ଗୁଆହାଟି,୧୧।୭: ୟୁନିଫର୍ମ ପିନ୍ଧି କେତେଜଣ ବିଦ୍ୟାର୍ଥୀ ଧାନ ରୋଇବାର ଏକ ଫଟୋ ଏବେ ସାରା ଦେଶରେ କୌତୁହଳ ସୃଷ୍ଟି କରିଛି। ଏହା ଆସାମ ତୁଦଳଗୁଡି ଜିଲାର ଏକ ସ୍କୁଲର ବୋଲି କୁହାଯାଉଛି। ଏଠାରେ ପିଲାମାନଙ୍କୁ ଶିକ୍ଷା ସହ ଗ୍ରାମୀଣ ଜୀବନ ବିଶେଷ ପରି ଚାଷ ସମ୍ପର୍କିତ ଅନୁଭବ ପାଇଁ ଏଭଳି ନିଆରା ଉପାୟ ବଛାଯାଇଛି। ୨୦୧୮ ପାଠ୍ୟକ୍ରମରେ ଧାନ ରୋଇବା ବିଷୟକୁ ସ୍ଥାନ ଦିଆଯାଇଥିବା ବେଳେ ଚଳିତ ବର୍ଷ ମଧ୍ୟ ଏହାକୁ ରଖାଯାଇଛି। ଫାର୍ମିଂ ପ୍ରାକ୍ଟିକାଲ କ୍ଲାସରେ ଏହି ପିଲାମାନଙ୍କୁ ବହି ଜ୍ଞାନ ସହ ଧାନ ରୋଇବା ବିଷୟରେ ମଧ୍ୟ ଶିକ୍ଷା ଦିଆଯାଉଛି। ସେଥିପାଇଁ ଶିକ୍ଷକ ପିଲାମାନଙ୍କୁ ସିଧାସଳଖ ଧାନ କ୍ଷେତକୁ ନେଇ ସେମାନଙ୍କୁ ଧାନ ରୋଇବା ଶିଖାଉଛନ୍ତି। ଏବେ ଏହି ଫଟୋଟିକୁ ଦେଖି ପ୍ରାୟ ସମସ୍ତେ ଖୁସି ପ୍ରକାଶ କରୁଛନ୍ତି।
