ମୋହନା,୩୧।୭(ମନ୍ମଥ ମିଶ୍ର): ସରକାରୀ ସହାୟତା ଅପେକ୍ଷାରେ ଭିନ୍ନକ୍ଷମ ଛାତ୍ରୀ । ୭୫% ଭିନ୍ନକ୍ଷମ ହୋଇ ମଧ୍ୟ ଭିନ୍ନକ୍ଷମ ଭତ୍ତାରୁ ଦୀର୍ଘ ବର୍ଷ ହେବ ବଞ୍ଚିତ ଅଛନ୍ତି । ଏଭଳି ଅଭିଯୋଗ ଆସିଛି ଗଜପତି ଜିଲା ମୋହନା ବ୍ଲକ ମାଣିକପୁର ଗ୍ରାମ ପଞ୍ଚାୟତ ଗୁବୁରୀଗୁଡା ଗ୍ରାମର ବଟ ସାହିରୁ
ଗ୍ରାମର ସଞ୍ଜୟ ରଇତଙ୍କ ୭ବର୍ଷର ଭିନ୍ନକ୍ଷମ ଝିଅ ଭାଗ୍ୟଲକ୍ଷୀ ରଇତ । ଏହି ଝିଅ ଜନ୍ମରୁ ହିଁ ମୁକ ଏବଂ ବଧିର । କେବଳ ଠାର ଦ୍ବାରା ବୁଝି ସବୁ କାମ କରୁଛନ୍ତି । ଚିକିତ୍ସା ପାଇଁ ଅନେକ ଖର୍ଚ୍ଚ ହୋଇଥିଲେ ମଧ୍ୟ ଭଲ ହୋଇପାରିନଥିଲା । ଏହାପରେ ତାଙ୍କ ମା’ ବ୍ଲକ ପ୍ରଶାସନକୁ ଭତ୍ତା ଦେବା ପାଇଁ ଅନୁରୋଧ କରିଛନ୍ତି । ସେପଟେ ଝିଅଟି ମୁକ ବଧିର ହେଲେ ମଧ୍ୟ ମା’ ବାପା ଝିଅଟିକୁ ନିକଟସ୍ଥ ଗୁବୁରୀଗୁଡା ସରକାରୀ ପ୍ରାଥମିକ ବିଦ୍ୟାଳୟରେ ପାଠ ପଢିବା ପାଇଁ ଛାଡିଛନ୍ତି ।
ହେଲେ ବିଦ୍ୟାଳୟର ଶିକ୍ଷକ କହିଛନ୍ତି ଏହି ଝିଅଟି ପ୍ରତିଦିନ ବିଦ୍ୟାଳୟକୁ ଆସୁଛି । ସବୁ ପିଲା ସହ ମିଶୁଛି ଖେଳୁଛି କିନ୍ତୁ ପାଠ ପଢ଼ାଇବା ସମୟରେ ଏହି ଝିଅ ପାଇଁ ଟିକେ ଅସୁବିଧା ହେଉଥିବା କହିଛନ୍ତି । ଯେହେତୁ ସେ ଶୁଣି ପାରୁନି କି କହି ପାରୁନି । ଏଣୁ ଏହି ବିଷୟରେ ତାଙ୍କ ଅଭିଭାବକକୁ ଆମେ ଜଣାଇଛୁ ବୋଲି କହିଛନ୍ତି ।