ଅଟାଓ୍ବା/ନ୍ୟୁୟର୍କ,୯ା୬: କାନାଡା ଜଙ୍ଗଲରେ ଭୟାବହ ଅଗ୍ନିକାଣ୍ଡ ଘଟିଛି। ଏଥିରେ କାନାଡା ଓ ଆମେରିକାର ଅନୂ୍ୟନ ୧୦ କୋଟି ଲୋକ ପ୍ରଭାବିତ ହୋଇଛନ୍ତି। ୩.୮ ନିୟୁତ ହେକ୍ଟରରୁ ଊର୍ଦ୍ଧ୍ୱ ଅଞ୍ଚଳ(ନ୍ୟୁଜର୍ସି ଆକୃତିର ପ୍ରାୟ ଦୁଇଗୁଣା)କୁ ନିଅଁା ମାଡ଼ିଥିବା କାନାଡିଆନ୍ ନ୍ୟାଶନାଲ ଫାୟାର ଡେଟାବେସ୍ ପକ୍ଷରୁ କୁହାଯାଇଛି। କେବଳ କାନାଡାରେ ୨୦,୦୦୦ରୁ ଊର୍ଦ୍ଧ୍ୱ ଲୋକ ବାସଚ୍ୟୁତ ହେଲେଣି। କ୍ୟୁବେକ୍ର ସର୍ବାଧିକ ୧୫୦ ସ୍ଥାନରେ ନିଅଁା ଲାଗିଥିବାରୁ ନ୍ୟୁୟର୍କରେ ପ୍ରଦୂଷଣ ପାଇଁ ଏହି ସହରକୁ ଦାୟୀ କରାଯାଉଛି। ବୁଧବାର ଅପରାହ୍ଣରେ ନ୍ୟୁୟର୍କ ସିଟି ବିଶ୍ୱର ସବୁଠୁ ପ୍ରଦୂଷିତ ସହର ପାଲଟିଥିଲା। ନିଜ ନୀଳ ଆକାଶ ପାଇଁ ଜଣାଶୁଣା ନ୍ୟୁୟର୍କ ସହର ଏଥିଲାଗି ଆକର୍ଷଣ ହରାଇବସିଛି। ମାନ୍ହାଟ୍ଟନ୍ର ନଭଶ୍ଚୁମ୍ବୀ ଅଟ୍ଟାଳିକାଗୁଡ଼ିକ ଉପରେ ହଳଦିଆ ରଙ୍ଗର ବହଳିଆ ଧୂଅଁା ଆଚ୍ଛାଦିତ ହୋଇରହିଛି। ଫଳରେ ବିମାନ ଚଳାଚଳ ବିଳମ୍ବିତ ହୋଇଛି। ଅନେକ କ୍ରୀଡ଼ା କାର୍ଯ୍ୟକ୍ରମକୁ ସ୍ଥଗିତ ରଖାଯାଇଛି। ଆମେରିକା ରାଷ୍ଟ୍ରପତି ଜୋ ବାଇଡେନ୍ ଏନେଇ କାନାଡା ପ୍ରଧାନମନ୍ତ୍ରୀ ଜଷ୍ଟିନ୍ ଟ୍ରୁଡୋଙ୍କ ସହ ଫୋନ୍ରେ ଆଲୋଚନା କରିଛନ୍ତି। ନିଅଁା ଲିଭାଇବା ପାଇଁ ଅତିରିକ୍ତ ସହାୟତା ଯୋଗାଇଦେବାକୁ ସେ ନିଜ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଥିବା ଟ୍ରୁଡୋଙ୍କୁ କହିଛନ୍ତି। ସହଯୋଗ ପାଇଁ ଟ୍ରୁଡୋ ବାଇଡେନ୍ଙ୍କୁ ଧନ୍ୟବାଦ ଦେଇଛନ୍ତି। ଇତିହାସର ସବୁଠୁ ଭୟଙ୍କର ବନାଗ୍ନି ଦେଇ କାନାଡା ଗତି କରୁଛି। ଏହା ଦୈନନ୍ଦିନ କାର୍ଯ୍ୟକଳାପ ଓ ଜୀବନ ଜୀବିକାକୁ ପ୍ରଭାବିତ କରି ବାୟୁ ଗୁଣବତ୍ତା ହ୍ରାସ କରିଛି ବୋଲି ଟ୍ରୁଡୋ କହିଛନ୍ତି।
