ଇସଲାମାବାଦ,୧୨।୯: ଆଫଗାନିସ୍ତାନରେ ତାଲିବାନ୍ କ୍ଷମତା ଦଖଲ କରିବା ନେଇ ୫୫ ପ୍ରତିଶତ ପାକିସ୍ତାନୀ ନାଗରିକ ଖୁସି ହୋଇଛନ୍ତି। ଏନେଇ କରାଯାଇଥିବା ସର୍ଭେ ରିପୋର୍ଟରେ ଏହା ଉଲ୍ଲେଖ କରାଯାଇଛି। ସର୍ଭେରେ ୨,୪୦୦ ଲୋକଙ୍କୁ ସାମିଲ୍ କରାଯାଇଥିଲା। ସେମାନଙ୍କୁ ପଚରାଯାଇଥିଲା, ଆଫଗାନିସ୍ତାନରେ ତାଲିବାନ୍ ସରକାର ଗଠନକୁ ନେଇ ଆପଣ ଖୁସି କି? ଅନୁସନ୍ଧାନରୁ ଜଣାପଡିଛି ଯେ ୫୫ ପ୍ରତିଶତ ଲୋକ ଖୁସି ଥିବାବେଳେ ୨୫ ପ୍ରତିଶତ ଲୋକ ଅସନ୍ତୁଷ୍ଟ ଏବଂ ଅନ୍ୟ ୨୦ ପ୍ରତିଶତ ଲୋକଙ୍କର କୌଣସି ପ୍ରତିକ୍ରିୟା ନାହିଁ ବୋଲି କହିଛନ୍ତି।
ତାଲିବାନ ସରକାରଙ୍କ ପାଇଁ ଖାଇବର ଅଞ୍ଚଳର ସର୍ବାଧିକ ଲୋକଙ୍କର ସମର୍ଥନ ରହିଛି। ଏହି ଅଞ୍ଚଳର ୬୫ ପ୍ରତିଶତ ଉତ୍ତରଦାତା କହିଛନ୍ତି ଯେ ସେମାନେ ଖୁସି ଅଛନ୍ତି। ବାଲୁଚିସ୍ତାନର ପ୍ରାୟ ୫୫ ପ୍ରତିଶତ ଉତ୍ତରଦାତା, ପଞ୍ଜାବ ଏବଂ ସିନ୍ଧର ୫୪ ପ୍ରତିଶତ ଆଫଗାନିସ୍ତାନରେ ତାଲିବାନ୍ ସରକାର ଗଠନକୁ ନେଇ ଖୁସି ବ୍ୟକ୍ତ କରିଛନ୍ତି।
ସର୍ଭେରେ ୫୮ ପ୍ରତିଶତ ପୁରୁଷଙ୍କ ତାଲିବାନ୍କୁ ସମର୍ଥନ କରୁଥିବାାବେଳେ ମହିଳାଙ୍କ ମଧ୍ୟରେ ଏହି ହାର ୩୬ ପ୍ରତିଶତ ରହିଛି।
