ପୋଲିସଙ୍କୁ ୫ ଘଣ୍ଟା ଅଟକ ରଖିବା ମାମଲା: ୧୯ ମହିଳାଙ୍କ ସମେତ ୨୭ଜଣ ଗଲେ ଜେଲ

ଗୋପ,୧୧।୮(ଡି.ଏନ.ଏ):  ପୁରୀ ଜିଲା ଗୋପ ଥାନା ଅନ୍ତର୍ଗତ ରେଢୁଆ ଗଁାରେ ଅଭିଯୁକ୍ତଙ୍କୁ ଧରିବାକୁ ଯାଇଥିବା ପୋଲିସଙ୍କୁ ଗ୍ରାମବାସୀ ୫ଘଣ୍ଟା ଅଟକ ରଖିବା ଅଭିଯୋଗରେ ୨୭ଜଣଙ୍କୁ ସୋମବାର ଗିରଫ କରାଯାଇ କୋର୍ଟଚାଲାଣ କରାଯାଇଛି। ଏମାନଙ୍କ ମଧ୍ୟରେ ୧୯ଜଣ ମହିଳା ଥିବା ଜଣାପଡ଼ିଛି। ଗିରଫ ଅଭିଯୁକ୍ତଙ୍କ ବିରୋଧରେ ୩୭୯, ୩୨୩, ୩୨୫, ୩୦୭ ଭଳି ୨୦ରୁ ଊର୍ଦ୍ଧ୍ୱ ଦଫା ଲଗାଯାଇଛି। ଏ ନେଇ ଏସ୍‌ପି ଅଖିଳେଶ୍ୱର ସିଂ ଗୋପ ଥାନାରେ ଖବରଦାତା ସମ୍ମଳନୀରେ ଏହା ଜଣାଇଛନ୍ତି। ହେଲେ ପୋଲିସର ଏଭଳି ଘରେ ପଶି ଜବରଦସ୍ତ ଉଠାଇ ନେବା ଘଟଣାକୁ ସାଧାରଣରେ ନାପସନ୍ଦ କରିବା ସହ ପୋଲିସ ଆଇନର ଅପବ୍ୟବହାର କରୁଛି ବୋଲି ଗ୍ରାମବାସୀ ଅଭିଯୋଗ କରିଛନ୍ତି।
ସୂଚନାଯୋଗ୍ୟ, ଏହି ଗଁାରେ କିଛିଦିନ ଧରି ଏକ ହନୁମାନ ମନ୍ଦିର ଜାଗାକୁ ନେଇ ବିବାଦ ଲାଗିରହିଥିଲା। ଗତ ୪ତାରିଖରେ ଗୋଟିଏ ଷଣ୍ଢ କୁଣ୍ଡା ଖାଇବାକୁ ନେଇ ପାଟିତୁଣ୍ଡ ହୋଇ ୨ଟି ଅଭିଯୋଗ ହୋଇଥିଲା। ପୋଲିସ ଏହି ଘଟଣାକୁ ଧ୍ୟାନ ନ ଦେଇ ଏକ ପାଇପ୍‌ ଚୋରିକୁ ନେଇ ୭ତାରିଖ ରାତ୍ର ପ୍ରାୟ ୧ଟାରେ ଗିରଫ ପାଇଁ ଗ୍ରାମକୁ ଯାଇଥିଲା। ମାତ୍ର କୌଣସି କାଗଜ ନ ଥାଇ ୨ଯୁବକଙ୍କୁ ଗିରଫ କରିବା ବେଳେ ମହିଳାଙ୍କୁ ଅସଦାଚରଣ, ଘରଦ୍ୱାର ଭାଙ୍ଗିବାରୁ ଗ୍ରାମବାସୀ ପୋଲିସଙ୍କୁ ଦୀର୍ଘ ୫ଘଣ୍ଟା ଧରି ଅଟକ ରଖିଥିଲେ। ସକାଳୁ ନିମାପଡ଼ା ଡିଏସ୍‌ପି ପି.କେ ଦଳେଇ ଗାଁରେ ପହଞ୍ଚତ୍ ଉତ୍ତ୍ୟକ୍ତ ଲୋକଙ୍କୁ ବୁଝାଶୁଝା କରିବା ପରେ ଅଟକ ପୋଲିସ ମୁକୁଳିଥିଲେ। ଏହି ଘଟଣାକୁ ନେଇ ଗୋପ ଥାନାର ଏଏସ୍‌ଆଇ ଗଙ୍ଗାଧର ସେଠୀ ନିଜଆଡୁ ଏକ ମାମଲା ନଂ. ୨୧୨/୨୦ ରୁଜୁ କରିଥିଲେ। ଏ ନେଇ ପୋଲିସ ସୋମବାର ଭୋର ସମୟରେ ଉକ୍ତ ଗାଁରେ ପଶି ୧୯ ମହିଳା, ୯ ଜଣ ପୁରୁଷଙ୍କୁ ଉଠାଇ ଆଣି ଗୋପ ଥାନାକୁ ନ ଆଣି ରାମଚଣ୍ଡୀ ଥାନାକୁ ନେଇ କୋର୍ଟ ଚାଲାଣ କରିଥିଲା। ସମସ୍ତଙ୍କୁ କୋର୍ଟ ଚାଲାଣ କରିବା ପରେ କୋର୍ଟ ଜେଲ ହାଜତକୁ ପଠାଇ ଦେଇଥିବା ଜଣାପଡିଛି। ତେବେ ଘଟଣାର ୨ଦିନ ପରେ ହଠାତ୍‌ ଏଭଳି ଅଚାନକ ବିନା ପଚରାଉଚରା କରି ମିଥ୍ୟାରେ ନେଇଯିବାକୁ ଲୋକେ ସହଜରେ ଗ୍ରହଣ କରିପାରୁ ନାହାନ୍ତି। ଏହି ଘଟଣାର ଠିକ୍‌ ତଦନ୍ତ କରି କାର୍ଯ୍ୟାନୁଷ୍ଠାନ ନେବା ପାଇଁ ଗ୍ରାମବାସୀ ଏସ୍‌ପିଙ୍କୁ ନିବେଦନ କରିଛନ୍ତି। ଅନ୍ୟପଟେ ଗ୍ରାମରେ ମହିଳାମାନଙ୍କୁ ନେଇଯିବା ପରେ ଛୋଟ ପିଲାମାନେ ସେମାନଙ୍କ ଫେରିବା ବାଟକୁ ଚାହିଁ ରହିଛନ୍ତି। ଏ ସମ୍ପର୍କରେ ନିମାପଡ଼ା ଡିଏସ୍‌ପି ପି.କେ. ଦଳେଇଙ୍କୁ ପଚାରିବାରୁ ଏହି କଥାକୁ ଏଡ଼ାଇ ଦେଇ କହିଛନ୍ତି, ଆଇନ ସମସ୍ତ ଲାଗି ସମାନ। ଆଇନକୁ ହାତକୁ ନେବା ଉଚିତ୍‌ ନୁହେଁ, ବରଂ ସମସ୍ତେ ସମ୍ମାନ ଦେବା କଥା। ଏ ନେଇ ଏସ୍‌ପି ସିଂ କୁହନ୍ତି, ପୋଲିସ ସେଦିନ ଅଭିଯୁକ୍ତଙ୍କୁ ଗିରଫ ପାଇଁ ଯାଇଥିବାବେଳେ ଗ୍ରାମବାସୀ ପ୍ରତିବନ୍ଧକ ସାଜିଥିଲେ। ଫଳରେ ପୋଲିସ ବାଧ୍ୟ ହୋଇ ମାମଲା ରୁଜୁ କରି ଗିରଫ କରିଥିବାବେଳେ ଆଉ କେତେଜଣ ଫେରାର ଅଛନ୍ତି।


