ଲଟେରି ଏମିତି ଏକ ଖେଳ ଯେଉଁଥିରେ କାହାର ଭାଗ୍ୟ ରାତାରାତି ବଦଳି ଯାଏ ତ ଆଉ କାହାର ସର୍ବସ୍ବ ହାନି ହୋଇଥାଏ। ଏମିତି ଏକ ଦୁର୍ଭାଗ୍ୟଜନକ ଘଟଣା ଘଟିଛି ଜଣେ ମହିଳାଙ୍କ ସହିତ। ମହିଳା ଜଣକ ୧୯୦ କୋଟି ଟଙ୍କାର ଲଟେରି ଜିତିଥିଲେ। ମାତ୍ର ଗୋଟିଏ ଭୁଲ ପାଇଁ ଏହି ଟଙ୍କା ତାଙ୍କୁ ମିଳିଲା ନାହିଁ।
ଏପରି ଘଟଣା ଆମେରିକାର କାଲିଫର୍ନିଆରେ ଦେଖିବାକୁ ମିଳିଛି। ଏଠାକାର ଜଣେ ମହିଳା ଏକ ଲଟେରି ଟିକେଟ କିଣିଥିଲେ। ଏହି ଟିକେଟରେ ସେ ୨୬ ମିଲିୟନ ଅର୍ଥାତ୍ ପ୍ରାୟ ୧୯୦ କୋଟି ଟଙ୍କାର ପୁରସ୍କାର ଜିତିଥିଲେ। ଏଥିରେ ଟଙ୍କା ନେବାର ତାରିଖ ମଧ୍ୟ ଲେଖାଥିଲା। ମାତ୍ର ଲଟେରି ଉଠିବା ଦିନ କେହି ପହଞ୍ଚିଲେ ନାହିଁ। ଯେତେବେଳେ ମହିଳା ଏ ବିଷୟରେ ଜାଣିଲେ ସେତେବେଳେ ଲଟେରି ଉଠୁଥିବା ସ୍ଥାନରେ ପହଞ୍ଚିଲେ। ଟିକେଟିକୁ ମ୍ୟାନେଜରଙ୍କୁ ଦେଖାଇବାରୁ ସେ ଆଶ୍ଚର୍ଯ୍ୟ ହୋଇଥିଲେ। କାରଣ ଏଥିରେ ଥିବା ନମ୍ବର ଲିଭି ଯାଇଥିଲା। କାରଣ ମହିଳା ଜଣକ ଭୁଲରେ ପୋଷାକପତ୍ର ଲଣ୍ଡେରିକୁ ଦେବା ସମୟରେ ଟିକେଟ ମଧ୍ୟ ଦେଇ ଦେଇଥିଲେ। ଫଳରେ ଟିକେଟଟି ଖରାପ ହୋଇଯାଇଥିଲା। ଯେଉଁଥିପାଇଁ ତାଙ୍କୁ ଟଙ୍କା ମିଳିଲା ନାହିଁ।
