ଗଞ୍ଜାମ,୨୦।୯(ବିଦ୍ୟାଧର ସାହୁ ): ଗଞ୍ଜାମ ଥାନାକୁ ମିଳିଛି ବଡ଼ ସଫଳତା l ମହିଳା ଥାନା ଅଧିକାରୀ ଆଇଆଇସି ସୁମିତ୍ରା ପାତ୍ର ଦାୟିତ୍ୱ ଗ୍ରହଣ ଠାରୁ ପ୍ରଥମରୁ ଆକ୍ସନ ମୁଡ଼ରେ ଥିବା ଦେଖିବାକୁ ମିଳିଛି l ପ୍ରଥମେ ଜୁଆ ଆଡ୍ଡାରେ ଚଢ଼ାଉ କରିଛନ୍ତି l ଆଇଆଇସିଙ୍କ ନେତୃତ୍ୱରେ ବଡ଼ କାଇଁଚପୁର ଗ୍ରାମ ଶେଷରେ ବହୁ ବର୍ଷ ଧରି ଚାଲିଥିବା ଜୁଆ ଆଡ୍ଡାରେ ଚଢ଼ାଉ କରାଯାଇଛି l ଉକ୍ତ ଜୁଆଆଡ୍ଡାରୁ ୧୨ଜଣ ବ୍ୟକ୍ତିଙ୍କୁ ଗିରଫ କରାଯିବା ସହ ସେମାନଙ୍କ ଠାରୁ ୪ଟି ବାଇକ, ୧୦ଟି ଦାମୀ ମୋବାଇଲ ଫୋନ ଏବଂ ୭୭ ହଜାର ଟଙ୍କା ଜବତ କରାଯାଇଥିବା ଥାନା ଅଧିକାରୀ ଗଣମାଧ୍ୟମକୁ ସୂଚନା ଦେଇଛନ୍ତି l ସାନ କାଇଁଚପୁର ଓ ବଡ଼ କଇଁଚପୁର ମଝିରେ ଏକ ଶୀତତାପ ନିୟନ୍ତ୍ରଣ କୋଠରୀରେ ଦୀର୍ଘ ବର୍ଷ ହେବ ଜୁଆ ଆଡ୍ଡା ଚାଲିଥିଲା l କୌଣସି ସୂତ୍ରରୁ ଖବର ପାଇ ଗଞ୍ଜାମ ଥାନା ପୋଲିସ ଚଢ଼ାଉ କରି ସଫଳତା ହାସଲ କରିଥିବା ବେଳେ ନୂତନ ଆଇଆଇସିଙ୍କ କାର୍ଯ୍ୟଶୈଳୀକୁ ସହର ତଥା ଅଞ୍ଚଳବାସୀ ଉଚ୍ଚ ପ୍ରଶଂସା କରିଛନ୍ତି l ଚଢ଼ାଉ ବେଳେ ଥାନା ଏଏସଆଇ ଜି ଅନନ୍ତ ରାଓ, ସୁମୁନାଥରେ ସମେତ ଅନ୍ୟାନ୍ୟ ପୋଲିସ କର୍ମଚାରୀ ଉପସ୍ଥିତ ଥିଲେ l
