ଚୋର ପୋଲିସର ଖେଳ କଥା ସମସ୍ତଙ୍କୁ ଜଣା। ହେଲେ ଏବେ ଦକ୍ଷିଣ ଫ୍ଲୋରିଡାରେ ଗୋଟିଏ ଗାଈକୁ ଧରିବାକୁ ପୋଲିସ ନାକେଦମ ହୋଇଥିବା ଜଣାପଡିଛି। ଗାଈଟି ହଜିଯାଇଥିବା ନେଇ ସୂଚନା ରହିଥିବା ବେଳେ ପୋଲିସ ତାକୁ ଧରିବାକୁ ଯେତେ ଚେଷ୍ଟା କଲେ ବି ଗାଈଟି ବାରମ୍ବାର ପୋଲିସ ହାତରୁ ଖସିଯାଉଥିବା ଜଣାପଡିଛି। ପୋଲିସ ଟୁଇଟର୍ରେ ସାଧାରଣ ଜନତାଙ୍କୁ ଏଥିରେ ସାହାଯ୍ୟ କରିବାକୁ ଅନୁରୋଧ କରିଛି। ପୋଲିସ କହିଛି ଗାଈଟି ଆଖି ପିଛୁଳାକେ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ଚାଲିଯିବ, ପାଣିରେ ବହୁ ସମୟ ଧରି ବୁଡି ରହିବା ଭଲି ଘଟଣା ଘଟୁଥିବାରୁ ପୋଲିସ ଉକ୍ତ ଗାଈଟିକୁ ଧରିବାରେ ସକ୍ଷମ ହେଉନାହିଁ। ଏହାସହ ପୋଲିସ ଟୁଇଟର୍ରେ ବି ଲେଖିଛି ଗାଈଟି କାହାର କିଛି କ୍ଷତି କରୁ ନ ଥିଲେ ମଧ୍ୟ ରାସ୍ତା ଉପରେ ବୁଲିବାକୁ ପସନ୍ଦ କରୁଥିବାରୁ ଦୁର୍ଘଟଣା ଘଟିବାର ସମ୍ଭାବନା ରହିଛି। ତେଣୁ ଗାଡ଼ି ଚଲାଇବା ବେଳେ ଗାଈ ପ୍ରତି ସାବଧାନ ରହିବାକୁ ପୋଲିସ କହିଛି।
