ବରଗଡ଼ ଅଫିସ,୯।୧୦- ଆସନ୍ତା ୨୧ ତାରିଖରେ ବରଗଡ଼ ଜିଲା ବିଜେପୁର ଉପନିର୍ବାଚନ। ଉପନିର୍ବାଚନକୁ ଶୃଙ୍ଖଳିତ, ଅବାଧ ଓ ନିରପେକ୍ଷଭାବେ ସମାପନ କରିବା ପାଇଁ ପୋଲିସ ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି ଚାଲିଛି। ଏହି ପରିପ୍ରେକ୍ଷୀରେ ବୁଧବାର ବରଗଡ ଜିଲା ପୋଲିସ ମୁଖ୍ୟାଳୟରେ ଏକ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି। ଉକ୍ତ ବୈଠକରେ ପୋଲିସ ମହାନିର୍ଦ୍ଦେଶକ (ଡିଜିପି) ବି. କେ ଶର୍ମା ଉପସ୍ଥିତ ରହି ଉପନିର୍ବାଚନ ନେଇ ପୋଲିସର ପ୍ରସ୍ତୁତି ଉପରେ ସମୀକ୍ଷା କରିଥିଲେ। ଏହା ସହିତ ସୁରକ୍ଷା ବ୍ୟବସ୍ଥା ଉପରେ ପୋଲିସ ଅଧିକାରୀମାନଙ୍କୁ ସେ ବିଭିନ୍ନ ପରାମର୍ଶ ଦେଇଥିଲେ। ସେହିପରି ଅତିରିକ୍ତ ପୋଲିସ ମହାନିର୍ଦ୍ଦେଶକ ଆର୍. ପି କୋଚେ, ସ୍ପେଶାଲ ଡିଜିପି ସୁନିଲ ରାୟ, ଆଇଜିପି ଆର୍. କେ ଶର୍ମା, ଅମିତାଭ ଠାକୁର, ଉତ୍ତରାଞ୍ଚଳ ଡିଆଇଜି ଏଚ୍. କେ. ଲାଲ, ସମ୍ବଲପୁର ଏସ୍ପି କେ. ବି. ସିଂ, ବଲାଙ୍ଗୀର ଏସ୍ପି ଏମ୍. ଏସ୍ ସମ୍ପତ୍, ବରଗଡ଼ ଏସ୍ପି ପଦ୍ମିନୀ ସାହୁ, ସୋନପୁର ଏସ୍ପି ଦେବୀ ପ୍ରସାଦ ଦାଶ, ଝାରସୁଗୁଡ଼ା ଏସ୍ପି ଅଶ୍ବିନୀ କୁମାର ମହାନ୍ତି ପ୍ରମୁଖ ବୈଠକରେ ଉପସ୍ଥିତ ଥିବାବେଳେ ଉପ ନିର୍ବାଚଚନ ସମୟରେ ଅପରାଧ ନିୟନ୍ତ୍ରଣ ଉପରେ ଆଲୋଚନା କରିଥିଲେ।