Enter your email to get our daily news in your inbox.

All Right Reserved By Dharitri.Com

ବେପରୁଆ ଗାଡି ଚାଳକଙ୍କୁ ଧରି ଥାନା ଜିମାଦେଲେ ଲୋକେ

ଲାଠୋର, ୨୬ା୨(ଡି.ଏନ.ଏ.): ବଲାଙ୍ଗୀର ଜିଲା ଲାଠୋର ଥାନା ସଦର ଗ୍ରାମ ଲାଠୋରରେ ବୁଧବାର ବେପରୁଆ ଗାଡି ଚାଳନା କରୁଥିବା ଜଣେ ଚାଳକଙ୍କୁ ଆମ୍ବେଦକର କଲୋନୀର ଯୁବକମାନେ...

ଲଘୁଚାପ ବର୍ଷା : ବଜାର ଅଞ୍ଚଳରେ ଆଣ୍ଠୁଏ ପାଣି

ତେଲକୋଇ, ୭।୭(ଡି.ଏନ.ଏ.)-ତେଲକୋଇ ଅଞ୍ଚଳରେ ବର୍ଷା ଯୋଗୁ ବଜାର ଅଞ୍ଚଳ ରାସ୍ତାରେ ୨ଫୁଟ ପାଣି କେନାଲ ସଦୃଶ ହୋଇଛି। ଡ୍ରେନ ସମସ୍ୟା ଲାଗି ବଜାର ଅଞ୍ଚଳରେ କୁଢ...

