ଓ୍ବାଶିଂଟନ୍, ୧।୩: ହୋଟେଲ କର୍ତ୍ତୃପକ୍ଷ ଭୁଲବଶତଃ ଛାତ୍ରୀଛାତ୍ରଙ୍କ ପାସ୍ପୋର୍ଟ ଚିରିଦେବା ଯୋଗୁ ବ୍ରିଟେନର ୪୨ଜଣ ଆମେରିକାରେ ଫସି ରହିଛନ୍ତି। ବ୍ରିଟେନ୍ର ଓ୍ବାଲସାଲସ୍ଥିତ ବାର୍ବିକୋନ୍ ସ୍କୁଲର ୪୨ ଜଣ ଛାତ୍ରୀଛାତ୍ର ସ୍କି ଟ୍ରିପ୍ ପାଇଁ ନ୍ୟୁ ହାମ୍ପଶିରେ ଆସିଥିଲେ। ସେମାନେ ରହୁଥିବା ହୋଟେଲର କର୍ତ୍ତୃପକ୍ଷ ଭୁଲବଶତଃ ପାସ୍ପୋର୍ଟ ଚିରିଦେବା କାରଣରୁ ସେମାନେ ବ୍ରିଟେନ୍ ଫେରିପାରି ନାହାନ୍ତି। ଶନିବାର ସେମାନଙ୍କ ରିଟର୍ନ ଫ୍ଲାଇଟ୍ ଥିଲା। ଆବଶ୍ୟକ ଦସ୍ତାବିଜ୍ ପାଇଁ ଛାତ୍ରୀଛାତ୍ରଙ୍କୁ ଆହୁରି ୪ ଦିନ ସେଠାରେ ରହିବାକୁ ପଡ଼ିବ। ତେବେ ସ୍କୁଲ କର୍ତ୍ତୃପକ୍ଷ ଛାତ୍ରୀଛାତ୍ରଙ୍କ ଫେରିବା ବନ୍ଦୋବସ୍ତ କରିବା ନେଇ ଅଭିଭାବକମାନଙ୍କୁ ପୂର୍ଣ୍ଣ ପ୍ରତିଶ୍ରୁତି ଦେଇଛନ୍ତି।
