁ ୬୮ ଏକର ଜମିର ଆବଶ୍ୟକତା ରହିଛି। ସେଥିରୁ ୬୨.୫୯ ଏକର ଜମି ଇଡ୍‌କୋରୁ ଲିଜ୍‌ ସୂତ୍ରରୁ ନିଆଯାଇଛି। ବାକି ୫.୪୧ ଏକର ଜମି ପ୍ରଜାଙ୍କଠାରୁ ସିଧାସଳଖ କ୍ରୟ କରିବାକୁ ଯୋଜନା ରହିଛି। ଏହାବାଦ୍‌ ୨୦ ଏକରରେ ଚାରା ରୋପଣ, ୮ ଏକରରେ ରାସ୍ତା, ୨୪ ଏକର ଖୋଲା ସ୍ଥାନ ଇତ୍ୟାଦି ପାଇଁ ଜମିର ଆବଶ୍ୟକତା ରହିଛି ବୋଲି ସାରାଂଶରେ ଦର୍ଶାଯାଇଛି। ଏହି ୟୁନିଟ ପାଇଁ କ୍ଲିଙ୍କର, ଜିପ୍ସମ, ଫ୍ଲାଏ ଆସ୍‌, କୋଇଲା ଆଦି କଞ୍ଚାମାଲର ଆବଶ୍ୟକତା ରହିବ। ଏହା ବାୟୁ ପ୍ରଦୂଷଣ ଉକତ୍ଟ ହେବା ନିଶ୍ଚିତ। ଏହାସହ ଦିନକୁ ୯୦ କିଲୋଲିଟର ଭୂତଳ ଜଳ ବ୍ୟବହାର କରାଯିବ, ଯାହାକି ଭୂତଳ ଜଳସ୍ତର ହ୍ରାସର କାରଣ ହୋଇପାରେ ବୋଲି ମତପ୍ରକାଶ ପାଇଛି। ତେବେ ପ୍ରଦୂଷଣ ନିୟନ୍ତ୍ରଣ ପାଇଁ ଆଇନ ଅନୁସାରେ ଆବଶ୍ୟକ ସମସ୍ତ ପଦକ୍ଷେପ ଗ୍ରହଣ କରାଯିବ ବୋଲି କମ୍ପାନୀ ପକ୍ଷରୁ ସାରାଂଶରେ ପ୍ରତିଶ୍ରୁତି ଦିଆଯାଇଛି। ଅନ୍ୟପକ୍ଷେ ଏହି ସିମେଣ୍ଟ କମ୍ପାନୀକୁ ଜନଶୁଣାଣିରେ ପ୍ରବଳ ବିରୋଧ କରାଯିବ ବୋଲି ସ୍ଥାନୀୟ ଗ୍ରାମବାସୀ ପ୍ରକାଶ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ଚାଇନାରେ ଏକାଠି ହେଲେ ଟ୍ରମ୍ପ୍‌-ପୁଟିନ୍‌-ଜିନ୍‌ପିଙ୍ଗ, ବୈଠକ ଉପରେ ବିଶ୍ବର ନଜର

ବେଜିଂ, ୧୮ା୧୧: ଚାଇନା ଗସ୍ତରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଚାଇନାରେ ପହଞ୍ଚିବା ପରେ ତାଙ୍କୁ ଭବ୍ୟ ସ୍ବାଗତ କରାଯାଇଛି । ପ୍ରୋଟୋକଲ ଭାଙ୍ଗି ଚୀନ…

ଓଡ଼ିଶା ମୁହାଁ ବାତ୍ୟା; ଜୁନିୟର ଆସିଷ୍ଟାଣ୍ଟ-କ୍ଲର୍କ ପରୀକ୍ଷା ସ୍ଥଗିତ

ଭୁବନେଶ୍ୱର,୧୮।୧୧: ଓଡ଼ିଶା ମୁହାଁ ହେଉଛି ବାତ୍ୟା ‘ଅକ୍ୱାନ’ । ୯ କିମି ବେଗରେ ବଢୁଛି ଭୀଷଣ ବାତ୍ୟା । ଏହାକୁ ଦୃଷ୍ଟିରେ ରଖି ଆସନ୍ତା ୨୧ ଓ…

‘ଅର୍ଣ୍ଣବ’ର କ୍ଷତ ଶୁଖିନି, ପୁଣି ଘାରିଲା ‘ଅକ୍ୱାନ’ ଭୟ: ଆତଙ୍କିତ ପୁରୁଷୋତ୍ତମପୁରବାସୀ, ପ୍ରଶାସନର ହାଇ ଆଲର୍ଟ, ସୁରକ୍ଷିତ ସ୍ଥାନକୁ…

ପୁରୁଷୋତ୍ତମପୁର୧୮।୧୧ (ସବିତା ମିଶ୍ର) : ଗତ ୧୫ ଦିନ ତଳେ ଆସିଥିବା ବାତ୍ୟା ‘ଅର୍ଣ୍ଣବ’ ଓ ପରବର୍ତ୍ତୀ ବନ୍ୟାର କ୍ଷତ ଏଯାଏ ଶୁଖି ନ ଥିବା ବେଳେ…

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?