ନୂଆଦିଲ୍ଲୀ,୭।୭: ଗତ ୩ ବର୍ଷ ମଧ୍ୟରେ ୯ ହଜାର କୋଟି ଟଙ୍କା ଲୋକ ସଭା ନିର୍ବାଚନରେ ଖର୍ଚ୍ଚ ହୋଇଛି। ସେଥିମଧ୍ୟରୁ ୬୦ ପ୍ରତିଶତ କେବଳ ଇଭିଏମ୍ରେ ଖର୍ଚ୍ଚ ହୋଇଛି। ସଂସଦରେ ଉପସ୍ଥାପିତ ରିପୋର୍ଟରେ ଏହା ଦର୍ଶାଯାଇଛି। ଏହି ସମୟ ମଧ୍ୟରେ ୮ ହଜାର ୯ଶହ ୬୬ କୋଟି ଟଙ୍କା ଖର୍ଚ୍ଚ ହୋଇଥିବାବେଳେ ସେଥିମଧ୍ୟରୁ ଇଭିଏମ୍ରେ କେବଳ ୫ ହଜାର ୪ଶହ ୩୦ କୋଟି ଖର୍ଚ୍ଚ ହୋଇଛି। ୨୦୧୭-୧୮ରେ ଇଭିଏମ୍ରେ ଏକ ହଜାର ୪ଶହ ୭୮ ଟଙ୍କା ଖର୍ଚ୍ଚ ହୋଇଥିବାବେଳେ ପ୍ରତ୍ୟକ୍ଷ ଖର୍ଚ୍ଚ ୫ ଶହ ୪୯ କୋଟି, ଭୋଟର ପରିଚୟ ପତ୍ରରେ ୫୦ କୋଟି ଏବଂ ଅନ୍ୟ ଖର୍ଚ୍ଚ ପରିମାଣ ୬ଶହ ୫ କୋଟି ଟଙ୍କା ଥିଲା। ସେହିପରି ୨୦୧୮-୧୯ରେ ଏସବୁ ଖର୍ଚ୍ଚ ଯଥାକ୍ରମେ ୩ ହଜାର ୯ ଶହ ୨୭ କୋଟି, ୪ ଶହ ୭୦ କୋଟି, ୬୦ କୋଟି ଏବଂ ୩ ଶହ ୬୩ କୋଟି ଥିଲା। ୨୦୧୯-୨୦ରେ ଏହି ଖର୍ଚ୍ଚ ଯଥାକ୍ରମେ ୨୫ କୋଟି, ହଜାରେ କୋଟି, ୯୦ କୋଟି ଏବଂ ୩ଶହ ୪୯ କୋଟି ଟଙ୍କା ରହିଛି ବୋଲି ରିପୋର୍ଟରେ ଦର୍ଶାଯାଇଛି।
