ଧର୍ମଶାଳା,୭ା୪(ଡି.ଏନ.ଏ.): ଧର୍ମଶାଳା ବ୍ଲକ ଅଞ୍ଚଳରେ ଖାଲିପଡ଼ିଥିବା ୨୯ ପଞ୍ଚାୟତର ୪୫ ୱାର୍ଡ ସଭ୍ୟ ଆସନ ପାଇଁ ମେ’ ୨ରେ ଉପନିର୍ବାଚନ ଅନୁଷ୍ଠିତ ହେବ। ଗୁରୁବାର ପ୍ରାର୍ଥିପତ୍ର ଦାଖଲର ଶେଷ ଦିନ ସୁଦ୍ଧା ୪୫ ୱାର୍ଡ ପଇଁ ୭୫ଜଣ ପ୍ରାର୍ଥୀ ସେମାନଙ୍କ ପ୍ରାର୍ଥତ୍ପତ୍ର ଦାଖଲ କରିଛନ୍ତି। ୨୬ ୱାର୍ଡରେ ଜଣେ ଲେଖାଏ ପ୍ରାର୍ଥତ୍ପତ୍ର ଦାଖଲ କରିଥିବାବେଳେ ୧୯ ୱାର୍ଡରେ ୧ରୁ ଅଧିକ ନାମାଙ୍କନପତ୍ର ଦାଖଲ ହୋଇଛି। ବ୍ଲକ୍ ଅଧୀନ ଅଭୟପୁର ପଞ୍ଚାୟତର ୱାର୍ଡ ନଂ.୧୨, ଅଞ୍ଜିରା ପଞ୍ଚାୟତର ୮ନଂ., ଅଣ୍ଟିଆ ପଞ୍ଚାୟତର ୧୨ନଂ., ଅରାବଳ ପଞ୍ଚାୟତର ୧୩ ଓ ୧୫, ଆରୁହାର ୧, ୪, ୧୦, ବଡ଼କାଏମାର ୨ ଓ ୧୬, ବୃନ୍ଦାଦେଇପୁରର ୩, ଚହଟାର ୧୦, ଚୋରମୁହଁାର ୬, ଚକ୍ରଧରପୁରର ୫ ଓ ୧୧, ଦେଓଦାର ୧୦ନଂ.ୱାର୍ଡସବ୍ୟ ପାଇଁ ନିର୍ବାଚନ ହେବ।
ସେହିପରି ଗଙ୍ଗାଧରପୁର ପଞ୍ଚାୟତର ୭ ଓ ୮, ହରିଦାସପୁରର ୭, ୧, ୧୪ ଓ ୧୬, ଜାରକାର ୩ ଓ ୪, କମାଗଡ଼ର ୮, କ୍ଷେତ୍ରପାଳର ୬, କୋତପୁରର ୧୦, କୁମାରୀର ୪, ମଧୁପୁରଗଡ଼ର ୩, ମଙ୍ଗଳପୁରର ୧୦, ମର୍ଜାଦାପୁରର ୧୮, ନେଉଳପୁରର ୧୨, ପାଖରର ୬, ପଟୁଣିଆର ୭, ପୁରୁଣାବଉଳମାଳର ୨, ୫, ୭, ୯, ୧୦ ଓ ୧୩, ରାଇଛନ୍ଦାର ୧୨, ସୁନ୍ଦୁରିଆର ୬, ତରଞ୍ଜିଆର ୪ ଓ ଥାନୁଆଳ ପଞ୍ଚାୟତର ୧୦ନଂ. ୱାର୍ଡ ସଭ୍ୟ ପଦବୀ ପାଇଁ ଭୋଟ୍ ଗ୍ରହଣ କରାଯିବ। ଏଥିରୁ ୪୪ ୱାର୍ଡରେ ସଂରକ୍ଷିତ କାରଣରୁ ପ୍ରତିଦ୍ୱନ୍ଦ୍ୱୀ ନ ମିଳିବାରୁ ଏହି ଆସନଗୁଡିକ ଖାଲିପଡ଼ିଥିଲା। ୱାର୍ଡଗୁଡ଼ିକୁ ଅସଂରକ୍ଷିତ କରାଯାଇ ନିର୍ବାଚନ କରିବାକୁ ବିଜ୍ଞପ୍ତି ପ୍ରକାଶ ପାଇଥିଲା। ଅନ୍ୟପଟେ ବଡ଼କାଏମା ପଞ୍ଚାୟତର ୧୬ ନଂ.ୱାର୍ଡ ସଭ୍ୟଙ୍କ ମୃତ୍ୟୁ ଯୋଗୁ ଖାଲିପଡ଼ିଥିବା ପଦବୀ ପାଇଁ ନିର୍ବାଚନ ଅନୁଷ୍ଠିତ ହେବ। ଆସନ୍ତା ୧୦ ତାରିଖରେ ପ୍ରାର୍ଥତ୍ପତ୍ର ଯାଞ୍ଚ ଓ ୧୨ ତାରିଖ ଅପରାହ୍ନ ୩ଟାରେ ପ୍ରାର୍ଥତ୍ପତ୍ର ପ୍ରତ୍ୟାହାର ଓ ପରେ ପ୍ରାର୍ଥୀଙ୍କ ନାମ ଘୋଷଣା କରାଯିବ। ମେ’୨ ତାରିଖ ସକାଳ ୭ରୁ ଦିନ ଗୋଟାଏ ମଧ୍ୟରେ ଭୋଟ ଗ୍ରହଣ କରାଯିବ। ମେ’୪ ତାରିଖ ସକାଳ ୮ଟାରେ ବ୍ଲକ କର୍ଯ୍ୟାଳୟରେ ଭୋଟ ଗଣତି କରାଯାଇ ଫଳାଫଳ ଘୋଷଣା କରାଯିବ ବିଡିଓ ଦେବେନ୍ଦ୍ର କୁମାର ବଳ ସୂଚନା ଦେଇଛନ୍ତି।
