ଭଞ୍ଜନଗର,୨୦।୭(ବାବୁଲା ପ୍ରଧାନ):ବାଲେଶ୍ୱର ଫକୀର ମୋହନ ବିଶ୍ୱବିଦ୍ୟାଳୟରେ ଗତ ୧୬ ତାରିଖରୁ ୨୦ ତାରିଖ ପର୍ଯ୍ୟନ୍ତ ରାଜ୍ୟ ସଂହତି ଶିବିର ଅନୁଷ୍ଟିତ ହୋଇଥିଲା। ଏଥିରେ ବ୍ରହ୍ମପୁର ବିଶ୍ୱବିଦ୍ୟାଳୟ ଅଧିନ ବିଭିନ୍ନ ମହାବିଦ୍ୟାଳୟରୁ ୧୪ ଜଣ ଏନଏସଏସ ସ୍ବେଚ୍ଛାସେବୀ ଗାଲେରୀ କଲେଜର ଜାତୀୟ ସେବା ଯୋଜନା ଅଧିକାରୀ ଦୁର୍ଗା ମାଧବ ଦାସଙ୍କ ନେତୃତ୍ୱରେ ଯାଇଥିଲେ। ସେଥିମଧ୍ୟରୁ ଗଞ୍ଜାମ ଜିଲାର ୪ ଜଣ ସ୍ବେଚ୍ଛାସେବୀ ବିଭିନ୍ନ ପ୍ରତିଯୋଗିତାରେ ଅଂଶଗ୍ରହଣ କରି ପୁରସ୍କୃତ ହୋଇଛନ୍ତି।
ସଙ୍ଗୀତରେ ଭଞ୍ଜନଗର କବି ସମ୍ରାଟ ଉପେନ୍ଦ୍ର ଭଞ୍ଜ ମହାବିଦ୍ୟାଳୟର ଛାତ୍ରୀ ଅନିଶା ରାଣୀ ସାମଲ ପ୍ରଥମ ସ୍ଥାନ ଅଧିକାର କରି ପୁରସ୍କୃତ ହୋଇଛନ୍ତି। ଏଥିସହ ବ୍ରହ୍ମପୁର ବିଜୁ ପଟ୍ଟନାୟକ ହୋମିଆପଥି କଲେଜର ବୀଷ୍ଠୁ ପ୍ରସାଦ ବେହେରା ତୃତୀୟ ସ୍ଥାନ ଅଧିକାର କରିଛନ୍ତି। ବକୃତା ପ୍ରତିଯୋଗିତାରେ ବ୍ରହ୍ମପୁର ପାରଳା ମହାରାଜା ଇଞ୍ଜିନିୟରିଂ କଲେଜର ଛାତ୍ରୀ ତେଜସୀନି ସାହୁ ପ୍ରଥମ ସ୍ଥାନ ଅଧିକାର କରିଥିବା ବେଳେ ନୃତ୍ୟରେ ହିଞ୍ଜିଳିକାଟୁ ବିଜ୍ଞାନ ମହାବିଦ୍ୟାଳୟର ଛାତ୍ର ସୁବ୍ରତ କୁମାର ସାହୁ ତୃତୀୟ ସ୍ଥାନ ଅଧିକାର କରିଥିଲେ। ଶିବିରରେ ଯୋଗ ଦେଇଥିବା ଅନ୍ୟ ସ୍ବେଚ୍ଛାସେବୀମାନେ ହେଲେ ଗାଲେରୀ କଲେଜର ଗୀତିକା ଜାନି, ବ୍ରହ୍ମପୁର ହୋମିଆପ୍ୟାଥି କଲେଜର ଦିବ୍ୟଜ୍ୟୋତି, କେନ୍ଦୁପଦର କଲେଜର ଆଶୁତୋଷ ନାୟକ, ବିଶ୍ୱବିଦ୍ୟାଳୟର ଦୀପିକା ନାୟକ, ବର୍ଷାରାଣୀ ପ୍ରଧାନ, ଭଞ୍ଜନଗର ସାିତ୍ରୀ ମହିଳା ମହାବିଦ୍ୟାଳୟର ରୁଦ୍ରାକ୍ଷ ନାୟକ, ଭିଷ୍ମଗିରି କଲେଜର ହିତେଶ ପ୍ରଧାନ, ମୋହନା କଲେଜର ଗୌର ନାୟକ, କବିସୂର୍ଯ୍ୟନଗର କଲେଜର ପୋଲକି ପବାନି , ଟିକାବାଲି କଲେଜର ଶଙ୍କର କହଁର, ଜି ଉଦୟଗିରି କଲେଜର ମିହିର ମଲ୍ଲିକ ସ୍ବେଚ୍ଛାସେବୀ ଭାବେ ଯୋଗଦେଇ କଲେଜର ଗୌରବ ବଢ଼ାଇଛନ୍ତି।