ଉଦଳା, ୧୮ା୬(ସନ୍ତୋଷ କୁମାର ବାଚ୍ଛିନୀ) ଦିବ୍ୟାଙ୍ଗମାନଙ୍କୁ ସମସ୍ତ ପ୍ରକାର ସରକାରୀ ସହାୟତା ଯୋଗାଇ ଦେବାକୁ ସରକାରଙ୍କ ପକ୍ଷରୁ ଅନେକ ଯୋଜନା କରାଯାଇଛି। ମୁଖ୍ୟତଃ ଦିବ୍ୟାଙ୍ଗମାନଙ୍କୁ ପଞ୍ଚାୟତରେ ଭତ୍ତା ପ୍ରଦାନ କରାଯିବାକୁ ବ୍ୟବସ୍ଥା ରହିଛି। ହେଲେ ଭତ୍ତା ପାଇଁ ଜଣେ ଦିବ୍ୟାଙ୍ଗଙ୍କୁ ୨୦ କିଲୋମିଟର ଯିବାକୁ ପଡ଼ିଛି। ସକାଳ ୮ଟା ବେଳକୁ ପ୍ରବଳ ଖରା ସାଙ୍ଗକୁ ଅସହ୍ୟ ତାତି। ଏଭଳି ସ୍ଥିତିରେ ଘରୁ ବାହାରକୁ ଯିବା କଷ୍ଟକର ହୋଇଥିବା ବେଳେ ଦିବ୍ୟାଙ୍ଗ ଜଣକ ଭତ୍ତା ଆଣିବାକୁ ୨୦ କିଲୋମିଟର ଦୂର ବ୍ୟାଙ୍କକୁ ଯାଇଥିଲେ। ଦିବ୍ୟାଙ୍ଗ ହିତାଧିକାରୀ ଜଣକ ହେଲେ ଉଦଳା ବ୍ଲକ ଅଧୀନ ଶ୍ରୀଦାମଚନ୍ଦ୍ରପୁର ପଞ୍ଚାୟତ ଦଶରାପଦା ଗ୍ରାମର ଧିରାଇ ମୁର୍ମୁ।
ଭାବେ ଚାଲିବାକୁ ସକ୍ଷମ ନ ଥିବା ଧିରାଇ ଶନିବାର ଆଶାବାଡ଼ି ଧରି ଭତ୍ତା ଆଣିବାକୁ ବାହାରିଥିଲେ। ଘର ପାଖରୁ କିଛି ବାଟ ଚାଲି ଚାଲି ଯିବା ପରେ ଗାଡ଼ିରେ ଉଦଳା ପର୍ଯ୍ୟନ୍ତ ଯାଇଥିଲେ। ସେଠାରୁ ପ୍ରାୟ ଅଧା କିଲୋମିଟର ଚାଲି ଚାଲି ଯାଇ ବ୍ୟାଙ୍କରେ ପହଞ୍ଚତ୍ଥିଲେ। ଉଦଳା କଚେରୀ ପରିସର ଦେଇ ଗଲେ ଉକ୍ତ ବ୍ୟାଙ୍କ ପଡୁଥିବା ବେଳେ ଡହଡହ ଖରାରେ ଏତେ ଦୂରକୁ ଆସି ଥକି ପଡ଼ିଥିବା ଧିରାଇ ସେଠାରେ ଥିବା ଏକ ଗଛ ତଳେ ବସି ପଡ଼ିଥିଲେ। ତାଙ୍କ କହିବା ଅନୁଯାୟୀ, ସେ ମାସକୁ ୭ଶହ ଟଙ୍କା ଭତ୍ତା ପାଆନ୍ତି। କିନ୍ତୁ ଗତ ୩ ମାସ ହେବ ତାଙ୍କୁ ଭତ୍ତା ମିଳିନାହିଁ। ଏ ବାବଦରେ ସେ ବାରମ୍ବାର ଯାଇ ପଞ୍ଚାୟତ କାର୍ଯ୍ୟାଳୟରେ ପଚାରିଥିଲେ। ତାଙ୍କ ବ୍ୟାଙ୍କ ଖାତାକୁ ଟଙ୍କା ଯାଉଥିବା ପଞ୍ଚାୟତ ଅଧିକାରୀ କହିଥିଲେ। ନିଜର ଆର୍ଥତ୍କ ସ୍ଥିତି ସ୍ବଚ୍ଛଳ ନ ଥିବାବେଳେ ଭତ୍ତା ଟଙ୍କା ଭରସା। ଏଣୁ ଏଭଳି ଖରା ତାତିରେ ବି ଆଶାବାଡ଼ି ସାହାରା ନେଇ ବ୍ୟାଙ୍କକୁ ଯାଇ ଭତ୍ତା ଆଣିଛନ୍ତି। ଏହା ତାଙ୍କୁ ବହୁ କଷ୍ଟ ଦେଇଥିବା ସେ କହିଛନ୍ତି। ଏ ସମ୍ପର୍କରେ ବ୍ଲକ ଚେୟାରମ୍ୟାନ ମଞ୍ଜୁଲତା ବିଶ୍ୱାଳଙ୍କୁ ଯୋଗାଯୋଗ କରିବାରୁ କହିଛନ୍ତି, ଜିଲାପାଳଙ୍କ ନିର୍ଦ୍ଦେଶକ୍ରମେ ପଞ୍ଚାୟତ ଅଫିସ୍ ନିକଟରେ ଦିବ୍ୟାଙ୍ଗମାନଙ୍କୁ ଭତ୍ତା ଦିଆଯିବା କଥା। ଏଭଳି ଘଟଣା ନଜରକୁ ଆସିନାହିଁ। ତେବେ ଆସନ୍ତା ମାସଠାରୁ ତାଙ୍କୁ ପଞ୍ଚାୟତ କାର୍ଯ୍ୟାଳୟରେ ଭତ୍ତା ଦିଆଯିବ।
