ବଇଣ୍ଡା, ୩୦ା୧(ଡି.ଏନ୍.ଏ.) କିଶୋରନଗର ବ୍ଲକ ବଇଣ୍ଡାସ୍ଥିତ ଲୁହାମୁଣ୍ଡା ସେବା ସମବାୟ ସମିତିରେ ଶନିବାର କୁଇଣ୍ଟାଲ ପିଛା ୮କେ.ଜି. ଧାନ କଟ୍ନୀକୁ ନେଇ ଚାଷୀ ଅସେନ୍ତାଷ ଦେଖାଦେଇଛି। ଧାନ ସଂଗ୍ରହ ଦାୟିତ୍ୱରେ ଥିବା ମିଲର ମନଇଚ୍ଛା ଏଭଳି କରୁଥିବା ସେମାନେ ଅଭିଯୋଗ କରିଛନ୍ତି।
ଅଭିଯୋଗ ଅନୁଯାୟୀ, ଉକ୍ତ ସେବା ସମବାୟ ସମିତି ଅଧୀନରେ ଗଁା ବଇଣ୍ଡା, ନୁନୁକାପଶି, ଜାମୁନାଳୀ, ଲୁହାମୁଣ୍ଡା, କଣ୍ଟେଇକୋଳିଆ, ବିଲେଇନାଳି, ପେଡିପଥର ଆଦି ୭ ପଞ୍ଚାୟତର ଚାଷୀ ଧାନ ବିକ୍ରି କରିବା ପାଇଁ ସରକାରୀ ସ୍ତରରେ ଧାର୍ଯ୍ୟ କରାଯାଇଛି। ଅନୁଗୋଳର ଜଣେ ମିଲରଙ୍କୁ ଧାନ କିଣିବାକୁ ଅନୁମତି ଦିଆଯାଇଛି। ଅଦ୍ୟାବଧି ୨୭୯ ଚାଷୀଙ୍କଠାରୁ ୯ ହଜାର ୨୩୫ କୁଇଣ୍ଟାଲ ଧାନ କିଣା ହୋଇଛି। ତେବେ ମଣ୍ଡିରେ ବ୍ୟାପକ ଅନିୟମିତତା ହେଉଛି। ଚାଷୀଙ୍କଠାରୁ ୫ କେ.ଜି.ରୁ ୮ କେ.ଜି. ଲେଖାଏ ଧାନ କଟ୍ନୀ କରାଯାଉଛି। ଚାଷୀଙ୍କ ଗଚ୍ଛିତ ଧାନ ବିଳମ୍ବରେ ଉଠାଯାଉଛି। ବିଭାଗୀୟ ଅଧିକାରୀ ଏହାର ଉଚ୍ଚସ୍ତରୀୟ ତଦନ୍ତ କରିବା ସହ ଧାନକିଣାରେ ହସ୍ତକ୍ଷେପ କରିବା ଲାଗି ବୃଷଭ ପ୍ରଧାନ, ନରେଶ ସାହୁ , ସ୍ବରୂପକାନ୍ତ ପ୍ରଧାନ, ଲକ୍ଷ୍ମଣ ସ୍ବାଇଁ, ବୀରବର ସାହୁ ପ୍ରମୁଖ ଦାବି କରିଛନ୍ତି
ଅନ୍ୟପଟେ ଚାଷୀଙ୍କଠାରୁ ମିଲର କୁଇଣ୍ଟାଲ ପିଛା ୩ କେ.ଜି. ଲେଖାଏ ଧାନ କାଟୁଥିବା ସୋସାଇଟ ସମ୍ପାଦକ ରମେଶ କୁମାର ଦେହୁରୀ ସ୍ପଷ୍ଟୀକରଣ ଦେଇଛନ୍ତ।
