ଚାକିରି ଦେବା ନାଁରେ ଦେଢ଼ଲକ୍ଷ ଠକେଇ

ଭୁବନେଶ୍ୱର,୭।୯(ବ୍ୟୁରୋ): ଏମ୍‌ସରେ ଚାକିରି ପାଇଁ ଘର ବନ୍ଧା ପକାଇ ଦେଢ଼ ଲକ୍ଷ ଟଙ୍କା ଋଣ କରିଥିଲେ ଖୋର୍ଦ୍ଧା ଜିଲା ଜଙ୍କିଆ ଅଚ୍ୟୁତପୁର ଗ୍ରାମର କାର୍ତ୍ତିକ କୁମାର ସାହୁ। ହେଲେ ଟଙ୍କା ନେବା ପରେ ଠକ ଜଣକ ଚାକିରି ନ ଦେଇ ଲୋକ ପଠାଇ ମାଡ଼ ମାରିବା ସହ ଧମକ ଦେଲେ। ଏନେଇ ଅଭିଯୋଗ କରିଥିଲେ ମଧ୍ୟ ତମାଣ୍ଡୋ ପୋଲିସ ବର୍ଷେ ଧରି ବାରମ୍ବାର ଦୌଡ଼ାଇ ନିରାଶ କଲା। ଗୋଟିଏ ପଟେ ପୋଲିସର ନିର୍ଯାତନା ଓ ଅନ୍ୟପଟେ ଟଙ୍କା ଦେଇଥିବା ଲୋକଙ୍କ ତାଗିଦ୍‌ ସୀମା ଟପିଗଲା। ଶେଷରେ ଋଣଦାତା ଘରେ ପହଞ୍ଚି ପାଟିତୁଣ୍ଡ କରୁଥିବାବେଳେ କାର୍ତ୍ତିକଙ୍କ ବାପାଙ୍କର ହଠାତ୍‌ ହୃଦ୍‌ଘାତରେ ମୃତ୍ୟୁ ଘଟିଥିଲା। ଏ ପରିସ୍ଥିତିରେ ଏବେ କାର୍ତ୍ତିକ ମାନସିକ ଭାରସାମ୍ୟ ହରାଇଥିବାବେଳେ ଶେଷରେ ନ୍ୟାୟ ପାଇଁ ଖଣ୍ଡଗିରି ଥାନାର ଦ୍ୱାରସ୍ଥ ହୋଇଛନ୍ତି। ପୋଲିସ ଠକେଇ କରିଥିବା ତମାଣ୍ଡୋ ଅଞ୍ଚଳର ଜୟନ୍ତ ନାମକ ଜଣେ ବ୍ୟକ୍ତିଙ୍କ ବିରୋଧରେ ମାମଲା ରୁଜୁ କରିବା ସହ ତଦନ୍ତ ଆରମ୍ଭ କରିଛି।
ଅନୁଯାୟୀ, କାର୍ତ୍ତିକ ୨୦୧୮ରେ ଏମ୍‌ସରେ ଚାକିରି ପାଇଁ ଇଣ୍ଟରଭ୍ୟୁ ଦେବାକୁ ଆସିଥିଲେ। ସେହି ସମୟରେ ସିଜୁଆ ଗ୍ରାମବାସୀ ବାହାର ପିଲାଙ୍କୁ ସେଠାରେ ଚାକିରି ଦେବାକୁ ବିରୋଧ କରିଥିଲେ। ଫଳରେ କାର୍ତ୍ତିକ ଇଣ୍ଟରଭ୍ୟୁ ଦେଇ ନ ପାରି ନିରାଶରେ ବୁଲାବୁଲି କରୁଥିବାବେଳେ ଜୟନ୍ତଙ୍କ ସହ ଭେଟ ହୋଇଥିଲା। ଜୟନ୍ତ ତାଙ୍କୁ ନିରାଶ ନ ହେବାକୁ ପରାମର୍ଶ ଦେବା ସହ ସେ ନିଜେ ଏମ୍ସରେ ଚାକିରି କରୁଥିବାରୁ ବଡ଼ ବାବୁଙ୍କୁ କହି ୮ଦିନ ଭିତରେ ମେଡିକାଲ ଆଟେଣ୍ଡାଣ୍ଟ୍‌ ଚାକିରି କରାଇ ଦେବାକୁ ପ୍ରତିଶ୍ରୁତି ଦେଇଥିଲେ। ଏଥିପାଇଁ ଦେଢ ଲକ୍ଷ ଟଙ୍କା ଦେବାକୁ ହେବ ବୋଲି କହିଥିଲେ। ଶେଷରେ ଚାକିରି ଆଶାରେ କାର୍ତ୍ତିକ ରହୁଥିବା ଘରକୁ ବନ୍ଧା ପକାଇ ଦେଢ ଲକ୍ଷ ଟଙ୍କା ସଂଗ୍ରହ କରି ତାଙ୍କୁ ଦେଇଥିଲେ ମଧ୍ୟ ନିର୍ଦ୍ଧାରିତ ସମୟରେ ଚାକିରି ପାଇପାରି ନ ଥିଲେ। ବଡ଼ବାବୁ ୫ ଲକ୍ଷ ଟଙ୍କା ଚାହୁଁଥିବା ଜୟନ୍ତ କହିବା ସହ କାର୍ତ୍ତିକଙ୍କଠାରୁ ଆଉ କିଛି ଟଙ୍କା ନେଇ ଦୁଇଦିନ ସମୟ ଦେଇଥିଲେ। ହେଲେ ଏହା ପରେ ବି ଚାକିରି ମିଳି ନ ଥିଲା। ସାର୍‌ ଦିଲ୍ଲୀ ପଳାଇଲେ। ଆଉ ୨ ହଜାର ଟଙ୍କା ନେଲେ ଚାର୍ଜରେ ଥିବା ଅନ୍ୟ ଅଫିସରଙ୍କୁ ଦେଇ ନିଯୁକ୍ତି ଲେଟର ଆଣିବି ବୋଲି କହି କାର୍ତ୍ତିକ ତାଙ୍କୁ ଆଉ ୪ଦିନ ସମୟ ଦେଇଥିଲେ। ଉକ୍ତ ଦିନ କାର୍ତ୍ତିକ ପହଞ୍ଚତ୍ବା ପରେ ଜୟନ୍ତ ତାଙ୍କୁ ଏମ୍‌ସର ପଛ ଗେଟରେ ଛିଡା କରି ନିଯୁକ୍ତି ଲେଟର ଆଣି ଆସୁଛି କହି ଫେରାର ହୋଇଯାଇଥିଲେ। ବହୁ ସମୟ ପର୍ଯ୍ୟନ୍ତ କାର୍ତ୍ତିକ ସେଠାରେ ଅପେକ୍ଷା କରି ରହିଥିଲେ ମଧ୍ୟ ଜୟନ୍ତ ନ ଆସି ଲୋକଙ୍କୁ ପଠାଇ ମାଡ଼ ମାରି ଟଙ୍କା ନ ମାଗିବାକୁ ଧମକ ଦେଇଥିଲେ। ମାଡ଼ ଖାଇବା ପରେ କାର୍ତ୍ତିକ ରକ୍ତାକ୍ତ ଅବସ୍ଥାରେ ଘଟଣାସ୍ଥଳ ଛାଡ଼ି ଚାଲିଯାଉଥିବାବେଳେ ସ୍ଥାନୀୟ ଜଣେ ମହିଳା ଓ ଅନ୍ୟମାନେ ତାଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲେ।


