କୋକସରା,୨୪।୭(ଡି.ଏନ.ଏ.)-କଳାହାଣ୍ଡି ଜିଲା କୋକସରା ଥାନା ଖୁଣ୍ଟିଆ ଗାଁରେ ଶୁକ୍ରବାର ଏକ ଦୁଃଖଦ ଘଟଣା ଘଟିଛି। ଗାଁର ଏକ ୫ ବର୍ଷର ଶିଶୁକୁ କୁକୁରପଲ ଗୋଡ଼ାଇ ଗୋଡ଼ାଇ କାମୁଡିବା ଫଳରେ ପିଲାଟିର ମୃତ୍ୟୁ ଘଟିଛି। ସୂଚନା ଅନୁଯାୟୀ, ଗାଁର ଲକ୍ଷ୍ମୀଧର ଧରୁଆଙ୍କ ୫ ବର୍ଷର ପୁଅ ବସନ୍ତ ଗୁରୁବାର ସାଙ୍ଗମାନଙ୍କ ସହ ଘର ନିକଟ ପୋଖରୀ ପାଖରେ ଖେଳୁଥିଲା। ଏହି ସମୟରେ ହଠାତ୍ କୁକୁର ପଲ ସେମାନଙ୍କୁ ଗୋଡ଼ାଇ ଥିଲେ। ସମସ୍ତେ ଦୌଡି ପଳାଇଯାଇଥିଲେ ମଧ୍ୟ ବସନ୍ତଙ୍କୁ କୁକୁରପଲ ମାଡି ବସି ଝୁଣି ପକାଇଥିଲେ। ବାଟରେ ଯାଉଥିବା ଲୋକେ ବସନ୍ତକୁ କୁକୁରଙ୍କ କବଳରୁ ରକ୍ତ ଜୁଡୁବୁଡୁ ଅବସ୍ଥାରେ ଉଦ୍ଧାର କରିଥିଲେ। ପରିବାର ଲୋକେ ତାକୁ ନିକଟସ୍ଥ ପର୍ଲା ପ୍ରାଥମିକ ସ୍ବାସ୍ଥ୍ୟ କେନ୍ଦ୍ର ଓ ପରେ ଧର୍ମଗଡ଼ ହସ୍ପିଟାଲକୁ ନେଇଥିଲେ। ଚିକିତ୍ସା ପରେ ପୁଅକୁ ଧରି ପରିବାର ଲୋକେ ଫେରିଥିଲେ। ହେଲେ ଶୁକ୍ରବାର ଶିଶୁଟିର ମୃତ୍ୟୁ ଘଟିଛି ା ଏହାକୁ ନେଇ ଗାଁରେ ଶୋକାକୂଳ ପରିବେଶ ସୃଷ୍ଟି ହୋଇଛି ା
