ନୂଆଦିଲ୍ଲୀ,୨୯ା୫: କକ୍ରୋଚ୍ ଜନତା ପାର୍ଟି (CJP)କୁ ଏକ ବଡ଼ ଝଟ୍କା ଲାଗିଛି। ଶୁକ୍ରବାର ଅଭିଜିତ୍ ଦୀପକେଙ୍କ ନେତୃତ୍ୱାଧୀନ କକ୍ରୋଚ ଜନତା ପାର୍ଟି (CJP)ର ସୋସିଆଲ ମିଡିଆ ଆକାଉଣ୍ଟଗୁଡ଼ିକୁ ତୁରନ୍ତ ପୁନଃ ଚାଲୁ କରିବାକୁ ଦିଲ୍ଲୀ ହାଇକୋର୍ଟ ମନା କରିଦେଇଛନ୍ତି। ଜଷ୍ଟିସ୍ ପୁରୁଷେନ୍ଦ୍ର କୁମାର କୌର ଦୀପକେଙ୍କ ଆବେଦନର ଶୁଣାଣି କରିଥିଲେ।
ଜଣେ ଓକିଲଙ୍କ ବରିଷ୍ଠ ପଦବୀ ସହିତ ଜଡ଼ିତ ଏକ ଆବେଦନର ଶୁଣାଣି ସମୟରେ ମେ’ ୧୫ରେ ମୁଖ୍ୟ ବିଚାରପତି ସୂର୍ଯ୍ୟକାନ୍ତଙ୍କ ‘କକ୍ରୋଚ’ ଏବଂ ‘ପରଜୀବୀ’ମନ୍ତବ୍ୟ ଉପରେ ବିବାଦ ମଧ୍ୟରେ କକ୍ରୋଚ ଜନତା ପାର୍ଟି (CJP) ଆରମ୍ଭ କରିଥିଲେ।
କକ୍ରୋଚ ଜନତା ପାର୍ଟି (CJP)ର ‘X’ହ୍ୟାଣ୍ଡେଲକୁ ମେ’ ୨୧ରେ ଭାରତରେ ଅବରୋଧ କରାଯାଇଥିଲା। ପରବର୍ତ୍ତୀ ସମୟରେ ଏକ ନୂଆ ହ୍ୟାଣ୍ଡେଲ ସୃଷ୍ଟି ହୋଇଥିଲା, ‘କକ୍ରୋଚ ଇଜ୍ ବ୍ୟାକ’, ଯାହାର ବର୍ତ୍ତମାନ ୨.୨୭ ଲକ୍ଷରୁ ଅଧିକ ଫଲୋଅର୍ସ ଅଛନ୍ତି। ଯାହା ଏବେ ଚର୍ଚ୍ଚାର ବିଷୟ ପାଲଟିଛି।