ବାରଙ୍ଗ,୨୧।୧୨(ଡି.ଏନ.ଏ.): ନନ୍ଦନକାନନ ପ୍ରାଣୀଉଦ୍ୟାନକୁ ରବିବାର ରାତି ୯ଟାରେ ନୂଆ ଅତିଥି ଆସିଛନ୍ତି। ଚଳିତବର୍ଷ ପଶୁପକ୍ଷୀ ଅଦଳବଦଳ ପ୍ରକ୍ରିୟାରେ ଇନ୍ଦୋରର କମଳା ନେହୁରୁ ପ୍ରାଣୀ ସଂଗ୍ରାହଳୟରୁ ୨ଟି ମାଈ ଏସିଆନ୍ ସିଂହୀ, ୨ଟି ଅଣ୍ଡିରା ଓ ୧ଟି ମାଈକୁ ମିଶାଇ ୩ଟି ଘଡ଼ିଆଳ କୁମ୍ଭୀର ସହିତ ୨ଟି ମାଈ ଭାରତୀୟ ଧୂସର ଗଧିଆ ଏବଂ ଗୋଟିଏ ମାଈ କୋକିଶିଆଳି ଆସି ପହଞ୍ଚତ୍ଛି। ନୂଆ ଅତିଥିମାନଙ୍କୁ ଡାକ୍ତରଖାନାର ଆଇସୋଲେଶନ ଓ୍ବାର୍ଡରେ ସ୍ବାସ୍ଥ୍ୟାବସ୍ଥାକୁ ଅନୁଧ୍ୟାନ କରାଯିବା ପାଇଁ ରଖାଯାଇଛି। ତେବେ ଗତ ୧୩ ତାରିଖରେ ନନ୍ଦନକାନନରୁ ଏକ ୬ଜଣିଆ ଦଳ ଇନ୍ଦୋର ଅଭିମୁଖେ ଗସ୍ତ କରିଥିଲେ। ୯ ଅତିଥି ସହ ଶୁଆଜାତୀୟ ପକ୍ଷୀ ଆସିବା ପାଇଁ ପୂର୍ବ ପ୍ରସ୍ତୁତି ହୋଇଥିବା ବେଳେ ରବିବାର ଏହି ଟିମ୍ ପହଞ୍ଚତ୍ବା ବେଳେ କେବଳ ୮ ନୂଆ ଅତିଥିଙ୍କୁ ସାଙ୍ଗରେ ଧରି ଆସିଥିବାର ଦେଖିବାକୁ ମିଳିଥିଲା। ଏହାର ପ୍ରତିବଦଳରେ ଗୋଟିଏ କଳା ଓ ଧଳା ମହାବଳ ବାଘ ସହିତ ୩ ଘଡିଆଳ କୁମ୍ଭୀର ଓ ବିରଳ ପ୍ରଜାତିର ପ୍ଲିଜାଣ୍ଟ ପକ୍ଷୀକୁ ନନ୍ଦନକାନନକୁ ଦେବାକୁ ପଡିବ ବୋଲି ନିଷ୍ପତ୍ତି ହୋଇଛି। ଅନ୍ୟପକ୍ଷରେ ନନ୍ଦନକାନନର ଉଦ୍ଭିଦ ଉଦ୍ୟାନର ଶାଗୁଣା ପ୍ରଜନନ କେନ୍ଦ୍ରରେ ରବିବାର ଭାରତୀୟ ଶାଗୁଣା ଗୋଟିଏ ଅଣ୍ଡା ଦେଇଛି। ଏହି ଶାଗୁଣା ସହିତ ଅନ୍ୟ ୧୧ ଶାଗୁଣାକୁ ଗ୍ବାଲିଅରରୁ ନନ୍ଦନକାନନକୁ ଅଣାଯାଇଥିଲା। ପ୍ରଜନନ କେନ୍ଦ୍ରରେ ଏବେ ୧୨ଟି ଭାରତୀୟ ଶାଗୁଣା ଥିବା ଜଣାପଡିଛି ା
