ମାଲକାନଗିରି/ଚିତ୍ରକୋଣ୍ଡା, ୨୦ା୧୨ (ଡି.ଏନ୍.ଏ.)- ମାଲକାନଗିରି ଜିଲା ଚିତ୍ରକୋଣ୍ଡା ଥାନା ପଣସପୁଟ ପଞ୍ଚାୟତ ଘନବେଡା ବିଏସ୍ଏଫ୍ କ୍ୟାମ୍ପରେ ମଙ୍ଗଳବାର ୯୦୭ ଜଣ ମାଓବାଦୀ ଓ ମାଓବାଦୀ ସମର୍ଥକ ଆତ୍ମସମର୍ପଣ କରିଛନ୍ତି। ସେମାନଙ୍କ ମଧ୍ୟରେ ୪୬୭ ଜଣ ମାଓବାଦୀ ସମର୍ଥକ ରହିଥିବା ଜଣାପଡିଛି। ଅବଶିଷ୍ଟ ୪୬୭ ଜଣ ମାଓବାଦୀ ମିଲିସିଆ ଅଛନ୍ତି। ମାଓବାଦୀ ସମର୍ଥକମାନେ ବାଡା ଆମ୍ବଲିବେଡା, ସାନା ଅମ୍ବଲିବେଡା, ଅଙ୍ଗୁରଗୁଡା, ନାକମୁମୁଡି ପଞ୍ଚାୟତର ଟିକରପଡା ଚିତ୍ରକୋଣ୍ଡା ଥାନା ଅନ୍ତର୍ଗତ ସାଦରାମ, କୋଣ୍ଡେହେଞ୍ଜେରୀ, ନାଡମାନଜାରି, ଜାଣ୍ଟ୍ରି, ମାରିପଡା, କୋଡିଗଣ୍ଡି ବାଚଲପଦର, ରାମାଗୁଡା ଏବଂ ଆଣ୍ଡ୍ରାପାଲି ପଞ୍ଚାୟତର ପଣଷପୁଟ , ବେଜିଙ୍ଗି, ମୁକୁଦିପାଲି, ଗୁରୁସେଟୁ, ବଟିଗୁଡା, ସିନ୍ଦିପୁଟ, ମୁଣ୍ଡିଗୁମ୍ମା ଏବଂ ପାନସପୁଟ ପଞ୍ଚାୟତର ଡଙ୍ଗରପଦର, ବିହନଗୁଡ଼ି, ସିମିଲିପଦର ଏବଂ ଜାଜମ୍ବୋ ଜି. ଇଲାମପାଗାଲ, ଯୋଡାମ୍ବୋ ଥାନା ଅନ୍ତଗର୍ର୍ତ ପୁଲିଜାଲମା, ବଙ୍ଗାପୁଟ ପଞ୍ଚାୟତର କୋଟିଆଗୁଡା ଏବଂ ମାଜିଗୁଡା, କୁମୁଦା ପଞ୍ଚୟତର ସିରଲିମେଟା, ମୁଚିଙ୍ଗପୁଟ ଅଞ୍ଚଳର ବୋଲି ଜଣାପଡିଛି। ସମସ୍ତେ ମାଲକାନଗିରି ପୋଲିସ ଏବଂ ଘନବେଡା ବିଏସ୍ଏଫ୍ କ୍ୟାମ୍ପରେ ଆତ୍ମସମର୍ପଣ କରିଛନ୍ତି। ଏହି ମାଓବାଦୀମାନେ ଗୃହଦାହ, ହତ୍ୟାକାଣ୍ଡ ଭଳି ବିଭିନ୍ନ ହିଂସାକାଣ୍ଡରେ ଜଡିତ ଅଛନ୍ତି। ତେବେ ବର୍ତ୍ତମାନ ସରକାର ଓ ପ୍ରଶାସନର ଉନ୍ନୟନମୂଳକ କାର୍ଯ୍ୟରେ ଅନୁପ୍ରାଣିତ ହୋଇ ସମାଜର ମୁଖ୍ୟ ସ୍ରୋତରେ ସାମିଲ ହେବାକୁ ସେମାନେ ଆତ୍ମସମର୍ପଣ କରିଥିବା ପ୍ରକାଶ କରିଛନ୍ତି। ଏହି ଅବସରରେ ଆତ୍ମସମର୍ପଣ କରିଥିବା ସମର୍ଥକମାନେ ମାଓବାଦୀ ମୁର୍ଦ୍ଦାବାଦ ଧ୍ୱନି ଦେଇଥିଲେ। ପୋଲିସ ପକ୍ଷରୁ ଏମାନଙ୍କୁ ସରକାରଙ୍କ ରହିଥିବା ଥଇଥାନ ବ୍ୟବସ୍ଥା ଅନୁଯାୟୀ ସମସ୍ତ ପ୍ରକାର ସୁବିଧା ସୁଯୋଗ ମିଳିବ ବୋଲି ମାଲକାନଗିରି ଏସ୍ପି ନୀତୀଶ ଓ୍ବାଧ୍ୱାନୀ କହିଛନ୍ତି। ସମସ୍ତଙ୍କୁ ଶାଢି, କପଡା, ଛୋଟ ପିଲାମାନଙ୍କୁ ଶିକ୍ଷା ଉପକରଣ, କ୍ରୀଡା ସାମଗ୍ରୀ ବଣ୍ଟନ କରାଯାଇଥିଲା। କାର୍ଯ୍ୟକ୍ରମରେ ଘନବେଡା ବିଏସ୍ଏଫ୍ ଯବାନଙ୍କ ସହ ଅନ୍ୟ ପୋଲିସ ଅଧିକାରୀ, ବିଏସ୍ଏଫ୍ ଅଧିକାରୀମାନେ ଉପସ୍ଥିତ ଥିଲେ। ସୂଚନାଯୋଗ୍ୟ, ଏହା ପୂର୍ବରୁ ୫୦ ସକ୍ରିୟ ମିଲିସିଆ ଗତ ୨ା୬ା୨୨ରେ, ୩୯୭ ମିଲିସିଆ ଏବଂ ସମର୍ଥକ ୧୧ା୬ା୨୨ରେ ଏବଂ ୫୦୦ ମିଲିସିଆ ଏବଂ ସମର୍ଥକ ୨୨ା୮ା୨୨ରେ ଆତ୍ମସମର୍ପଣ କରିଥିଲେ।
