ନୂଆଦିଲ୍ଲୀ, ୨୬।୧୧:୨୦୨୧ରୁ ବର୍ତ୍ତମାନ ସୁଦ୍ଧା ଦେଶରେ ୭୧ ବାଘଙ୍କ ଅସ୍ବାଭାବିକ ମୃତ୍ୟୁ ଘଟିଛି। ସୋମବାର ଲୋକ ସଭାରେ ଏକ ପ୍ରଶ୍ନର ଉତ୍ତର ରଖି କେନ୍ଦ୍ର ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ ରାଷ୍ଟ୍ରମନ୍ତ୍ରୀ କୀର୍ତ୍ତି ବର୍ଦ୍ଧନ ସିଂହ ଏହି ସୂଚନା ଦେଇଛନ୍ତି। ଏହି ଅବଧି ମଧ୍ୟରେ ମଧ୍ୟପ୍ରଦେଶରେ ସର୍ବାଧିକ ୨୦ ବାଘଙ୍କ ଅସ୍ବାଭାବିକ ମୃତ୍ୟୁ ଘଟିଥିବାବେଳେ ମହାରାଷ୍ଟ୍ର ଓ କର୍ନାଟକରେ ଏହି ସଂଖ୍ୟା ଯଥାକ୍ରମେ ୧୫ ଏବଂ ୪ ରହିଛି। ୨୦୨୧ରେ ୨୦ ବାଘଙ୍କ ଅସ୍ବାଭାବିକ ମୃତ୍ୟୁ ଘଟିଥିବାବେଳେ ୨୦୨୨ରେ ୨୫, ୨୦୨୩ରେ ୨୫ ଏବଂ ଚଳିତ ବର୍ଷ ବର୍ତ୍ତମାନ ସୁଦ୍ଧା ଗୋଟିଏ ବାଘର ଅସ୍ବାଭାବିକ ମୃତ୍ୟୁ ଘଟିଛି। ସେହିପରି ଦେଶରେ ବାଘଙ୍କ ସଂଖ୍ୟା ବାର୍ଷିକ ୬% ହାରରେ ବଢ଼ୁଥିବା କୀର୍ତ୍ତି କହିଛନ୍ତି। ୨୦୨୨ରେ ହୋଇଥିବା ଅଖିଳ ଭାରତୀୟ ବାଘ ଗଣନା ଅନୁଯାୟୀ, ଦେଶରେ ବାଘ ସଂଖ୍ୟା ୩,୬୮୨ ରହିଛି। ୨୦୧୪ ଏବଂ ୨୦୧୮ ବାଘ ଗଣନା ଅନୁଯାୟୀ ଏହି ସଂଖ୍ୟା ଯଥାକ୍ରମେ ୨,୨୨୬ ଏବଂ ୨,୯୬୭ ରହିଥିଲା।
