ମସ୍କୋ: ଉତ୍ତର ଆମେରିକା ମାଳଦ୍ୱୀପର ଉତ୍ତର-ପଶ୍ଚିମରେ ଅବସ୍ଥିତ ବିଶ୍ୱ ମାନଚିତ୍ରରେ ରହିଛି ‘ଆଲାସ୍କା’ ରାଜ୍ୟ। ଯାହାକି ଋଷ୍ର ନିକଟରେ ରହିଛି। ଆଲାସ୍କା ହେଉଛି ଆମେରିକାର ୫୦ ରାଜ୍ୟ ମଧ୍ୟରୁ ୪୯ ତମ ରାଜ୍ୟ। ଆଲାସ୍କା ଆମେରିକାର ଏକ ଅଂଶ ନୁହେଁ । ଏହା ପୂର୍ବରୁ ଋଷ୍ର ଥିଲା। ଋଷ୍ ଏହାକୁ ଆମେରିକାକୁ ବିକି ଦେଇଥିଲା। ୧୮୬୭ ମାର୍ଚ୍ଚ ୩୦ରେ ଆଲାସ୍କା ଋଷ୍ ସାମ୍ରାଜ୍ୟରୁ ଅଲଗା ହୋଇଯାଇଥିଲା। ଏହାର ପ୍ରତିବଦଳରେ ରୁଷ୍ଙ୍କ ରାଜା ଆମେରିକା ଠାରୁ ୪୫ କୋଟି ୪୧ ଲକ୍ଷ ଟଙ୍କା ନେଇଥିଲେ। ବରଫାବୃତ୍ତ ଅଞ୍ଚଳ ଏବଂ ଋଷ୍ଠାରୁ ଏହା ଦୂରରେ ହୋଇଥିବାରୁ ଆଲସ୍କାକୁ ଋଷ୍ ବିକି ଦେଇଥିଲା ବୋଲି କୁହାଯାଏ। ୧୯୫୯ ମସିହାରେ ଆମେରିକା ଆଲାସ୍କାକୁ ଏହାର ୪୯ ତମ ରାଜ୍ୟ ଭାବରେ ଘୋଷଣା କଲା। ଆମେରିକାର ଦଖଲ ହେତୁ ଜାପାନ ସେନା ମଧ୍ୟ ଦ୍ୱିତୀୟ ବିଶ୍ୱଯୁଦ୍ଧ ସମୟରେ ଆଲାସ୍କା ଉପରେ ଆକ୍ରମଣ କରିଥିଲା। କାନାଡା ଆଲାସ୍କାର ପୂର୍ବରେ ରହିଛି। ଉତ୍ତରରେ ଆଣ୍ଟାର୍କଟିକା ମହାସାଗର, ଦକ୍ଷିଣ ପଶ୍ଚିମରେ ପ୍ରଶାନ୍ତ ମହାସାଗର ଏବଂ ପଶ୍ଚିମରେ ଋଷ୍ ଅବସ୍ଥିତ। ଆଲାସ୍କାରେ ଋଷ୍ ସାମ୍ରାଜ୍ୟର ସମୟରୁ ଏହି ରାଜ୍ୟର ନାମ ବ୍ୟବହୃତ ହୋଇଆସୁଥିଲା। ଆମେରିକା ଏହାକୁ କିଣିବା ପରେ ମଧ୍ୟ ଏହାର ନାମ ପରିବର୍ତ୍ତନ କରି ନ ଥିଲା। ଆଲାସ୍କା ହେଉଛି ମଧ୍ୟପ୍ରଦେଶ ବା ମହାନ ଭୂମି। ଆଲାସ୍କାରେ ଅବସ୍ଥିତ, ଜୋନାସ ଆଇସ୍ ଫିଲ୍ଡ ବିଶ୍ୱର ସପ୍ତମ ବୃହତ୍ତମ ବରଫ କ୍ଷେତ୍ର ଭାବରେ ପରିଗଣିତ। ୧୫୦୦ ବର୍ଗ କିଲୋମିଟର ଅଞ୍ଚଳରେ ପରିବ୍ୟାପ୍ତ ଏହି ଅଞ୍ଚଳରେ ବର୍ଷକୁ ୧୦୦ ଫୁଟ ଉଚ୍ଚରେ ବରଫ ପଡ଼ିଥାଏ। ଗ୍ରୀଷ୍ମ ଋତୁରେ ଏହି ବରଫ ତରଳିଥାଏ। ଖାଲି ଏତିକି ନୁହେଁ, ଆଲାସ୍କାରେ ପ୍ରତିବର୍ଷ ୫୦୦୦ ଥର ଭୂକମ୍ପ ହୋଇଥାଏ। ଫଳରେ ବାଧ୍ୟ ହୋଇ ଋଷ୍ ଏହାକୁ ଆମେରିକାକୁ ବିକି ଦେଇଥିଲା।