ସାକାର ହେଉନି ସେତୁ ସ୍ବପ୍ନ

(ସଚ୍ଚିଦାନନ୍ଦ ପ୍ରଧାନ) କଣିହାଁ ,୨୩।୧୨ – ଟିକିରା ନଦୀରେ ସେତୁଟିଏ ପାଇଁ ବର୍ଷ ବର୍ଷ ଧରି ଲୋକେ ଦାବି କରିଆସୁଥିଲେ। ଜିଲା ଖଣିଜ ପାଣ୍ଠିରୁ ୧୪...

ପୁଣି କୂଳ ଲଙ୍ଘିଲା, ୩ ଘର ଭାଙ୍ଗିଲା

ଗୋପାଳପୁର,୧୨ା୭:ଗତ କିଛି ବର୍ଷ ଧରି ଗଞ୍ଜାମ ଜିଲା ଗୋଳନ୍ଥରା ଥାନା ରାମେୟାପାଟଣା ଗ୍ରାମରେ ସମୁଦ୍ର ଜୁଆର ମାଡ଼ିଆସି ବହୁ ଧନ ସମ୍ପତ୍ତି ନଷ୍ଟ କରୁଛି। ଗତ...

‘ଅଣ୍ଡା, ଚାଉଳ ଫେରାଇ ନିଅ, ସ୍କୁଲ ଚାଲୁ କର’

ଭୋଗରାଇ, ୯।୧୧(ଡି.ଏନ.ଏ.)-ପ୍ରାଥମିକ ବିଦ୍ୟାଳୟ ଖୋଲିବା ଦାବିରେ ବାଲେଶ୍ୱର ଜିଲା ଭୋଗରାଇ ବ୍ଲକ ସମ୍ମୁଖରେ ସୋମବାର ବାରବାଟିଆ ଆଦିବାସୀ ପ୍ରାଥମିକ ବିଦ୍ୟାଳୟ ଓ ଘଣ୍ଟିଲୋଡ଼ି ପ୍ରାଥମିକ ବିଦ୍ୟାଳୟର...

ଫୋନ୍‌ କଲ୍‌ରେ ବିଡିଓଙ୍କ ପରିଚୟ ଦେଇ ଲୁଟିନେଲେ ୩୭ହଜାର

ଗୁଡାରି,୬ା୨: ମୁଁ ଗୁଡାରି ବିଡିଓ କହୁଛି। ଆପଣଙ୍କ ବ୍ୟାଙ୍କ ଖାତାକୁ କରୋନାର ମାସ୍କ କିଣା ଏବଂ ସାନିଟାଇଜର ବାବଦକୁ ଟଙ୍କା ଯିବ। ଶୀଘ୍ର ଏଟିଏମ୍‌ କାର୍ଡ...

କାଳିଆ ଯୋଜନାରୁ ବାଦ୍‌ ପଡ଼ିବେ ଅଯୋଗ୍ୟ ହିତାଧିକାରୀ

ତିହିଡ଼ି, ୬।୮ (ଡି.ଏନ.ଏ.) – ଭଦ୍ରକ ଜିଲା ତିହିଡ଼ି ବ୍ଲକର ବିଭିନ୍ନ ପଞ୍ଚାୟତରେ କାଳିଆ ଯୋଜନାରେ ବହୁ ଅଯୋଗ୍ୟ ହିତାଧିକାରୀ ସାମିଲ ହୋଇଛନ୍ତି। ସେମାନେ ପ୍ରଥମ...

ବିବାହ ପ୍ରତିଶ୍ରୁତି ଦେଇ ପ୍ରତାରଣା: ଅଭିଯୁକ୍ତ ଗିରଫ

ରୂପ୍‌ସା,୧୨।୬(ଡି.ଏନ.ଏ.): ବାଲେଶ୍ୱର ଜିଲା ରୂପ୍‌ସା ଥାନା ଅଧୀନ ଏକ ଗ୍ରାମର ଜଣେ ନାବାଳିକାଙ୍କୁ ତାଙ୍କର ଜଣେ ଦୂର ସମ୍ପର୍କୀୟ ବିବାହର ପ୍ରତିଶ୍ରୁତିି ଦେଇ ପ୍ରତାରଣା କରିଥିବା...

Advertisement


Archives

Model This Week