ଆସିକା,୨ା୫(ଡି.ଏନ୍.ଏ.)- ଆସିକା ଥାନା ଅନ୍ତର୍ଗତ ସାପୁଆପଲ୍ଲୀ ଓ ଗୁଡସର ଗ୍ରାମରେ ଘଟିଥିବା ପୃଥକ ୨ ଯୌତୁକ ନିର୍ଯାତନା ମାମଲାରେ ପୋଲିସ ଶନିବାର ୩ ଜଣଙ୍କୁ ଗିରଫ କରିଛି। ଗିରଫ ଅଭିଯୁକ୍ତମାନଙ୍କୁ ଶନିବାର କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ପ୍ରଶାନ୍ତ କୁମାର ସାହୁ ସୂଚନା ଦେଇଛନ୍ତି। ସାପୁଆପଲ୍ଲୀ ଗ୍ରାମରେ ମହିଳାଙ୍କୁ ମାରପିଟ କରି ଜୀବନରେ ମାରିଦେବା ଧମକ ଅଭିଯୋଗରେ ପୋଲିସ ଅଭିଯୁକ୍ତ ସ୍ବାମୀ ପିଣ୍ଟୁ ବେହେରା ଓ ଶ୍ୱଶୁର ସୁରି ବେହେରାଙ୍କୁ ଗିରଫ କରିଛି। ଏ ନେଇ ନଂ.୨୪୯/୨୦ରେ ମାମଲା ରୁଜୁ କରାଯାଇଛି। ସେହିପରି ଗୁଡିସର ଗ୍ରାମରେ ସ୍ତ୍ରୀଙ୍କୁ ନିର୍ଯାତନା ଦେବା ଅଭିଯୋଗରେ ସ୍ବାମୀ ବସନ୍ତ ମହାରଣାଙ୍କୁ ଗିରଫ କରାଯାଇଛି। ଏ ନେଇ ନଂ.୨୫୦/୨୦ରେ ଏକ ମାମଲା ରୁଜୁ ହୋଇଛି।