Enter your email to get our daily news in your inbox.

All Right Reserved By Dharitri.Com

ଟ୍ରେଲର ଧକ୍କାରେ ପିକ୍‌ଅପ୍‌ ଚାଳକ, ହେଲପର ମୃତ

ନିରାକାରପୁର,୨୭ା୩(ମାନସ ଚନ୍ଦ୍ର ପଟ୍ଟନାୟକ): ଟ୍ରେଲର ଚାଳକଙ୍କ ବେପରୁଆ ଗାଡ଼ିଚାଳନା ଯୋଗୁ ପିକ୍‌ଅପ୍‌ ଚାଳକ ଓ ହେଲପର ଦୁଇଜଣଙ୍କର ଘଟଣାସ୍ଥଳରେ ମୃତ୍ୟୁ ହୋଇଛି। ମୃତ ଚାଳକ ଜଣକ...

ଅପରାଜିତାଙ୍କୁ ଅଟକାଇବାକୁ ବଡ଼ ଚାଲ୍ ଚଲାଇଲା ବିଜେଡି, ଏବେ କଠିନ ହୋଇପାରେ ବିଜୟ ରାସ୍ତା

ଭୁବନେଶ୍ୱର,୨୭।୩: ବିଧାନସଭା ଏବଂ ଲୋକ ସଭା ପାଇଁ ବିଜୁ ଜନତା ଦଳ(ବିଜେଡି) ପକ୍ଷରୁ ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କରାଯାଇଛି। ଏଥିରେ ୯ ଲୋକ...

