ନୟାଗଡ଼/ନୂଆଗାଁ,୪।୨(ଲୋକନାଥ ମିଶ୍ର/ଧନେଶ୍ୱର ସାହୁ)ନୟାଗଡ଼ ଜିଲା ନୂଆଗାଁ ବ୍ଲକ ମୁଦୁରାଙ୍ଗରେ ଏକ ଗୋ ଫାର୍ମରେ ୨ ଗୋରୁଙ୍କ ମୃତ୍ୟୁ ଓ ୩୦ ଗାଈ ଅସୁସ୍ଥ ହେବା ପରେ ଗୋଚାଷୀ ଚିନ୍ତିତ ହୋଇ ପଡ଼ିଛନ୍ତି। ପ୍ରାଣୀ ବିଭାଗ ଡାକ୍ତରମାନେ ସମୂହ ଛୁଟିରେ ଯାଇ ଆନ୍ଦୋଳନରେ ସାମିଲ ହୋଇଥିବାରୁ ଗୋରୁ ସେବା ନ ପାଇ ପ୍ରାଣ ହରାଉଥିବା ଅଭିଯୋଗ ହୋଇଛି। ଅନ୍ୟପକ୍ଷେ ସ୍ଥାନୀୟ ପ୍ରାଣୀଧନ ନିରୀକ୍ଷକ(ଏଲ୍ଆଇ) ଅସୁସ୍ଥ ଗୋରୁଙ୍କୁ ଚିକିତ୍ସା ଦେଇଥିଲେ ହେଁ ୨ ଟି ଗୋରୁ ମୃତ୍ୟୁ ପରେ ଚାଷୀଙ୍କ ଅସନ୍ତୋଷ ଓ ଉଦ୍ବେଗ ବଢ଼ିଛି। ଏଲ୍ଆଇ ଅସୁସ୍ଥ ଗୋରୁଙ୍କ ରୋଗ ଜାଣି ପାରୁ ନ ଥିବାରୁ ଗୋଟିଏ ପରେ ଗୋଟିଏ ଗୋରୁ ପ୍ରାଣ ହରାଇ ଚାଲିଛନ୍ତି। ଏଭଳିସ୍ଥଳେ ନୟାଗଡ଼ ଜିଲା ମୁଖ୍ୟ ପ୍ରାଣୀ ଚିକିତ୍ସାଧିକାରୀ(ସିଡିଭିଓ)ଙ୍କ କାର୍ଯ୍ୟାଳୟ ସମ୍ମୁଖରେ ଗୋଚାଷୀ ମୃତ ଗାଈକୁ ଗାଡ଼ିରେ ରଖି ଶନିବାର ଅପରାହ୍ନରୁ ଧାରଣା ଦେଇଥିଲେ। ଅସୁସ୍ଥ ଗୋରୁଙ୍କୁ ଦେଖିବାକୁ ସିଡିଭିଓ ଯିବା ପରେ ଚାଷୀ ଧାରଣାରୁ ଉଠି ମୃତ ଗାଈକୁ ନେଇ ଗଁାକୁ ଫେରିଛି।
ମୁଦୁରାଙ୍ଗ ଗଁାର ଇସାକ୍ ଖଁା ଏକ ଗାଈ ଫାର୍ମ କରିଛନ୍ତି। ତାଙ୍କର ଗୋ ଫାର୍ମରେ ଗିର ଗାଈ ୧ଟି, ସାଇୱାଲ ୨ଟି, ୭ଟି ହଲେଷ୍ଟନ, ୩୦ ଜର୍ସି ଏପରି ୪୦ ଗାଈ ଅଛନ୍ତି। ଗତ ୩୧ ତାରିଖରେ ତାଙ୍କର ଏକ ଜର୍ସି ଗାଈର ମୃତ୍ୟୁ ହୋଇଛି। ସେହିପରି ଶନିବାର ଆଉ ଏକ ଜର୍ସି ଗାଈ ମରିଛି। ୨ ଗାଈଙ୍କ ମୃତ୍ୟୁ ପରେ ୩୮ ଗାଈରୁ ୩୦ ଗାଈ ଅସୁସ୍ଥ ହୋଇ ପଡିଛନ୍ତି। ୨ ଗାଈଙ୍କ ମୃତ୍ୟୁ ଓ ୩୦ ଗାଈ ଅସୁସ୍ଥ ହେବା ପରେ ଇସାକ୍ ଖଁା ଭୟଭୀତ ହୋଇ ପଡ଼ିଛନ୍ତି। ଗାଈମାନଙ୍କୁ ବଞ୍ଚାଇବାକୁ ଉଦ୍ୟମ ଆରମ୍ଭ କରିଛନ୍ତି। ଏ ନେଇ ମୁଦୁରାଙ୍ଗ ଗଁାର ଗୋ ଚାଷୀ ଇସାକ୍ ଖଁା କୁହନ୍ତି, ଜଣେ ମୁସଲମାନ ହେଲେ ବି ଗାଈ ପାଳନ କରି ଖୁସି ପାଏ। ଗୋରୁମାନଙ୍କ ସେବା ପାଇଁ ୪ଜଣଙ୍କୁ ନିୟୋଜିତ କରିଥିଲେ ହେଁ ନିଜେ ସେମାନଙ୍କର ସବୁ କିଛି ଦେଖାଶୁଣା କରେ। ମୋର ଗାଈଗୁଡ଼ିକ ଅସୁସ୍ଥ ହେବା ପରେ ସେବା ପାଉନାହିଁ। ପ୍ରାଣୀଧନ ଚିକିତ୍ସକମାନେ ଧାରଣାରେ ଥିବାରୁ ଜଣେ ଏଲ୍ଆଇ ଆସି ଯେଉଁ ଚିକିତ୍ସା କଲେ ସେଥିରୁ ଲାଭ କିଛି ହେଲାନି। ମୋ ଗାଈର ରୋଗ କ’ଣ ହୋଇଛି ଏଲଆଇ ଜାଣି ପାରିଲେ ନାହିଁ। ରୋଗ କ’ଣ ଜାଣି ନ ପାରିବାରୁ ଦୁଇଟି ଯାକ ଗୋରୁ ଚିକିତ୍ସା ନ ପାଇ ପ୍ରାଣ ହରାଇଲେ। ମୃତ ଦୁଇଟି ଯାକ ଗୋରୁ ଜସିର୍ର୍। ପ୍ରଥମ ଗାଈଟି ୧୭ ଲିଟର କ୍ଷୀର ଦେଉଥିବାବେଳେ ୨ୟ ଗାଈଟି ୧୫ ଲିଟର କ୍ଷୀର ଦେଉଥିଲା। ଅସୁସ୍ଥ ୩୦ ଗାଈଙ୍କର ଏବେ କ୍ଷୀର କମି ଯାଇଛି। ପ୍ରତ୍ୟେହ ୧୮୦ ଲିଟର ସ୍ଥାନରେ ଏବେ ୬୦ ଲିଟର କ୍ଷୀର ପାଉଛି। ୨ ଗାଈ ମୃତ୍ୟୁ ଓ ୩୦ ଅସୁସ୍ଥ ନେଇ ସିଡିଭିଓଙ୍କୁ ଅବଗତ କରାଇଲି। ହେଲେ ସେ କିଛି ବ୍ୟବସ୍ଥା କଲେ ନାହିଁ। ପ୍ରାଣୀ ଚିକିତ୍ସକ ଆନ୍ଦୋଳନରେ ଅଛି ଚୁପ ହୋଇଗଲେ ମୁଁ କିପରି ମୋ ଗାଈଙ୍କୁ ବଞ୍ଚାଇବି। ଏଣୁ ମୃତ ମୃତ ଗାଈକୁ ନେଇ ସିଡିଭିଓଙ୍କ କାର୍ଯ୍ୟାଳୟ ସମ୍ମୁଖରେ ରଖି ଶନିବାର ଧାରଣା ଦେଇଥିଲି। ଶେଷର ସିଡିଭିଓ ଅସୁସ୍ଥ ଗୋରୁଙ୍କୁ ଦେଖିବାକୁ ଯିବାକୁ କହିବାରୁ ଧାରଣାରୁ ଉଠି ଘରକୁ ଫେରିଛି। ସିଡିଭିଓ ପ୍ରଶାନ୍ତ କୁମାର ମିଶ୍ରଙ୍କୁ ପଚାରିବାରେ ଚିକିତ୍ସା ଅବହେଳାରୁ ଗୋରୁ ମୃତ୍ୟୁ ଅଭିଯୋଗ ଠିକ ନୁହେଁ। ୨ ଗାଈଙ୍କ ମୃତ୍ୟୁ ହୋଇଛି। ଏହାର କାରଣ ବ୍ୟବଚ୍ଛେଦ ରିପୋର୍ଟରୁ ଜଣାପଡ଼ିବ। ଅନ୍ୟପକ୍ଷେ ନିଜେ ଅସୁସ୍ଥ ଗୋରୁଙ୍କୁ ଦେଖିବାକୁ ଯାଉଛି। ଏଲ୍ଆଇଙ୍କ ସୂଚନା ଅନୁସାରେ ଗୋରୁମାନେ ଅଧିକ ପରିମାଣର ଖାଦ୍ୟ ଖାଇବା ଓ ଠିକ୍ ଭାବେ ଜୀଣ୍ଣ ନ ହେବାରୁ ଅସୁସ୍ଥ ହୋଇ ପଡ଼ିଥିଲେ। ଔଷଧ ଦେଲା ପରେ ସୁସ୍ଥ ହେଉଛନ୍ତି। ତେବେ ଯେଉଁ ଚାଷୀଙ୍କର ୨ ଗାଈ ପ୍ରାଣ ହରାଇଲେଣି ତାଙ୍କୁ ଭୟ ଘାରିବା ସ୍ବାଭାବିକ ବୋଲି ସେ କହିଛନ୍ତି।
