ଚେନ୍ନାଇ,୨୯।୧୦: ଗତ ଶୁକ୍ରବାର ତାମିଲନାଡୁର ତ୍ରିଚିରେ ଏକ ବୋରୱେଲ ଭିତରକୁ ଖସିପଡ଼ିଥିବା ୨ ବର୍ଷର ଶିଶୁ ସୁଜିତ ୱିଲଶନର ମୃତଦେହ ସୋମବାର ବିଳମ୍ବିତ ରାତିରେ ଉଦ୍ଧାର କରାଯାଇଛି। ୯୦ ଫୁଟ ତଳକୁ ଖସିପଡିଥିବା ସୁଜିତଙ୍କୁ ବୋରଓ୍ବେଲରୁ ଉଦ୍ଧାର କରିବା ପାଇଁ ଆପ୍ରାଣ ଉଦ୍ୟମ କରାଯାଇଥିଲେ ମଧ୍ୟ ଶେଷରେ ତାଙ୍କୁ ମୃତ ଭାବେ ଉଦ୍ଧାର କରାଯାଇଥିଲା। ସୂଚନାଯୋଗ୍ୟ, ଶୁକ୍ରବାର ସନ୍ଧ୍ୟା ୫ଟା ୩୦ରେ ଖେଳୁଥିବା ସମୟରେ ବୋରେଓୱଲ ଭିତରକୁ ଖସି ପଡ଼ିଛି। ଯାହାର ଗଭୀର ୭୦ ଫୁଟ ଥିଲା। ରାଜ୍ୟ ସରକାରଙ୍କ ତରଫରୁ ଉଦ୍ଧାର କାର୍ଯ୍ୟ ଚାଲିଥିଲା। ବୋରେଓୱଲ ନିକଟରେ ୧ ମିଟର ଓସାରର ଏକ ଗାତ ଖୋଳା ଯାଇଥିଲା। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, କଂଗ୍ରେସ ନେତା ରାହୁଲ ଗାନ୍ଧି, ସୁପରଷ୍ଟ୍ରାର ରଜନୀକାନ୍ତ, କମଲ ହାସନ ଭଳି ଦେଶର ପ୍ରମୁଖ ପ୍ରମୁଖ ବ୍ୟକ୍ତି ସୁଜିତର ଉଦ୍ଧାର ପାଇଁ ଚିନ୍ତା ପ୍ରକଟ କରିଥିଲେ।
