ନୂଆଦିଲ୍ଲୀ,୭।୯ : ପ୍ରାୟ ୨୩ ରାଷ୍ଟ୍ରାୟତ୍ତ କମ୍ପାନୀର ଘରୋଇକରଣ କରିବା ଲାଗି ଅର୍ଥମନ୍ତ୍ରୀ ନିର୍ମଳା ସୀତାରାମନ ଜୁଲାଇ ୨୭ରେ ଘୋଷଣା କରିଥିଲେ। ଏ ନେଇ ସରକାର ବର୍ତ୍ତମାନ ପ୍ରସ୍ତୁତି କରୁଛନ୍ତି। ଏ ସଂକ୍ରାନ୍ତ ପ୍ରସ୍ତାବକୁ ବର୍ତ୍ତମାନ ମଞ୍ଜୁରୀ ମିଳିଥିବା ଜଣାପଡିଛି। କେଉଁ କେଉଁ କମ୍ପାନୀଗୁଡିକର ଘରୋଇକରଣ କରାଯିବ ସେ ନେଇ ଚୂଡାନ୍ତ ମଧ୍ୟ କରାଯାଇଛି। ଏ ସଂକ୍ରାନ୍ତରେ ସରକାରଙ୍କୁ ଆର୍ଟିଆଇରେ ତଥ୍ୟ ମଗାଯାଇଥିଲା। ସରକାର ପ୍ରାଥମିକ ପର୍ଯ୍ୟାୟରେ ପ୍ରାୟ ୨୩ କମ୍ପାନୀର ଘରୋଇକରଣ ନେଇ ଯୋଜନା ରଖିଥିବା ବେଳେ ମିଳିଥିବା ତାଲିକାରେ ପ୍ରାୟ ୨୬ କମ୍ପାନୀଙ୍କ ନାମ ରହିଛି। ଏହି କମ୍ପାନୀଗୁଡିକ ମଧ୍ୟରୁ ପ୍ରାୟ ୨୩ଟିର ଆଗ ଘରୋଇକରଣ ହେବ ବୋଲି ସରକାର ଘୋଷଣା କରିସାରିଛନ୍ତି।
କମ୍ପାନୀଗୁଡିକ ମଧ୍ୟରେ ପ୍ରୋଜେକ୍ଟ ଆଣ୍ଡ ଡେଭଲପମେଣ୍ଟ ଇଣ୍ଡିଆ ଲିମିଟେଡ, ଇଞ୍ଜିନିୟରିଂ ପ୍ରୋଜେକ୍ଟ ଇଣ୍ଡିଆ ପ୍ରାଇଭେଟ ଲିମିଟେଡ, ପଓ୍ବନ ହଂସ, ବିଆର୍ ଆଣ୍ଡ କମ୍ପାନୀ, ଏୟାର ଇଣ୍ଡିଆ, ସେଣ୍ଟ୍ରାଲ ଇଲେକଟ୍ରୋନିକ୍ସ, ସିମେଣ୍ଟ କର୍ପୋରେଶନ ଇଣ୍ଡିଆ, ଇଣ୍ଡିଆନ ମେଡିସିନ ଆଣ୍ଡ ଫାର୍ମାସିଟିକାଲ କର୍ପୋରେଶନ, ସାଲେମ, ଦୁର୍ଗାପୁର ଏବଂ ଭଦ୍ରାବତୀ ଷ୍ଟିଲ ପ୍ଲାଣ୍ଟ, ଫେରୋସ୍କ୍ରାପ ନିଗମ ଲିମିଟେଡ, ନଗରନାର ଷ୍ଟିଲ ପ୍ଲାଣ୍ଟ ଏବଂ ବିଇଏମ୍ଏଲ୍ ରହିଛି। ସେହିଭଳି ଏଚ୍ଏଲ୍ଏଲ୍, ବିପିସିଏଲ୍, ଶପିଂ କର୍ପୋରେଶନ, କନକର, ନିଳାଚଳ ଇସ୍ପାତ, ହିନ୍ଦୁସ୍ତାନ ପ୍ରିଫାବ, ଭାରତ ପମ୍ପ ଏବଂ କମ୍ପ୍ରେସର, ସ୍କୁଟର ଇଣ୍ଡିଆ, ହିନ୍ଦୁସ୍ତାନ ନ୍ୟୁଜ ପ୍ରିଣ୍ଟ, କର୍ନାଟକ ଆଣ୍ଟିବାୟୋଟିକ ଫାର୍ମାସିଟିକାଲ, ବେଙ୍ଗଲ ଫାର୍ମାସିଟିକାଲ, ହିନ୍ଦୁସ୍ତାନ ଆଣ୍ଟି ବାୟୋଟିକ୍ସ, ହିନ୍ଦୁସ୍ତାନ ଟୁରିଜିମ ଡେଭଲପମେଣ୍ଟ କର୍ପୋରେଶନ ଏବଂ ହିନ୍ଦୁସ୍ତାନ ଫ୍ଲୋରା କାର୍ବନ ଲିମିଟେଡ ଭଳି କମ୍ପାନୀ ଏଥିରେ ସ୍ଥାନିତ ହୋଇଥିବା ସୂଚନା ରହିଛି।
