ସ୍ବାସ୍ଥ୍ୟ ଏବଂ ସୁସ୍ଥତା ବଜାୟ ରଖିବା ପାଇଁ ଯୋଗ ହିଁ ନିତ୍ୟାନ୍ତ ଆବଶ୍ୟକ। ଯୋଗ ଅଭ୍ୟାସ ଦ୍ୱାରା ଉଭୟ ଶାରୀରିକ ଏବଂ ମାନସିକ ସ୍ବାସ୍ଥ୍ୟ ସମ୍ବନ୍ଧୀୟ ଅନେକ ସମସ୍ୟାକୁ ମୁକାବିଲା କରିବାରେ ସାହାଯ୍ୟ କରିଥାଏ। ଚାପମୁକ୍ତି ଏବଂ ଚିନ୍ତାର ମୁକାବିଲା, ଏବଂ ହାର୍ଟ ସମ୍ବନ୍ଧୀୟ ସମସ୍ୟା ଏହି ଯୋଗ ଦ୍ୱାରା ହିଁ ଦୂର କରାଯାଇପାରିବ। ତେବେ ହାର୍ଟ ସ୍ବାସ୍ଥ୍ୟ ବିଷୟରେ କହିବାକୁ ଗଲେ ଏହାକୁ ନିଶ୍ଚିତ ଭାବରେ ଆପଣଙ୍କର ବିଶେଷ ଧ୍ୟାନ ଦେବାକୁ ପଡିବ। ଜୀବନଶୈଳୀରେ ଉନ୍ନତି ଆଣିବା ଏବଂ ହାର୍ଟର ସ୍ବାସ୍ଥ୍ୟକୁ ନିୟନ୍ତ୍ରଣରେ ରଖିବା ପାଇଁ ସୁସ୍ଥ ଖାଦ୍ୟ ଅନୁସରଣ କରିବା ସହ ନିୟମିତ ଯୋଗ ଅଭ୍ୟାସ କରିବା ଜରୁରୀ ଅଟେ। ଆସନ୍ତୁ ୫ଟି ଯୋଗାସନ ବିଷୟରେ ଜାଣିବା ଯାହା ହାର୍ଟ ସ୍ବାସ୍ଥ୍ୟରେ ଉନ୍ନତି ଆଣିବାରେ ସାହାର୍ଯ୍ୟ କରେ।
ଭୁଜଙ୍ଗାସନ:
ଏହା ରକ୍ତ ସଞ୍ଚାଳନରେ ଉନ୍ନତି ଆଣିବା ଏବଂ ହୃଦୟକୁ ସୁସ୍ଥ ରଖିବାରେ ସାହାର୍ଯ୍ୟ କରେ। ଏହି ଯୋଗାସନ ଦ୍ୱାରା ଛାତି, କାନ୍ଧ ଏବଂ ପେଟ ବିସ୍ତାର କରିବା ସହିତ ଜଡିତ ହୋଇଥାଏ ଏବଂ ଚିନ୍ତାମୁକ୍ତ ଏବଂ ଥକ୍କାପଣରୁ ମୁକ୍ତ କରିଥାଏ। ଏହା ପିଠିକୁ ମଜବୁତ କରେ ଏବଂ ପେଟର ଚର୍ବି ହ୍ରାସ କରିବାରେ ମଧ୍ୟ ସାହାଯ୍ୟ କରେ।
ତାଡାସନ: 
ଏହାକୁ ନିୟମିତ କରିବା ଦ୍ୱାରା ଚାପ ମୁକ୍ତି କରିବା ସହ ହାର୍ଟକୁ ସୁସ୍ଥ ରଖିଥାଏ। ଏହି ଆସନ ରକ୍ତ ସଞ୍ଚାଳନକୁ ବଢାଇଥାଏ ଏବଂ ପିଠି, ଏବଂ ଗୋଡକୁ ଦୃଢ କରିଥାଏ।
ମାକାରାସନ:
ଏହି ଆସନ ଦ୍ୱାରା ମନ ଏବଂ ଶରୀରକୁ ଆରାମ ମିଳିଥାଏ। ଉଚ୍ଚ ରକ୍ତଚାପ, ହୃଦରୋଗ ଏବଂ ମାନସିକ ରୋଗ ସମେତ ଅନେକ ସ୍ବାସ୍ଥ୍ୟ ସମ୍ବନ୍ଧୀୟ ସମସ୍ୟାର ଚିକିତ୍ସା ପାଇଁ ଏହା ଜଣାଶୁଣା। ଏହାସହ ଶ୍ୱାସକ୍ରିୟାକୁ ନିୟମିତ କରିବାରେ ସାହାଯ୍ୟ କରେ।
ଗୋମୁଖାସନ:
ଏହି ଆସନ ଉଚ୍ଚ ରକ୍ତଚାପର ଚିକିତ୍ସା କରିବାରେ ସାହାଯ୍ୟ କରେ। ଚାପକୁ ହ୍ରାସ କରେ ଏବଂ ମେରୁଦଣ୍ଡକୁ ମଜବୁତ୍ କରେ।
ମାଲାସନ:
ଏହି ଆସନ ମନକୁ ସ୍ଥିର ଏବଂ ଶାନ୍ତ ରଖିବାରେ ସାହାର୍ଯ୍ୟ କରିଥାଏ। ଏହା ମଧ୍ୟ ରକ୍ତ ସଞ୍ଚାଳନ ଏବଂ ଓଜନ ହ୍ରାସ କରିବାରେ ସହାୟକ ହୋଇଥାଏ।