ବିଜେଡିରେ ମିଶିଲେ ମନ୍ମଥ ରାଉତରାୟ, ଜଟଣୀ ଆସନରୁ ଲଢ଼ିବା ନେଇ ଚର୍ଚ୍ଚା !

ଭୁବନେଶ୍ୱର,୨୭।୩: ବରିଷ୍ଠ କଂଗ୍ରେସ ନେତା ସୁରେଶ କୁମାର ରାଉତରାୟଙ୍କ ସାନ ପୁଅ ମନ୍ମଥ ରାଉତରାୟ ବିଧିବଦ୍ଧ ଭାବେ ବିଜେଡିରେ ସାମିଲ ହୋଇଛନ୍ତି। ବୁଧବାର ଶଙ୍ଖ ଭବନରେ...

ପୁଅ ପାଇଁ ଅଣ୍ଟା ଭିଡ଼ିଲେ ସୁର

ଖୋର୍ଦ୍ଧା,୨୪ା୩(ପ୍ରଭାତ ପାଣିଗ୍ରାହୀ): ନିର୍ବାଚନ ବିଗୁଲ ବାଜି ସାରିଛି। ଏବେ ଭୋଟରମୁହାଁ ହେଲେଣି ନେତା। ଜନତାଙ୍କ ନିକଟତର ହେବାଲାଗି ଅଙ୍କକଷା ଆରମ୍ଭ ହୋଇଗଲାଣି। ପ୍ରଚାର ମଇଦାନରେ ନେତା।...

ପ୍ରସନ୍ନଙ୍କୁ ରଘୁ ସମର୍ଥକଙ୍କ ବିରୋଧ

ଖୋର୍ଦ୍ଧା,୨୩ା୩ (ପ୍ରଭାତ ପାଣିଗ୍ରାହୀ): ଆଗାମୀ ନିର୍ବାଚନ ପାଇଁ ତାରିଖ ଘୋଷଣା ହେବା ପରେ ରାଜନୈତିକ ଦଳଗୁଡ଼ିକ ମଧ୍ୟରେ ତତ୍ପରତା ପ୍ରକାଶ ପାଇଛି। ଖୋର୍ଦ୍ଧା ଜିଲା ଚିଲିକା...

ବିଜେଡିରେ ଅଧିକ ଆଶାୟୀ

ଗମ୍ଭାରୀମୁଣ୍ଡା,୧୯ା୩ (ଦିଲୀପ ସ୍ବାଇଁ):ଆଗାମୀ ନିର୍ବାଚନ ପାଇଁ ତାରିଖ ଘୋଷଣା ହୋଇଯାଇଛି। ଖୋର୍ଦ୍ଧା ଜିଲା ଚିଲିକା ବିଧାନସଭା ନିର୍ବାଚନମଣ୍ଡଳୀରେ ଶାସକ ଓ ବିରୋଧୀ ଦଳର ଏକାଧିକ ଆଶାୟୀ...

ପ୍ରୋତ୍ସାହନ ରାଶି ମିଳିବା ଦାବିରେ ଓ୍ବାର୍ଡସଭ୍ୟଙ୍କର ଭୋଟ୍‌ ବର୍ଜନ ଧମକ

ନିରାକାରପୁର,୧୬ା୩(ମାନସ ଚନ୍ଦ୍ର ପଟ୍ଟନାୟକ): ଆସନ୍ତା ସାଧାରଣ ନିର୍ବାଚନ ପୂର୍ବରୁ ଚଳିତମାସ ଗତ ୧୨ତାରିଖରେ ରାଜ୍ୟ ସରକାର ପଞ୍ଚାୟତିରାଜ ପ୍ରତିନିଧିମାନଙ୍କର ପାରିତୋଷିକ ଓ ଭତ୍ତା ବଢ଼ାଇଛନ୍ତି। ହେଲେ...

କାର୍ଯ୍ୟର ୧୦ଦିନ ପରେ ରାସ୍ତାରୁ ଉଠିଲା ପିଚୁ

ବେଗୁନିଆ,୧୫।୩(ହର ପ୍ରସନ୍ନ ପଣ୍ଡା): ପଥଚାରୀଙ୍କ ସୁରକ୍ଷିତ ଗମନାଗମନ ପାଇଁ ସରକାରଙ୍କ ପକ୍ଷରୁ ବହୁ ଯୋଜନାରେ ରାସ୍ତା ମରାମତି ଓ ନୂତନ ନିର୍ମାଣ କାର୍ଯ୍ୟ କରାଯାଉଛି। ହେଲେ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri