ଗୁଡ଼ାରି,୧୯।୫ (ପ୍ରମୋଦ କୁମାର ପତି ) ରାୟଗଡା ଜିଲା ଗୁଡ଼ାରି ରେଞ୍ଜ କର୍ମଚାରୀମାନେ ପେଣ୍ଡିଲି ଗ୍ରାମ ପଞ୍ଚାୟତର ମନ୍ତରଝୋଲି ଗ୍ରାମ ନିକଟସ୍ଥ ଜଙ୍ଗଲରୁ ୪୫ଟି ପିଆଶାଳ ପଟା ଜବତ କରିଥିବା ସୂଚନା ମିଳିଛି । ବେଆଇନ ଭାବେ ଗଛକାଟି ଜଙ୍ଗଲରେ କେହି ଲୁଚାଇ ରଖିଥିବା ଏହି ପଟା ଗୁଡ଼ିକୁ ବନ ବିଭାଗ ପକ୍ଷରୁ ଜବତ କରାଯାଇଛି । ଏହି ପଟା କିଏ ଓ କାହିଁକି ରଖିଥିଲା ସେ ନେଇ ବନ ବିଭାଗ ପକ୍ଷରୁ ତଦନ୍ତ ଜାରି ରହିଥିବା ସୂଚନା ମିଳିଛି। ଜବତ କରାଯାଇଥିବା ପିଆଶାଳ ପଟାର ମୂଲ୍ୟ ଲକ୍ଷାଧିକ ଟଙ୍କା ହେବ ବୋଲି ଅନୁମାନ କରାଯାଉଛି । ବେଆଇନ କାଠ ଚୋରା ଚାଲାଣ ରୋକିବାକୁ ଜୋରଦାର ପଦକ୍ଷେପ ନିଆଯିବ ବୋଲି ଗୁଡ଼ାରି ରେଞ୍ଜ ଅଧିକାରୀ ଗଙ୍ଗାଧର ମିଶ୍ର ସୂଚନା ଦେଇଛନ୍ତି ।