ଭୁବନେଶ୍ୱର, ୧୭।୭(କ୍ରୀଡ଼ା ପ୍ରତିନିଧି): ବିହାରର ପାଟଣାସ୍ଥିତ ପାଟଳିପୁତ୍ର ଷ୍ଟାଡିୟମରେ ଜାତୀୟ ସିନିୟର ରଗ୍ବୀ ସେଭେନ୍ସ (ମହିଳା/ପୁରୁଷ) ଚାମ୍ପିୟନଶିପ୍ ଚଳିତମାସ ୧୯ରୁ ୨୧ ପର୍ଯ୍ୟନ୍ତ ଅନୁଷ୍ଠିତ ହେବ। ଏହି ସମ୍ମାନଜନକ ପ୍ରତିଯୋଗିତା ପାଇଁ ଓଡ଼ିଶା ମହିଳା ଓ ପୁରୁଷ ଦଳ ଘୋଷିତ ହୋଇଛି। ଏଥିରେ କେବଳ ରାଜ୍ୟ ଦଳ ଗୁଡ଼ିକ ଅଂଶଗ୍ରହଣ କରିବା ନିୟମ ରହିଛି। ଜାତୀୟ ସିନିୟର ରଗ୍ବୀ ୩୬ତମ ନ୍ୟାଶନାଲ ଗେମ୍ସ ପାଇଁ ଯୋଗ୍ୟତା ପର୍ଯ୍ୟାୟ ଟୁର୍ନାମେଣ୍ଟଭାବେ ପରିଚିତ। ଏହା ବ୍ୟତୀତ ଏସିଆ ରଗ୍ବୀ ସେଭେନ୍ସ ଟ୍ରଫି ପାଇଁ ଭାରତୀୟ କ୍ୟାମ୍ପକୁ ଏହି ପ୍ରତିଯୋଗିତାରୁ ଖେଳାଳି ଚୟନ ହେବା କାର୍ଯ୍ୟକ୍ରମ ରହିଛି। ଏସିଆ ରଗ୍ବୀ ସେଭେନ୍ସ (ମହିଳା/ପୁରୁଷ) ପ୍ରତିଯୋଗିତା ଅଗଷ୍ଟ ୧୦ ଓ ୧୧ ଦୁଇଦିନଧରି ଅନୁଷ୍ଠିତ ହେବ।
ମହିଳା ଦଳ: ମଞ୍ଜୁଲତା ପ୍ରଧାନ, ପୁନମ ସିଂ, ରଜନୀ ଶବର, ସୋନି ମନ୍ଦାଙ୍ଗି, ପାର୍ବତୀ କିସ୍କୁ, ଜେନାମଣି ନାୟକ, ସୁମିତ୍ରା ନାୟକ, ହୁପି ମାଝି(ଅଧିନାୟିକା), ଦୁମୁନି ମାରାଣ୍ଡି, ତନୟା ଶବର, ବାସନ୍ତା ପାଙ୍ଗି, ମମତା ପାତ୍ରୋ।
ପୁରୁଷ ଦଳ: ମୁନା ମୁର୍ମୁ, ନାରାୟଣ ସାହୁ, ସୁଶାନ୍ତ ବେହେରା, ବିକ୍ରାନ୍ତ କୁମାର ରାଉତ (ଅଧିନାୟକ), ବିଭୂତି ଭୂଷଣ ସେଠୀ, ରନତ୍ାକର ହେମ୍ବ୍ରମ, ଶାନାଓ୍ବାଜ ଅହମଦ, ଶଶାଙ୍କ ଶେଖର ତ୍ରିପାଠୀ, ବଳରାମ ନାୟକ, ରାଜକିଶୋର ମୁର୍ମୁ, ସୁଗୁଧା ମାଝି, ସମୀର ମଲିକ।
